ভারতনা এ.আই. শিজিন্নদুনা অনা লাইয়েংগী জ্ঞান দিজিতেলাইজ তৌদুনা থমলগনি

লখিপুরওনলাইন নিউজ দেস্ক, জুলাই  ২১, ২০২৫ঃ

চহি লিশিং কয়াগী মমাংদগী চত্থরক্লবা অনা লাইয়েংগী মরূপ ওইবা জ্ঞানবু মতমগা চুনবা মওংদা দিজিতেল ওইনা তুংকোয়না থম্নবা হোৎনবদা, ভারতনা আর্তিফিসিয়েল ইন্টেলিজেন্স (এ.আই.) শিজিন্নদুনা মসিগী লাইয়েংগী জ্ঞানবু দিজিতেলাইজ তৌদুনা মালেমগী অহানবা লৈবাক ওইদুনা পুৱারী শেম্লে। মসিনা লৈবাক অসিগী চাউরবা নাৎকী লন-থুমবু ঙাক শেন্দুনা থম্বদা নত্তনা তুংগী রিসর্চ অমসুং হকশেলগী লমদা অনৌবা মাইকৈ অমদা মায় ওনশিল্লকলি।

পুৱারী ওইরবা থৌরাং অমসুং মসিগী পান্দম

থৌরাং অসিগী মখাদা, ভারতকী মমিং লৈরবা লাইয়েংগী পথাপশিং হায়বদি আয়ুর্বেদ, সিদ্ধ অমসুং সোৱা-রিগপা মসিগী জ্ঞানবু দিজিতেল প্লেতফোর্ম অমদা পুশিল্লক্লি। মসিগী মরুওইবা পান্দমদি লিরবা চহী কয়াদগী লৈজরক্লবা হকশেলগী জ্ঞানশিংবু মাংহন্দনবা, মীরমগী কম্পেনীশিংনা মসিগী জ্ঞানবু শিজিন্নদুনা কান্নবা লৌবা (biopiracy) থিংবা, অমসুং মালেমগী পেতেন্ত ওফিসশিংদা মতেং পাংবনি। দিজিতেল লাইব্রেরী অসিনা রিসর্চরশিং অমসুং বিজ্ঞানিকশিংদা হিদাক-লাংথকশিংগী মরমদা ময়েক শেংলবা ইনফোর্মেসন ফংহন্দুনা অনৌবা রিসর্চ তৌবদা চাউনা মতেং ওইরগনি।  

👉 মরী লৈনবা পাউ: ইসরোগী অস্ত্রোনট শুভ্রাংশু শুক্লানা পুৱারী ওইরবা Axiom-4 মিশনগী পাইলট ওইদুনা International Space Stationদা চৎকনি

এ.আই.গী থৌদাং অমসুং অয়ুরজেনোমিক্স

প্রোজেক্ত অসিদা এ.আই.গী থৌদাং অসি য়াম্না মরু ওই। এ.আই.না অরিবা লাইয়েং পথাপশিংদা পনখ্রবা হিদাকশিংবু হৌজিক মতমগী লাইনাশিংগা মরী লীনহল্লি। মসিনা দোক্তরশিং অমসুং বৈদ‍্যশিংদা লাইনা অমা খঙদোকপদা অমসুং লায়েংবদা চাউনা মতেং পাংলি। মসিদা নত্তনা, "অয়ুরজেনোমিক্স" কৌবা অনৌবা খোংথাং অমা থাংজিনখ্রে। অয়ুরজেনোমিক্স হায়বসি মীওই অমগী দি.এন.এ. (জিন)গী স্ট্রাকচরগা আয়ুর্বেদ গী প্রিন্সিপলশিংগা পুন্সিন্দুনা মীওই খুদিংমক্কী হকচাংগী মহৌশাগা চুনবা, পার্সোনেলাইজদ ওইবা লাইয়েংগী পথাপ অমা পুথোকপনি। মসিনা ফ্যুচর মেদিসিনগী লমদা অচৌবা অহোংবা অমা পুরক্কনি হায়না থাজবা থম্নরি।

👉 মরী লৈনবা পাউ: ডাইবেটিস: মসিগী মরমদা খঙজিনবা অমসুং হন্দকতা ইনৌ নৌনা শকখঙদোক্লবা টাইপ ৫ ডাইবেটিস

মালেমগী থাক্তা ভারতকী খোংথাং অমসুং তুংগী থৌরাং

ভারতকী খোংথাং অসিদা মালেমগী হকশেল লূপ (WHO) না অচৌবা থাগৎপা ফোংদোকখ্রে। WHO না মসিগী মোদেল অসি অতৈ লৈবাকশিংনসু তুংইন্নবা অমসুং অরিবা লাইয়েংগী জ্ঞানশিংবু সাইন্সকা পুন্সিন্নবা মালেমগী থাক্তা অনৌবা লম্বি অমা শেমখ্রে। ভারতনা মসিগী থৌরাং অসিগী মখাদা "আয়ুষ গ্রিদ" কুইবা দিজিতেল প্লেতফোর্ম অমা শেমগৎলি। প্লেতফোর্ম অসিনা অরিবা লাইয়েংগী দোক্তরশিং, রিসর্চরশিং অমসুং পেসেন্টশিংবু মফম অমতদা পুন্সিন্দুনা হকশেলগী সেবা ফংবদা হেন্না লাইথোকহল্লগনি।

ভারতনা এ.আই. শিজিন্নদুনা মসিগী অনা লাইয়েংগী জ্ঞানবু দিজিতেল ওইনা তুংকোয়না থম্বা অসি নাৎকী লন-থুমবু কন্নবা অমসুং তুংগী মীরোনদা খুৎশিন্নবগীদমক অচৌবা খোংথাং অমনি। মসিনা ভারতবু হকশেলগী লমদা মালেমগী থাক্তা লুচিংবা অমা ওইনা মাংজিল থারকলি।

✍️ Published by Lakhipuronline Team