মীজোরামগী সাইরাং ফাওবা রেল চেলহন্দুনা অহানবা ট্রায়াল রান মায়পাকনা পাঙথোকখ্রে

লখিপুরওনলাইন ডিজিটেল ডেস্ক, ৩ মে ২০২৫ঃ

মীজোরামগী সাইরাং ফাওবা রেল চেলহন্দুনা অহানবা ট্রায়াল রান মায় পাকপগা লোয়ননা অৱাং-নোংপোক ঙমখৈ রেলৱেগী অচৌবা মায়পাকপা পুরকপা ঙমখ্রে। খোংথাং অসিনা মিজোরামবু লৈবাক্কী রেলৱে নেটৱার্কশিংগা শম্নহন্দুনা রাজ্য অসিগীদমক্তা অনৌবা যুগ অমা হৌদোকলে। অৱাং-নোংপোক ঙমখৈ রেলৱেগী জেনেরেল মেনেজর (শেমশাগৎপা), শ্রী অনশুল গুপ্তা অমসুং শ্রী সুনীল কুমার ঝাগা লোয়ননা সিনিওর ওফিসরশিংগা লোয়ননা ট্রায়াল রান অদু চৎথখি।

মিজোরামগী রাজ্যপাল, ডঃ কম্ভম্পতি হরি বাবু অমসুং মিজোরামগী মুখ্যমন্ত্রী, জোরমথাংগানা অৱাং-নোংপোক ঙমখৈ রেলৱেবু থাগৎপা ফোংদোকখি৷ লাকলিবা জুন থাদা রেলৱে অসি হৌদোকপগী থৌরমদা শরুক য়াগনি হায়না মহাকনা থাজবা ফোংদোকখি৷ রাজ্যপালনা প্রোজেক্ট অসি লোইশিন্নবা হোৎনবদা থৌদাং য়ারিবা ওফিসরশিংবুশু থাগৎপা ফোংদোকখি৷ মুখ্যমন্ত্রীনা মসিগী প্রোজেক্ট অসিনা রাজ্য অসিদা অচৌবা কান্নবা কয়া পুরক্লগনি হায়না থাজবা ফোংদোকখি।

কিলোমিটার ৫২.৭১ শাংবা ভৈরবী-সাইরাং অনৌবা রেলৱে লাইন প্রোজেক্ট অসি ভারতকী রেলৱেগী খ্বাইদগী চাউবা প্রোজেক্টশিংগী মনুংদা অমনি৷ প্রোজেক্ট অসিদা মেইন ব্রিজ ৮৭ লোয়ননা অচৌবা ব্রিজ ১২ অমসুং অপীকপা ব্রিজ ৫৩, অপীকপা ব্রিজ ৬৭ অমসুং রোদ ওভার/অন্দর ব্রিজ ২৯৯ লৈ। মসিদা স্টেশন ৮ লৈগনি। প্রোজেক্ট অসিদা তনেল ৫৭ লৈরি অমসুং অপুনবগী ওইনা কিলোমিতর ১২.৬৪৬ শাংনা তনেলগী শরুকসিং লৈরি। ১০সুবা নম্বরগী তনেল অসি মিটার ৩২৮৫ শাংঙি অদুগা মসিনা খ্বাইদগী শাংবা তনেলনি৷

প্রোজেক্ট অসিনা মিজোরামগী মীয়ামদা কান্নব কয়া পুরক্লগনি অমসুং লমদম অসিগী শেন্মীৎলোন অমসুং সোসিয়েল চাউখৎপদা অচৌবা থৌদাং লৌরগনি।

ভারত সরকারনা অৱাং নোংপোককী রাজ্যশিংগী চাওখৎ থৌরাংদা মরুওইবা মীৎয়েং থম্লি অমসুং মসিগী মনুংদা রেলৱে ফগৎহনবা অসি মরুওইবা থৌদাং অমনি। মসিগী থবকশিং অসিনা লমদম অসিগী শেন্মিৎলোন অমসুং মীয়ামগী পুন্সি মহিং ফগৎহনবদা চাওনা মতেং পাংলগনি হায়না পানরি। 

মনিপুরদা পায়খৎলিবা মরুওইবা রেলৱে প্রোজেক্ট জিরিবাম-ইম্ফাল রেলৱে লাইন কিমি ১১১ শাংবা রেলৱে লাইন অসিনা রাজ্যগী কোনুং ইম্ফালবু ভারতকী অতোপ্পা মফমশিংগা রেলৱে লম্বীদা শম্নহনগনি। মসিগী প্রোজেক্ট অসিগী শেলফম অসি লুপা কোতি ২২,২৭৪.৫৭ রোম ওইগনি হায়না পান্নরি, অমসুং মার্চ ৩১, ২০২৪ ফাওবদা লুপা কোতি ১৪,৪২৩ থাদোকখ্রে হায়রি।

জিরিবামদগী খোংসাং ফাওবগী (৫৫.৩৬ কিমি) সেক্সন অসিগী শরুক অনি লোইশিনখ্রে। জিরিবামদগী ভাংগাইচুংপাও ফাওবা (১১.৮০ কিমি) ফেব্রুৱারী ২০১৭ দা অমসুং ভাংগাইচুংপাওদগী খোংসাং ফাওবা (৪৩.৫৬ কিমি) সেপ্টেম্বের ২০২২ দা লোইশিনখি। হৌজিক খোংসাং ফাওবদা পোৎলম পুবা গুডস ট্রেনশিং চেল্লে হায়রি। প্রোজেক্ট অসিগী অরোইবা শরুক, খোংসাংদগী নোনে (১৮.২৫ কিমি) অমসুং নোনেদগী ইম্ফাল (৩৭.০২ কিমি) ফাওবগী থবকশিং অসি হৌজিক চত্থরি হায়রি।

প্রোজেক্ট অসিদা অৱাবা কয়া মায়োক্নরি, মদুদি লম একুইজিসন, ফরেস্ট ক্লিয়রেন্স, অৱাংবা চীং অমসুং আইন ওইবা অৱাবা কয়া লৈরি। প্রোজেক্ট অসি লোইশিল্লবা মতুংদা মনিপুরগী শেন্মিৎলোন, টুরিজম, অমসুং অপুনবা চাওখৎ থৌরাংদা অচৌবা খুমাং চাওশিনবা পুরক্কনি। মখা তানা ইম্ফালদগী মোরে ফাওবা রেলৱে লাইন শাদুনা অমসুং মদু মায়ানমারগা শম্নহন্নবা থৌরাং লৈরি, মসিনা ত্রান্স-এসিয়ন রেলৱেগা শম্নহন্নবগী পান্দম থম্লি।

মিজোরামগীদমক মরুওইবা রেলৱে প্রোজেক্ট হায়রগদি ভৈরবী-সাইরাং রেলৱে লাইন শাবা অসিনি। প্রোজেক্ট অসিদা অচৌবা তনেল ৩২ অমসুং থোং কয়া অমা য়াওরি, লাইন অসিদা মরুওইবা স্তেসন মরি লৈগনি: হোর্তোকি, কওনপুই, মুৱালখাং, অমসুং সাইরাং।

ভৈরবী-সাইরাং প্রোজেক্ট অসিসু ভারত সরকারগী এক্ট ইষ্ট পোলিসীগী শরুক অমনি। মসিনা মিজোরামগী মীয়ামগীদমক অচৌবা অহোংবা পুরক্কনি অমসুং রাজ্যগী চাওখৎ থৌরাংদা মতেং পাংগনি। মখা তানা সাইরাঙদগী মায়ানমারগী চিনফাওবদা রেলৱে লাইন শানবগী থৌরাং লৈ হায়রি।

নোংপোক থংবদা রেলৱেগী কান্নবশিং অমসুং শিংনবশিং

নোংপোক থংবা রাজ্যশিংদা রেলৱে প্রোজেক্টশিং অসিনা লমদম অসিগীদমক চাউখৎপগী অনৌবা তাঙ্কক অমা হৌদোক্কনি। মসিনা পোৎলম পুথোক-পুশিন তৌবদা মতম চংদনা অমসুং হোংনা ফংহনগনি, শেন্মিৎলোন ফগৎহনগনি, টুরিজমগী লমদা খুমাং চাওশিনহনগনি, অমসুং লমদম অসিগী মীয়াম্বু লৈবাক্কী অতোপ্পা শরুকশিংগা হেন্না নকশিন্নহনগনি।

অদুবু, প্রোজেক্টশিং অসিদা চীংগী লম, তোয়না চীং নীংখায়বা অমসুং ইকোলজিকেল বেলেন্স থম্বনা চীংবদা অৱাবশিং মায়োক্নরি। মসিগুম্বা প্রোজেক্টশিং অসি মায় পাকপা পুরক্নবগীদমক সরকার অমসুং মীয়াম পুনশিন্দুনা থবক তৌমিন্নবা চংগনি। মসিনা ভারতকী নোংপোক থংবা রাজ্যশিংবু চাওখৎপা অমসুং শক্তি লৈবা লমদম অমা ওইরকপদা মতেং পাংগনি।