ইসরোগী অস্ত্রোনট শুভ্রাংশু শুক্লানা পুৱারী ওইরবা Axiom-4 মিশনগী পাইলট ওইদুনা International Space Stationদা চৎকনি
Ax-4 মিশন অসি ভারত, পোল্যান্ড, অমসুং হাংগেরীগী অস্ত্রোনটশিংনা ISSতা পুন্না মিশন অমা পাংথোকপা অহানবা ওইগনি, মসিনা লৈবাকশিং অসিগী স্পেস প্রোগ্রামশিংগীদমক্তা পুৱারী অমা ওইরগনি।
মিশনগী পাইলট ওইরিবা শুক্লাগা লোয়ননা মিশন কমান্দর ওইনা NASAগী হান্নগী অস্ত্রোনট পেগ্গি হুইটসন, অমসুং হাংগেরীদগী স্পেসালিস্ত তিবোর কাপু অমদি পোল্যান্ডদগী স্লাওসজ উজ্নানস্কি-উইসনিওস্কিনা শরুক য়াগনি।
ISSতা নুমিৎ ১৪নি চুপ্না লৈরিঙৈদা, Ax-4গী ক্রূনা এক্সপেরিমেন্ত ৬০ হেনব পাংথোক্কনি, মসিগী মনুংদা ইসরো (ISRO)না থৌরাং তৌবা ৭ অমসুং NASAগী হ্যুমেন রিসর্চ প্রোগ্রামগীদমক্তা শুক্লানা শরুক য়াগদৌরিব অতোপ্পা ৫ য়াওরি। মসিগী মথক্তা শুক্লানা মচাক-মথুম অমসুং নিউট্রিসনগা মরী লৈনবা অখন্নবা এক্সপেরিমেন্তশিং পাংথোক্কনি, অমসুং মরুশিংবু মাইক্রোগ্রাবিতীগী ফিভমদা থম্লগা পৃথিৱীদা হঞ্জিল্লকতুনা মরু থানবা পুরক্কনি।
ভারতকী সাইন্স এন্দ তেক্নোলোজীগী মন্ত্রী জিতেন্দ্র সিংহনা হায়, "Axiom-4 মিশনদগী ফংগদৌরিব শুক্লানা লৌশিং অদু ২০২৭দা পাংথোক্নবা থৌরাং তৌরিব গাগনয়ান মিশনদা মপুং ফানা শীজিন্নগনি।"
পুৱারী ওইরবা মিশন অসিনা, ১৯৮৪দা রাকেশ শর্মানা রাশিয়াগী সোয়ুজ মিশনদা অচৌবা থৌদাং লৌদুনা স্পেসতা চৎখ্রবা মতুং চহি ৪১গী মতুংদা ভারতনা অমুক হন্না স্পেসতা চতকদৌরি। শুক্লানা হায়খি মদুদি মহাকপূ লম্বী তাকপীবা রাকেশ শর্মাগী পুৱারী ওইরবা মাইপাকপা অদুবু ইকায় খুম্নবা উৎনবা অখন্নবা নীংশিং খুদোল অমা ওইগনি।
ইসরো (ISRO)না অচৌবা মিশন অসিগী খুত্থাংদা মালেমগী স্পেসকী থাক্তা ভারতকী মফম অমা কনবা হোৎনরিবা অসিদা, Ax-4 মিশন অসিগীদমক চংগদবা শেলফম অসি চাউরাক্না ₹ কোটী ৫৫০ ওইগনি হায়না পানরি।
থেংন ফংবা পাও অমদা মিশন অসি নাসা'গী কেনেডি স্পেস সেন্তরদগী জুন ১০ থাগৎনবা থৌরাং তৌরম্বনি। অদুবু, নোংচীংগী ফিভম ফত্তবনা মরম ওইদুনা, থাগতপগী নুমিত জুন ১১ ফাওবা য়ৈথোকখি। মসিনা জুন ১২গী ভারতকী মতমদা অহিং পুং ১০ তাবা মতমদা দা docking তৌগনি হায়রি।
✍️ Published by Lakhipuronline Team
