ফেলকন নাইন রকেটতা ওক্সিজেন লিক ওইবা থেংনবদগী শুভান্সু শুকলাগি ইন্টারন্যাশনাল স্পেস স্টেশনগী খোংচৎ অমুক হন্না য়ৈথোকখ্রে
ভারতকী পুৱারী ওইরবা খোংজং
অক্টোবর ১০, ১৯৮৫দা উত্তর প্রদেশকী লখনৌদা পোকখিবা গ্রুপ কেপ্টেন শুভানশু শুক্লা, উইং কমাণ্ডর রাকেশ শর্মনা ১৯৮৪দা সোভিয়েত Soyuz T-11 গী খোংচৎ মতুংদা, শুন্দ্রংদা চৎপা অনিশুবা ভারতকী অষ্ট্রোনোট ওইরগনি। মসিনা চহি লিশিং কয়াদগী ভারত সরকারনা হোৎনজরকপগী অহানবা হিউমেন স্পেসফ্লাইট অমসুং ISS দা ভারতকী অহানবা মিশনসু ওইরি। Su-30 MKI, MiG-21, MiG-29, Jaguar, Hawk, Dornier, অমসুং An-32 গুম্বা এয়রক্রাফটশিংদা পুং ২,০০০ হেন্না পাইবগী এক্সপিরিএন্স লৈবা শুক্লানা, Ax-4 গী মিশন পাইলটকী থৌদাং লৌগনি, মসি স্পেসক্রাফটকী দকিং তৌবদা অমসুং হল্লকপগী মরুওইবা থৌদাং লৌগনি।
“ঐহাক মাইক্রোগ্রভিটিদা চৎতুনা স্পেসফ্লাইটকী তানজা অদু কয়াদগী ঙাইদুনা লাকপনি,” হায়না শুক্লানা প্রেস কনফরেন্স অমদা ফোংদোকখি। “ঐহাক্না স্টেশনদা লৈরিঙৈদা ফোটো অমসুং ভিডিওশিংদা ঐগী থবক অদু থাদোরক্কনি, ঐহাককী এক্সপিরিএন্স অসি য়ুমদা লৈরিবা ‘ভারতবাসী’ খুদিংমক্কী মফমদা শেয়র তৌনিংই। মসি বিলিয়ন ১.৪ মীয়ামগী খোংজং অমনি।” মহাক্কী ৱাহৈশিং অসিনা মিশন অসি সাইন্সকী ওইবা থবক অমা ওইনা নত্তনা, লৈবাক্কী চাউথোকচবা ফোঙদোকপা অমা ওইনা উৎলি।
Axiom-4 মিশন:
Axiom Spaceনা Space X অমসুং NASAগা লোইননা পাংথোকপা Axiom Mission 4 অসিনা, SpaceX Falcon 9 Block 5 রকেট শীজিন্নদুনা Crew Dragon C213 স্পেসক্রাফট অদু low Earth orbit (LEO) দা থাগৎকনি। মসি SpaceX না শাবা মঙাশুবা অমসুং অরোইবা Crew Dragon স্পেসক্রাফট ওইরিবা C213গী অহানবা ফ্লাইট ওইগনি। মিশন অসি চাউরাক্না নুমিৎ ১৪ চংগনি হায়না পানরি। ISSদা য়ৌরবা মতুংদা, ক্রুশিংনা সাইন্সকী এক্সপেরিমেন্টশিং, তেক্নোলোজিগী দেমোন্সট্রেসনশিং অমসুং এজুকেস্নেলগী থৌরমশিংগী প্রোগ্রাম পাংথোক্কনি।
Ax-4গী ক্রুশিং, মমাংগী NASAগী অষ্ট্রোনোট পেগি হুইটসন, Axiom Spaceকী দাইরেক্টর ওফ হিউমেন স্পেসফ্লাইটনা লুচিংদুনা, শুক্লানা পাইলট ওইগনি অমসুং পোলেন্দদগী স্লাভোস উজনানস্কি-ভিসনিস্কি অমসুং হঙ্গরিদগী টিবোর কাপুনা মিশন স্পেসিএলিষ্ট ওইগনি। মসিদা ভারত, পোলেন্দ অমসুং হঙ্গরিগীদমক অচৌবা খোংচৎ অমা ওইরি, মরমদি লৈবাক অহুম অসিনা মখোয়গী অহানবা অষ্ট্রোনোটশিং ISS দা থারি। খোংচৎ অসিদা অমেরিকান অষ্ট্রোনোটশিংগী মনুংদা সুন্দ্রংদা খ্বাইদগী মতম শাংনা লৈখিবগী রেকর্ড থম্লিবা হুইটসন্না য়াওরি।
অর্বিট ফাওবগী খোংজং
Ax-4 মিশন অসি SpaceX Falcon 9 রকেট থাগৎপদগী হৌগনি, মসি অমুক হন্না শীজিন্নবা য়াবা ফার্স্ট ষ্টেজকীদমক মমিং চৎলি। Falcon 9 অসিনা Crew Dragon C213 স্পেসক্রাফট অদু, অষ্ট্রোনোট মরি পুদুনা, low Earth orbitদা থাগৎকনি। স্পেসক্রাফট অসি মশানা থবক তৌনবা শেম্লবসু, শুক্লানা পাইলটকী থৌদাং লৌগনি, মসিনা নেভিগেসন, ইমার্জেন্সি প্রোতোকোলশিং অমসুং ISSগা দকিং তৌবগী থৌরাংশিং য়েংশিনগনি। পৃথিৱীদগী ISS ফাওবগী খোংজংদা চাউরাক্না পুং ২৮ চংগনি, স্পেসক্রাফট অসিনা সেকেন্দ অমদা ৭.৬৬ কি.মি.গী স্পীডতা পায়গনি, অমসুং ঐখোয়গী পৃথিবী অসিবু মিনিট ৯০ খুদিংগী কোইনা চৎকনি।
ISSদা য়ৌরবা মতুংদা, Crew Dragon অসিনা স্টেশনগী Harmony moduleদা মশানা দক তৌগনি। মতুংদা ক্রুশিংনা ISSদা চংদুনা, হৌজিক লৈরিবা অষ্ট্রোনোট তরেৎ অমসুং কোস্মোনোটশিংগী টিমদা শরুক য়াগনি, মখোয়না অর্বিটেল লেবোরেটরিদা লৈদুনা থবক তৌরি। পনবা য়াই, ISS অসি মালেম লৈমায়দগী চাউরাক্না কি.মি. ৪০০ ৱাংবদা লৈরি, মসিনা খ্বাইদগী নৌবা রিসর্চ তৌনবা অফবা মাইক্রোগ্রভিটিগী ফিভম অমা পীরি।
শুক্লাগী থৌদাং
মিশন পাইলট অমা ওইনা, শুক্লানা কমাণ্ডর হুইটসনদা স্পেসক্রাফটকী থবক-থৌরমশিংদা মতেং পাংগনি, মসিনা থাগৎপা অমসুং দকিংগী থৌরাংশিংদা মায় পাকহনগনি। মহাক্কী ত্রেনিং অসি আগস্ট ২০২৪দা NASAগী Johnson Space Centerদা হৌখি অমসুং মসিনা SpaceX Dragon স্পেসক্রাফট, ইমার্জেন্সি প্রোতোকোলশিং অমসুং ISS সিষ্টেমশিংগী মরমদা খঙহনখি। শুক্লানা ভারতকী গগনয়ান মিশনগীদমক রসিয়াগী Gagarin Cosmonaut Training Centerদসু ত্রেনিং তৌখি।
নুমিৎ ১৪গী মিশন অসিদা, শুক্লানা লৈবাক ৩১ গী সাইন্সকী স্তদি অমসুং এক্টিভিটি ৬০দা শরুক য়াগনি, মসি Axiom Spaceকী পুৱারীদা খ্বাইদগী চাউবা রিসর্চকী থৌরমনি। ISROনা মাইক্রোগ্রভিটিগী এক্সপেরিমেন্ট তরেৎতা থৌদাং য়াখি, মসিবু ভারতকী রিসর্চ ইন্সটিট্যুটশিংনা কোওর্ডিনেট তৌরি, মখোয়দি:
- Space Microalgae (ICGEB & NIPGR): মাইক্রোগ্রভিটি অমসুং রেদিয়েসন্না চাবা য়াবা মাইক্রোএলগেদা করি ওইহল্লকপগে হায়বদু খঙনবা, মসিনা তুংগী স্পেস মিশনশিংগীদমক চানবা পোৎলম অমা ওইবা য়াই।
- Myogenesis (InStem): মাইক্রোগ্রভিটিদা মেটাবোলিক সপ্লিমেন্টশিংনা মসলশিংদা করি চৈথেং পীরি হায়বদু খঙনবা, মসিনা অষ্ট্রোনোটকী হকশেল অমসুং পৃথিৱীগী মেদিসিনদা কান্নবা পীরি।
- Sprouts-ISRO: শাংলবা মিশনশিংগীদমক চানবা পোৎলম পুথোকপদা মতেং ওইনবা মাইক্রোগ্রভিটিদা মুগ্ অমসুং মেথি মরুশিং থাবগী মরমদা খঙনবনি।
- Voyager Tardigrade-ISRO: Tardigrade (মাইক্রোস্কোপিক জীব)শিংনা সুন্দ্রংদা হিংবগী শক্তি খঙনবা, মসিনা মখোয়না শাথিরবা ফিভমশিংদা করি মওংদা মায়োক্নরি হায়বদু খঙনবনি।
- Voyager Displays-ISRO: মাইক্রোগ্রভিটিদা মীওইবনা টচস্ক্রীন দিভাইসশিং শীজিন্নবগী মওং খঙনবা, মসিনা স্পেসক্রাফটকী ইন্টারফেস দিজাইনদা মতেং ওইগনি।
- Food Crop Seeds (IIST & Kerala Agricultural University): মাইক্রোগ্রভিটিদা চানবা পাম্বীশিংগী মসা মঊ অমসুং পুথোকপদা করি মায়োক্নবগে হায়বদু খঙনবনি।
এক্সপেরিমেন্টশিং অসিনা মীওইবগী হকশেল, পাম্বীগী বায়োলোজি অমসুং লাইফ সপোর্ট সিষ্টেমশিংগুম্বা হীরমশিংদা লৌশিং হেনগৎহনবগী পান্দম থম্মি।
পুন্না থবক তৌমিন্নবগী খুদম
Ax-4 মিশন অসি মালেমগী থাক্তা পুন্না থবক তৌমিন্নবগী খুদম অমনি, মসি প্রধান মন্ত্রী নরেন্দ্র মোদীনা ২০২৩দা অমেরিকাদা চৎপদা ফোংদোকখিবা ISRO-NASAগী এগ্রিমেন্ট অমগী মতুং ইন্না পাংথোকপনি। Axion Spaceকা লোইননা স্পেস ফ্লাইট এগ্রিমেন্ট অমা ইদুনা পাংথোকপা পার্টনরশিপ অসিনা স্পেসকী লমদা থিগৎপদা ভারতকী থৌদাং হেনগৎলকপা উৎলি। মিশন অসিনা ISROগী গগনয়ান প্রোগ্রাম, ভারতকী অহানবা হিউমেন স্পেসফ্লাইট মিশনগসু মরী লৈনৈ। ২০২৬ ফাওবদা ভারতকী অষ্ট্রোনোট অহুম্বু কি.মি. ৪০০গী অর্বিট অমদা থম্বগী পান্দম থমলি।
পোলেন্দগী স্লাভোস উজনানস্কি-ভিসনিস্কি (ESAগী Ignis মিশনগী খুত্থাংদা) অমসুং হঙ্গরিদগী টিবোর কাপু (HUNOR প্রোগ্রামগী খুত্থাংদা) য়াওশিল্লকপসিনা মিশনগী মরুওইবদু হেনগৎহল্লি। পোলেন্দ অমসুং হঙ্গরিগীদমক, Ax-4 অসিনা ISSদা মখোয়গী অহানবা ক্রু মিশনশিং ওইরি
লৈবাক মীয়ামগী পুক্নিংগী ইথিল
শুক্লাগী খোংজং অসিনা ভারতকী মীয়াম্বু পুক্নিং চিংশিল্লি, সোসিএল মিদিয়াদা লৈবাক মীয়ামনা চাউথোকচবা ফোংদোক্নরি। সোসিয়েল মিদিয়া শীজিন্নরিবা মীওই কয়ানা শুক্লাগী মরমদা থাগৎপা ফোঙদোক্নরি! মসিনা শুক্লানা প্রেস কনফরেন্স অমদা মহাক মাইক্রোগ্রভিটিদা যোগাসন তৌগনি হায়না ফোংদোকখি, মসিনা মিশন অসি ভারতকী কলচরগসু মরী লৈনহল্লি।
Ax-4 মিশন অসি মীয়ামদা চাওথোকচবা অমগা লোয়ননা খঙহন্নবগী তাঞ্জা অমসুনি। ক্রুশিংনা ISS Ham Radio সেসনশিংদসু শরুক য়াগনি, মসিনা মালেম শিনবা থুংনা লৈরিবা মহৈরোইশিং অমসুং ওজাশিংগা মরী লৈনদুনা তুংগী এক্সপ্লোরারশিংদা ইথিল পীগনি। Axiom Space অমসুং Limitless Space Institute না মতেং পাংদুনা, ব্রাজিল অমসুং নাইজেরিয়াগী মহৈরোইশিংনা শেমগৎপা এক্সপেরিমেন্টশিং, মাইক্রোগ্রভিটিদা পেন্ডুলমগী প্রোপ্রটিশিং অমসুং বেলিশিংগী কোলিসনগী মরমদা চাংয়েংসিং পাংথোক্কনি।
মাংলোমদা য়েংবা
Ax-4 ক্রুশিংনা থাগৎনবা শেম-শারিবসিদা, মখোয়না মে ২৫, ২০২৫দগী হৌদূনা কোৱারেন্টাইনদা লৈখি, মসিনা মখোয়গী হকশেলগী লমদা সেমসাবনি। মিশন অসি Axiom Spaceকী পান্দম ওইরিবা কমর্সিএল স্পেস স্টেশন অমা শানবা, ISSগী থবক-থৌরমশিংদগী মশাগী ওইবা অর্বিটেল প্ল্যাটফর্ম অমদা হোংদোকনবগী অচৌবা খোংথাং অমনি। ভারতকীদমক, Ax-4 অসিনা তুংগী পান্দমশিং ফাওবা শৌগৎপগী থোংজাও অমা ওইরি, মসিনা গগনয়ান মিশন, ২০৩৫ ফাওবদা ভারতকী স্পেস স্টেশন অমা শানবা অমসুং ২০৪০ ফাওবদা থাদা ভারতকী মীওই অমা থাবা য়াওরি।
শুভানশু শুক্লানা পুৱারী ওইরবা খোংজং অসি হৌরকপদা, মহাক্না ভারত মচা বিলিয়ন ১.৪গী আশা পুরক্লি। মহাক্কী পাইলট ওইবগী থৌদাং, সাইন্সকী ওইবা থৌদাংশিং অমসুং সুন্দ্রংগী অঙকপশিং শেয়র তৌনবা মহাক্কী কত্থোকপনা Ax-4 বু ভারতকী স্পেস থিগৎপগী পুৱারীদা অচৌবা অহোংবা পুরকপা অমা ওইহল্লগনি।
✍️ Published by Lakhipuronline Team
.jpg)
