রোমান্সিং প্রিন্ট ২০২৫: ফিউচর ওফ প্রিন্টিং ইন ইস্তর্ন ইন্দিয়া হায়বা হীরমদা নেস্নেল সেমিনার অমা ইম্ফালদা পাংথোকখ্রে

লখিপুরওনলাইন ডিজিটেল ডেস্ক, ২২ জুন ২০২৫ঃ অল ইন্দিয়া ফেডারেসন ওফ মাস্তর প্রিন্টর্স (AIFMP), ন্যু দিল্লী অমসুং অল মণিপুর প্রিন্টিং টেক্নোলোজিস্ত এসোসিয়েসন (AMPTA), ইম্ফালনা পুন্না শিল্লাংদুনা "রোমান্সিং প্রিন্ট ২০২৫: ফিউচর ওফ প্রিন্টিং ইন ইস্তর্ন ইন্দিয়া" হায়বা হীরমদা নেস্নেল সেমিনার অমা ঙসি, নোংমাইজিং নুমিৎতা ইম্ফালগী মেজরখুলদা লৈবা মণিপুর প্রেস ক্লাবকী ওডিতোরিয়মদা পাংথোকখ্রে। হৌদোকপগী থৌরম অদুদা AIFMP, ন্যু দিল্লীগী ভাইস প্রেসিডেন্ট (ইস্ত), শ্রী সুনিল খুরানা না মীথুংলেন, AMPTA, ইম্ফালগী প্রেসিডেন্ট অমসুং AIFMP, ন্যু দিল্লীগী GC মেম্বর, শ্রী ৱাই. সমরেন্দ্র সিংহনা মীফম মপু ওইখি। মণিপুর লৈঙাক্কী ট্রেড, কমার্স এন্দ ইন্দস্ত্রীগী জোইন্ত সেক্রেটরি, দোক্তর পি. লেনিন সিংহ, MCS; বোর্ড ওফ সেকেন্দরি এজুকেসন মণিপুর, ইম্ফালগী সেক্রেটরি, শ্রী এস. জিতেলাল শর্মা; অমসুং AIFMP, ন্যু দিল্লীগী হান্নগী ভাইস প্রেসিডেন্ট (ইস্ত) / AMPTA গী এদভাইজর, শ্রী এস. সুরজিত সিংহনা ইকায় খুম্নজবা মীথুংশিং ওইনা শরুক য়াখি।

অয়ুক পুং ১০:০০ তাবা মতমদা ডেলিগেতশিংগী রেজিস্ট্রেসন তৌবগা লোয়ননা সেমিনার অদু হৌদোকখি। AMPTA গী ভাইস প্রেসিডেন্ট, নিঙোম্বম ইমো না তরাম্না ওকপগী ৱারোল পীখি অমসুং AMPTA গী জেনরেল সেক্রেতরি, এন. ইন্দ্রলালনা থাগৎ ৱারোল পীখি। পুং ১১:০০ দগী পাংথোকখিবা টেক্নিকেল সেসন অদুদা AMPTA গী এদভাইজর অমসুং AIFMP, ন্যু দিল্লীগী GC মেম্বর, দোক্তর এন. শরতচন্দ্র সিংহনা মোডরেটর ওইবিখি।

সেসন অসিদা MU লাইব্রেরীগী লাইব্রেরিয়ান অমসুং হেড, লাইব্রেরী এন্দ ইনফোর্মেসন সাইন্সেস, MU, ইম্ফালগী প্রো. সি.ঐচ. ইবোহল সিংহ, খা মণিপুর কোলেজ, ককচিংগী সিনিয়র এসিস্টেন্ট প্রো. দোক্তর টি. কুঞ্জেশ্বর সিংহ, অমসুং দাইরেক্তোরেত ওফ প্রিন্টিং এন্দ স্তেসনরী, মণিপুর লৈঙাক্কী এসিস্টেন্ট দাইরেক্তর, শ্রী টিঐইচ. বিনোদকুমার সিংহনা রিসোর্স পর্সন্স ওইনা শরুক য়াখি।

সেমিনার অসিদা অৱাং-নোংপোক ভারততা, মরুওইনা মণিপুরদা প্রিন্টিংগী হৌজিক্কী ফিভম অমসুং তুংগী ওইরক্কদবগী মতাংদা কুপ্না খন্ন-নৈনখি।

✍️ Published by Lakhipuronline Team