মহৌশাগী খল কায়থরকপা থিংনবা অখন্নবা মীফম
নভেম্বরগী ২৩, ২০২৫ তা ফুলেরতলগী নর্থ ইস্ট একাডেমীদা পাঙথোকখিবা থৌরম অদু দেবাশিস রোয় অমদি এল রাজকিশ্বরনা শীন্দুনা সিঐচ মোহন সিংহনা মীফম মপু ওইদুনা পাঙথোকখিবনি। মীফম অসিদা মহৌশাগী খল কায়থরকপা থিংনবা অমদি অনুৱা পাৎ কন্নবগী মতাংদা অখন্ননা খন্ন-নৈনখি। মীফম অদুদা ইনভাইরনমেন্টলিস্ট সুশিলা শর্মনা বাইওডাইভর্সিটি অমসুং লৈঙাক্কী মীৎয়েং হায়বা হীরমসিদা ৱা ঙাংখিবগা লোয়ননা মীয়ামগী পুক্নিং চিংশিনখি। মহাক্না মহৌশাগী লন-থুম ঙাক-শেনবগী তঙাইফদবা অমদি মীয়াম্না লৌগদবা থৌদাংগী মতাংদা মরিক চুম্না নৈনবিখি।
কম্মিটিগী থৌ-পুবা মীওইশিং
অকোয়বগী ফীভম ঙাক শেন্নবগী পান্দমদা সেমখিবা অনৌবা কম্মিটি অসিগী থৌ পুগদবশিং :
প্রসিদেন্ট: সিঐচ মহন সিংহ
ভাইস প্রসিদেন্টশিং: দেবজ্যোতি বাউরি, গুঞ্জন কর, এল রোবিন্দ্র
জেনরেল সেক্রেটরি: এল রাজকিশ্বর
এসিস্টেন্ট জেনরেল সেক্রেটরি: দেবাশিস রোয়
সেক্রেটরিশিং: সুশিলা শর্মা, জুবেদা বেগম অমদি এল বিদ্যামোহন
ট্রেজরর: সিঐচ ইবোপিশক
মসিগী মথক্তা কম্মিটি অসিগী এডভাইজরশিং ওইনা কাঙবম শান্তিকুমার, এন জি বসন্তকুমার, ৱাই রাসবীহারি, আর কে সনাহল, ওইনাম বীরমনি, পি রাজেন্দ্র অমদি এল নন্দকিশোরবু খনখ্রে।
তুংগী থৌরাংশিং
অনৌবা কম্মিটি অসিনা লক্ষিপুর কো-ডিস্ট্রিক্টকী মনুংদা লৈবা মহৌশাগী পাৎ, মীরমদগী পাইরকপা উচেক মখলশিং অমদি পাৎকী জিবসিং ঙাক শেনবগী থবক পায়খৎকনি হায়রি। মরুওইনা হৌজিক মতমদা মাঙথরক্লিবা ইকোসিষ্টেম অসি কনবা অমদি তুংগী মীরোলগীদমক মহৌশাগী ফজবা অসি য়োকখৎপা হায়বসি কম্মিটি অসিগী মরুওইবা পান্দমনি। মসিগীদমক মীয়ামগী মতেং অমদি পুক্নিং চিংশিনবা য়াবা তোঙান তোঙানবা থৌরমশিং লাক্কদৌরিবা মতমদা পায়খৎপগী পান্দম থমলি।
✍️ Published by Lakhipuronline


