Film Dialogues

হুম্নি চুপ্না পাঙথোক্কদৌবা নমমী বরাক উৎসব ঙসিদগী হৌখ্রে

নভেম্বর ১৮, ২০১৭
বরাক তুরেলগী ঈশিং লম্বীদা লল্লোন-ইতিক তৌবা অমসুং তুরেল অসিগী মরেপ লুহন্দুনা ইশিং ইচাওদগী ঙাকথোকচনবা হোৎনবগী পান্দমদা বরাক তুরেলগী মরীল তৌথোকপগী থবক হৌখ্রে। ঙসিদগী (নভেম্বর ১৮, ২০১৭) রাণীঘাটতা বরাক তুরেল মরীল তৌথবগী থবক হৌরে। ঙসি শিলচরদা নমমী বরাক উৎসবকী হৌদোকপগী থৌরমগা মরী লৈননা ৱা ঙাংবদা আসামগী মুখ্যমন্ত্রী সর্বানন্দ সোনোৱালনা ৱাফমসি ফোঙদোকখিবনি। কাছাড়, করিমগঞ্জ অমসুং হাইলাকান্দিদা থোং অমমম শাবা, শিলচরদা বিবেকানন্দ ইন্তরনেসনেল রিসার্স সেন্টর অমা শাবা অমসুং অৱাংবা থাক্কী লাইব্রেরী লিংখৎপা, করিমগঞ্জতা হেলিপেদ অমা শেমগৎপা, সুতারকান্দিদা ইন্টরনেসনেল ট্রেদ সেন্টর অমুক নৌহৌননা শেমগৎপা, শিলচরদগী চুমদ্রিং সৌরাস্ট্র (গুজরাট) ফাওবা চৎপা য়াবা ট্রেন চেলহনবগী ৱাফমসু মহাক্না ফোঙদোকখি। নুমিৎ হুম্নি চুপ্না পাঙথোক্কদৌরিবা নমমী বরাক উৎসবকী শিলচর পুলিস পেরেদ গ্রাউন্দা ঙসি হৌদোকপা নুমিৎকী থৌরমদা ত্রিপুরাগী রাজ্যপাল তথাগত রায়, নাগালেন্দগী রাজ্যপাল পি বি আচার্য্য, মেঘালয়গী রাজ্যপাল গঙ্গাপ্রসাদ, কেন্দ্রগী স্বরাষ্ট্র প্রতিমন্ত্রী কিরেন রিজিজু, রেল প্রতিমন্ত্রী রাজেন গোহাই, বিধান সভাগী হান্নগী ৱাঙাংলোই রঞ্জিত কুমার দাস, দেপুতি স্পিকার দিলীপ কুমার পাল, এমপী বিজয়া চক্রবর্ত্তী, বোরোলেন্দ তেরিতোরিয়েল কাউন্সিলগী চীফ হাগ্রামা মোহিলারী, রাজ্যগী পাৱার মিনিস্তর পল্লব লোচন দাস, পি দব্লিউ দি মন্ত্রী পোরিমল শুক্লবৈদ্য, রাজ্যগী ইন্দাস্ট্রি মন্ত্রী চন্দ্রমোহন পটৱারী, হান্নগী কেন্দ্রগী মন্ত্রী কবীন্দ্র পুরকায়স্থ নচিংবা মরুওইবা মীওইশিং থৌরমদা শরুক য়াখি। নমমী বরাককী নিনি চনবা নুমিৎ হয়েং (নভেম্বর ১৯, ২০১৭) নুংথিলগী পুং ৩ শিলচর দি.এস.এ. লম্পাকতা শগোল কাংজৈগী একজিবিসন মেচ অমা উৎননবা মনিপুরদগী শগোল ১২ গা লোয়ননা শান্নরোইশিংসু শিলচরদা থুংলখ্রে। 

রামকিঙ্কর বেইজকী স্কালপচারশিং তুংকোয়না থম্নবগী থৌরাং তৌখ্রে।

সাঁওতাল ফেমিলি, ১৯৩৮, শান্তিনিকেতন





















নভেম্বর ০৯, ২০১৭ :
কচ-দেবযানী, সুজাতা, সাঁওতাল ফেমিলি, বুদ্ধ, ফাউন্টেইন অসিনচিংবা মালেমদা মমিং লৈরবা স্কালপচার ঙাক্তনি। খৃঃকুমজা ১৯৩০দগী ১৯৫৬ ফাওবগী মনুংদা রামকিঙ্কর বেইজনা মশানা শেমলম্বা স্কালপচারশিং অসি তুংকোয়না তেকতা-কায়দনা থম্নবগী থৌরাং তৌখ্রে। কেন্দ্র সরকারনা রামকিঙ্করগী কলাবু ঙাকশেন্দুনা থম্ননবগী দমক লুপা কোতি নিপান পীরক্লগনি হায়বগী ৱাফম বিশ্বভারতীদা খঙহল্লকলে হায়রি। মহাক্কী স্কালপচারশিং অসিবু ব্রোঞ্জ কাস্টিং তৌদুনা চপ মান্নবা মুর্ত্তি অনি/অনি শাদুনা থমগদৌরি। অমনা বিশ্বভারতিদা অদুগা অতোপ্পা অমনা দিল্লিগী নেসনেল গেলারি অফ মোদার্ন আর্টতা থম্লগনি।থৌওং অসিনা মহাক্কী শারম্বা মুর্ত্তিশিং অসি করিগুম্বদা অকায়-অতোয় থোক্লবসু অমুক হন্না শাবগী খুদোংচাবা লৈরগনি। হৌজিক্কী ওইনদি মহাক্কী স্কালপচারশিং অসিগী খরমদি ময়ি চীংলে অদুগা খরনা মকু হুবগুম তৌরে। শেলথুমগী খুদোংচাখিদবনা মরম ওইরদুনা রাককিঙ্করনা মতমদুদা মহাক্কী স্কালপচারশিং অদু রেতারাইট অমসুং সিমেন্টনা শাখিবনি।

"অতোপ্পা গ্রহদা চেলহৌবা নত্তনা উপায় লৈতে, ঐখোয়গী পৃথিবীসিদি মৈবুন গুম্না তাশিল্লক্লগনি !"



নভেম্বর ০৮, ২০১৭
"অতোপ্পা গ্রহদা চেলহৌবা নত্তনা উপায় লৈতে, ঐখোয়গী পৃথিবীসিদি মৈবুন গুম্না তাশিল্লক্লগনি !" ৱাফম অসি মমিং লৈরবা বিজ্ঞানিক স্টিফেন হকিংনা হায়খিবনি। ঐখোয়গী সৌরজগৎ অসিগী ৱাংমদা লৈরিবা অতোপ্পা গ্রহশিংগী থৱাই পানবা জিবশিংনসু ঐখোয়বু থিরিবনি হায়না মহাক্না ফোংদোকলি। ঐখোয়গী পৃথিবী অসিগুম্বা শোইদনা লৈগনি হায়বা ৱাফম নাসানসু ফোংদোকখিবা লৈখ্রে। নোংম নোংমগী য়ামখৎলক্লিবা মীশিং অমসুং মখোয়গী মথৌতাবা মচাকশিং ফংননবা হোৎনবদা ঐখোয়না লৈরিবা পৃথিবী অসি ঙসিদগী চহী ৬০০ কী মনুংদা মৈবুন অমগী মতৌ ওনখ্রগনি, থৌওং অসিবু কনানসু থিংবা ঙমলোই হায়না হকিংনা পাউদমলি। মীওইবা জাতিনা তুংকোয়না হিংদুনা লৈনবগী দমকতা অতোপ্পা গ্রহ অমদা চৎহৌবা তঙাইফদে। ঐখোয়গী সৌরজগৎ অসিগী মনাক নক্না লৈরিবা অতোপ্পা সৌরজগৎ আলফা সেনট্যুরি অসিদা ঐখোয়গী লৈফম থিবা তাবনি।মসিনা খ্বাইদগী ফবা উপাইনি হায়না মহাক্না মখা তাখি। বৈজিংদা পাঙথোকখিবা থৌরম অমদা মহাক্না ৱাফমসি ফোংদোক্লদুনা আলফা সেনট্যুরিদা নোনোক্রাফ্ট থাদুনা চাংয়েং চৎথনবা মহাক্না হায়খি। নেনোক্রাফ্ট হায়রিবসি মঙালগী খোংজেলগা হায়রপ মান্ননা য়াংনা পাইবা ঙম্বা মখলগী স্পেস ক্রাফ্টনি। মসিগী মতেংনা আলফা সেনট্যুরি য়ৌবদা চহী ২০ দগী ৩০ ফাওবা চঙগনি অদুগা ঐখোয়গী গ্রহসিগা থংনবদা লৈরিবা লৈবাকপোকপা গ্রহদা থুংবদা শুপ্নতগী পুং অমত্তমক চংগনি। অদুম ওইনমক হৌজিক ঐখোয়না শিজিন্নরিবা স্পেস ক্রাফ্ট অসিগী মতেংনা পৃথিবীদগী আলফা য়ৌনা চৎনবা হোৎনবদা চহী লিশিং ৩০ রোম চঙগনি। অমবু ওইরবসু অমবু ওইরবসু হকিংগী ৱারোলদা ঐখোয়গী পৃথিবী অসিগী চহি অসি শুপ্নতগী চহী ৬০০ তমক ঙাইরে হায়বসিনা ঐখোয় মীওইবনা মালেমসিদা কয়াম কুইনা হিংদুনা লৈবা হায়বদুদি মতমনা তাক্লবা হায়বদুনি।
<(Source: LongjamDorendra(at)Gmail(dot)Com)>

Boat capsized in Cachar District of Barak Valley

In Assam, at least three persons are feared dead, after their boat capsized in 
Cachar District of Barak Valley yesterday ( 23 July 2017). According to the reports, the boat with
9 persons on board capsized in flood waters at Lakhipur sub-division in Cachar
district. Following the incident, six persons were rescued by the nearby fishermen
with the help of the locals. The three persons are still missing. The National
Disaster Response Force and State Disaster Response Force teams have been
called and search operation is still on. (Source: AIR)