কাংলেইপাক স্টুডেন্টস এ্যাসোসিয়েশন (KSA) জিরিবাম জিলা কাউন্সিল অমসুং জিরিবাম উইমেন এ্যাসোসিয়েশন অফ কাংলেইপাক (JIMWAK)না শিন্দুনা জিরিবামগী বাবুপারা দা লৈবা পিডব্লিউডি গেস্ট হাউস্তা ৯শুবা জিরি ট্রিটি অবজারভেশন লোইননা ১৪শুবা জিরি স্পোর্টস মীটকী থৌরম ঙরাং মপুং ফানা পাংথোকখ্রে।
থৌরম অসিদা জিরিবামগী সোশাল এ্যাক্টিভিষ্ট এন. বুধচন্দ্র সিংহ, KSA জিরিবাম ডিষ্ট্রিক্ট কাউন্সিলগী প্রেসিডেন্ট কে. সোমোরজিৎ সিংহ, KSA,HQগী প্রেসিডেন্ট সুখাম বিদ্যানন্দ, KSA,HQগী ভাইস-প্রেসিডেন্ট থিয়াম জনসন, জিরিবাম উইমেন এ্যাসোসিয়েশন অফ কাংলেইপাক (JIMWAK)কী প্রেসিডেন্ট টিঐইছ.জিনি দেবী, ইন্টারন্যাশনাল পিস সোশাল এ্যাডভান্সমেন্ট,IPSA জিরিবামগী প্রেসিডেন্ট জি.ইবোহাল শর্মা অমসুং স্ট্রাগলিং উইমেন এ্যাসোসিয়েশন,SWA জিরিবামগী প্রেসিডেন্ট কে.ইবেমনুংশি দেবীনা মথং মথং চীফ গেষ্ট ,প্রেসিডেন্ট অমসুং গেষ্টস অফ অনার ওইনা দাইস তা ফমখি।
থৌরমগী মখা চথরকপা ওইনা দাইস তা ফমখিবাশিংদা নাম্ফি খুদোল তমখিবাগা লোইননা থৌরম অসি হৌদোকপা ওইনা চীফ গেষ্টনা মৈরা চুখৎখি।
থৌরম অসিগা মরী লৈননা মীওই কায়ানা KSAনা তৌরিবা থবক থৌরম কায়াবু শিংথাখি। লোইননা ১৪শুবা জিরি স্পোর্টস মীটকা মরী লৈননা পাংথোকখিবা ম্যারাথন রেস অমসুং নুপীগী থৌরী চিংবীগী মকোক মথং তারবাশিংদা মানা মথুম খুৎসিন্নাখি।
চীফ গেষ্টকী ৱারোল পীরদুনা এন.বুধচন্দ্র সিংহনা হাইখিবা দা অসিগুম্বা সনা খোতনবগী থৌরম অশিना মরাম ওইরগা ফত্তবা চিনজাক থাদোকপদা মতেং কয়া ওই অমসুং সমাজ অসিদগী নিশা চাবা মশিং হন্থরক্কনি হায়বগী থাজবা থম্মি হায়খি।
প্রেসিডেন্টকী ৱারোল পীরদুনা কে. সোমোরজিৎ সিংহনা হাই ঐখোয় KSAনা স্পোর্টস পাংথোক্লিবসিগী মরু ওইবা মরাম দি হৌরাক্লিবা নহা কয়াশিং অসি তিনজাং কাইজংদবা তুংগী য়ুম্বীড়েল ওইনা মশা মঊ ফনা লৈনবা অমসুং নিশা গী ইপাক তগী লাপথোক্নবা হায়দুনা সিনজবনি, মথংগী চহী দা দি মসিদগী হেন্না ফজানা পাংথোক্কনি হায়বা ৱাফম কয়াশু থমখি।
