আসামগী অহানবা তাঙ্কক্কী পঞ্চায়েৎ মীখল লোইশিনখ্রে, কেন্দ্র ৪৩দা অমুক হন্না ভোত থাদনগদৌরি
আসামদা চত্থরিবা পঞ্চায়ৎ মীখল ২০২০৫গী অহানবা তাঙ্কককী মীখল ঙরাং ইরাই নুমিৎ, মে ২দা পাঙথোকখ্রে। মীখল অসি তিনসুকিয়া, ডিব্রুগড়, চরাইদেও, শিবসাগর, মাজুলি, জোরহাট, গোলাঘাট, ধেমাজি, লখিমপুর, শোণিতপুর, বিশ্বনাথ, কাছার, হাইলাকান্দি অমসুং শ্রীভূমি জিলাশিংদা অয়ুক পুং ৭:৩০দগী নুংথিল পুং ৪:৩০ ফাওবা চত্থখি।
আসাম রাজ্য মীখল কম্মিসন না ফোঙদোকখিবা পাউগী মতুং ইন্না, মীখল অসিদা চাউরাক্না চাদা ৭০.১৯% গী চাংদা ভোট থাদনখি। ভোত কেন্দ্র খরদা থৌদোক মচা মচা থোকখিবা নত্তনা মীখল অসি মপুঙ ফানা লোয়শিনখি।
জিলা ৫গী polling station ৪৩ দা অমুক হন্না মীখল পাঙথোক্কনি হায়না লাউথোকখ্রে। অমুক হন্না মীখল পাঙথোক্কদৌরিবশিং অদুদি : হাইলাকান্দিদা ভোত কেন্দ্র ৩১, শ্রীভুমীদা ভোত কেন্দ্র ৮, লখিমপুরদা ভোত কেন্দ্র ২, গোলাঘাটতা ভোত কেন্দ্র ১ অমসুং মাজুলিদা ভোত কেন্দ্র ১নি।
আসামগী পঞ্চায়েত মীখলগী ঙরাং অহানবা তাংককতা রাজ্য অসিগী জিলা ১৪দা ভোৎ থাদনখ্রে ।
অয়ুক পুং ৭:৩০ দগী হৌরগা নুংথিলপুং ৪:৩০ ফাওবা চত্থখিবা মীখলগী থৌরম অসিদা থোকহন্নিংদবা থৌদোক মচা মচা খরা থোক্লবসু মপুং ওইনা ভোৎ থাদবগী থবকতি ঈং তপ্না লোইশিনখ্রে ।
ডিব্রুগড় জিলাগী চাবু লাহোৱাল বিধান সভা লমদমগী জেরাই দিগ্লিবারী গাঁওপঞ্চায়ত্তা মী ৪০০ হেন্না ভোৎ থাদবগী খুদোং চাবা ফংখিদবদা ঙরাং মফম অদুগী মীয়াম্না পেন্দবা ফোঙদোকনখি।
রাজ্যগী মীখল কম্মিশনগী রিপোর্ত মতুং ইন্না রাজ্য অসিগী জিলা ১৪গী পঞ্চায়ত মীখল অসিদা পুন্না ভোতর ৮৯,৬০,৫৭৭ লৈ হায়রি ।
মসিগী মনুংদা পুন্না জিলা পরিষদ ২১৬, আঞ্চলিক পঞ্চায়ত ১,১৩৯ অমদি গাঁওপঞ্চায়তকী মেম্বর ১১,৩৯০ লৈরি ।
Barak তম্পাক্কী জিলা অহুমদা থৌদোক মচা মচা খরা থোক্লবসু মীখলদি মপুঙ ফানা লোইশিনখ্রে ।
ঙরাং অথেংবা ফাওবদা মীখলগী থবক তৌরিবা মীওইশিংনা ব্যালোট বক্সশিং অদু স্ট্রং রুম শিংদা থম্নবা থৌরাং হৌখ্রে ।
কাছাড় জিলাদা ঙরাং অথেংবদা ফংবা পাউ মতুং ইন্না ভোত থাদনখিবগী চাং চাদা ৫৮.৫৫%ওইখি।
জিলা অসিগী বিধান সভা ৭ তা লৈরিবা ভোতর ১০,৬০,১৫৫ না ভোৎ থাদফম কেনন্দ্র ১,৭০৬ দা মশা মশাগী অপামবা মীহুৎসিং খনদুনা ভোৎ থাদনখি ।
পঞ্চায়ত মীখল অসিদা শরুক য়াখিবা জিলাগী অপুনবা মীহুৎ ৪,৪৯৬গী মনুংদা জিলা পরিষদকী ৬৪, আঞ্চলিক পঞ্চায়তকী ৩৮১ অমদি গ্রামপঞ্চায়ত মেম্বরগী মীহুৎ ৪,০৫১গী মরাইবক হৌজিকতি ব্যালোট বোক্স তা চেৎনা থমখ্রে ।
রাজ্যগী মন্ত্রী কৌশিক রাই না ঙরাং অয়ুক্তা Borkhola বিধান সভাগী Borsangan Kalika Prasad Rai ME School দা ভোৎ থাদখি ।
ভোত থাদনরিঙৈদা ঙরাং Katigorah Phulbari-Tarinipur গাঁওপঞ্চায়তকী ২শুবা ভোৎ থাদফমদা নুংঙাইতবা থৌদোক অমা থোকখি । পুং ১ রোম ভোত থাদবা লেপ্পা তাখি। থৌদোক অসিদা মীওই কয়া অশোক অপন নংখি হায়রি। Katigorah গী Rajatilla-Umarpur জিলা পরিষদকী Najatpur Rajatila গী ৮৫৮ শুবা West Najatpur LP School দসু থোকহন্নিংদবা থৌদোক খরা থোকখি মীওই খরসু অশোক অপন নংখি হায়রি। শিলচর বিধান সভা লমদমগী ১০৮ শুবা Kumarpāra LP School গী ভোৎ থাফমদসু কাঙলুপ অনিগী মরক্তা খুৎ থোক্নবগী পাউ লৈখি
Assam-Mizoram ঙমখৈগী Shyamacharanpur-Shewrarthal গাঁওপঞ্চায়তকী ভোত থাদফম মফম খরদা ইরাং খরসু থোকখি ।
অনিসুবা তাংকককী ভোতনা রাজ্য অসিগী হোজাই, নগাও য়াওনা জিলা ১৩ দা মে গী তাং ৭ তা পাঙথোক্লগনি। অদুগা তাংকক অনিমক্কী ভোত মশিং থীবনা মেগী তাং ১১ দা পাঙথোক্লগনি।
No comments:
Comments ...