.jpg "গজল সম্রাট জগজিৎ সিং")
জগজিৎ সিং (Photo credit : Wikimedia Commons, CC BY-SA 3.0)
লখিপুরওনলাইন নিউজ দেস্কঃ ভারতকী ঈশৈগী তাইবঙদা, "গজল সম্রাট" হায়না খঙনরবা জগজিৎ সিং অমসুং মহাক্কী পুন্সি লোয়নবী চিত্রা সিং গী পুন্সি ৱারী অসি নুংশিবগী মমল নাইদ্রবা ঈশৈ অমসুং থমোয় কায়রবা ওইরবা অৱাবগী পুন্সি খোঙচৎ অমনি। মখোয়গী খোনজেলনা মীয়ামগী থমোয় শুমহৎলি, অদুবু মখোয়গী পুন্সিদি অৱাবগী মৈচাকনা থল্লবা পুন্সি অমনি।শক্তাকপা
জগজিৎ সিং ১৯৪১ ফ্রেব্রুয়ারী ৮দা রাজস্থানগী শ্রী গঙ্গানগরদা পোকখি। মহাকপু মহাক্কী মপা-মমানা লাইরিক লাইশুগী লমদা পুক্নিং চঙহনবগা ইরোইননা লোয়ননা ঈশৈগী লমদসু থৱায় য়াওবা অমা ওইরকখি। অল ইন্দিয়া রেদিওদা মহাক ঈশৈ শকপা হৌরকখি অমসুং মতম ইকুই কুইদনা মীয়াম্না পাম্নবা গজল শৈশকপা অমা ওইরকখি। চিত্রা সোম বেঙ্গলগী ইমুং অমদা পোকখি, জগজিৎ না মহাক্কী অনিসুবা মপুরোইবনি, অহানবা লুহোংলবা মতুংদা চিত্রা দত্ত ওইখি অদুগা জগজিৎ সিংগা লৌন লৈনরবা মতুংদা চিত্রা সিং ওইনা ঈশৈগী লমদা মমীং লৈরবী গজল শৈশকপী অমা ওইরকখি।
১৯৬৫দা জগজিৎ সিং না মুম্বাইদা লাকখি অমসুং চিত্রাগা উনখি। মখোয়গী উনবা অদু ঈশৈগী রেকর্দিং স্টুদিও অমদা ওইখি অমসুং মতুং তারকপদা ১৯৬৯দা মখোয় অনী লুহোংখি। মখোয় অনিনা ঈশৈনা ভারতকী গজলগী তায়বঙদা অনৌবা তাঙ্কক অমা হৌখি।
মমিং লৈরবা গজলশিং
জগজিৎ অমসুং চিত্রানা পুন্না শেম্বা মখোয়গী অহানবা এলবাম "The Unforgettable" (১৯৭৬) এলবাম অসিদগী মখোয়বু মীয়াম্না খঙলকপা হৌখি। মখোয়গী খোনজেলগী অঙকপা গজল সুরনা মীয়ামদা অনৌবা মহাও অমা পীবা হৌরকখি। মখোয়গী খ্বাইদগী মমিং লৈরবা ঈশৈ খরদি:
- "হোঁঠো সে ছু লো তুম"
- "ৱোহ কাগজ কী কশ্তী, ৱোহ বারিশ কা পানী"
- "তুম কো দেখা তো য়ে খয়াল আয়া"
- "ঝুকি ঝুকি সী নজর"
- "য়ে তেরা ঘর য়ে মেরা ঘর"
- "চিঠ্ঠি না কোই সন্দেশ"
ঈশৈশিং অসিনা মীয়ামগী থমোয়বু হৌজিকসু অদুমক শুমহৎলি।
পুন্সিদা থোকখিবা অৱাবগী তাঙ্কক অমা
মখোয়না মায় পাকপগী খোংজেল য়াংনা চঙশিল্লিঙৈ মতমদা, ১৯৯০ চহিগী জুলাই থাদা মখোয়গী পুন্সিদা থমোয় শোকনিংঙাই ওইরবা থৌদোক অমা থোকখি। মখোয়গী চহি ১৮ শুরবা অমত্তা পোকচবা মচানুপা বিবেক কার এক্সিদেন্ট অমা লৈখিদে। থৌদোক অসিনা মখোয়গী পুন্সি মপুং ফানা হোংহনখি। মরুওইনা, চিত্রা সিং না থমোয় শোকপদা মরম ওইদুনা মীয়ামগী মাংদা ঈশৈ শকপা পুংলেপ লেপখি।
মসিগী মথক্তা, অমুক ২০০৯ চহিদা মখোয়গী পুন্সিদা অমুক হন্না অৱাবগী নোংজু তাখি। চিত্রাগী অহানবা য়ুমপানবদা ফংজখিবী মচানুপী মোনিকা ২০০৯ দা মশা মথন্ত শিজখি। মোনিকাগী মচানুপা অনি থম্লম্মী। মোনিকা শিখিবগী থৌদোক্না চিত্রাগী থমোয়বু অমুক হন্না কাইহনখি।
জগজিৎকী মঙাল লৈরবা খোঙচৎ অমসুং লৈখিদবা
থৌদোকশিং অসিনা চাউনা শোকহল্লবসু, জগজিৎ সিংহনা ঈশৈগী মপাল তাংজদুনা মহাক্কী অৱাবশিংবু ঈশৈগী সুরদা ওন্থোক্তুনা মীয়ামগী মমাংদা লেপ্তনা ঈশৈ শকখি। মহাক্কী খোনজেল হেন্না মীয়ামনা থৱাই য়াওরকখি অমসুং মীয়ামগী নুংশিবা হেনগৎলকখি। অদুবু, ২০১১ চহিগী ওক্তোবর ১০দা মহাক ব্রেন হেমারেজ ওইদুনা মুম্বাইগী লিলাবতী হোসপিতালদা লৈখিদে। মসিনা মরম ওইরগা ভারতকী ঈশৈগী তায়বঙদা চাউরবা চৈনা অমা ফংখি।
হৌজিকতি চিত্রা সিং অহল ওইরে চহী ৮৫ রোম শুরে। মহাক্কী মশু অনিগা লোয়ননা মুম্বাইগী বান্দ্রাদা মিউজিক একাদেমী অমা হাংদুনা লৈরি। মখোয়গী পুন্সিগী ৱারী অসি নুংশিবা, ঈশৈ অমসুং কায়নবা অৱাবশিংতনা থল্লবা খোংচত অসি ভারত মচাশিংগী থমোয়দা মতম পুম্বগী ওইনা লৈহৌরগনি।
✍️ Published by Lakhipuronline Team
.jpg)
