রামনগর অমসুং অকোয়বগী মৈরা পাইবীশিং
নিংশিং নুমিৎ অসি মপুং ফানা পাঙথোক্নবগীদমক কো-ওর্দিনেশন কমিতি অসিগী সেন্ত্রেল কমিতিগী প্রসিদেন্ট কোন্জেংবম ওংবী অরুণা দেবী অমদি ভাইস প্রসিদেন্ট খাইদেম ওংবী বিম্বাবতীগী মীৎয়েং মখাদা রিসেপসন কমিতি অমা শেমখ্রে। থৌরম অসিদা রামনগরগী খুঙ্গং মঙা হায়বদি- তুকো, বেরাখাল, খেলমা, লামা অমদি রাঙ্গিরখাল নচিংবগী মৈরা পাইবীশিংনা শরুক য়াদুনা রিসেপসন কমিতি অসি শেমখিবনি।
রিসেপসন কমিতিগী থৌদাং পুরিবসিং
থৌরম অসি মথা তানা য়াইফ-পাউজেল পীনবা অমসুং অফবা মওংদা পাঙথোক্নবগীদমক খনগৎলবা রিসেপসন কমিতিগী মরুওইবা থৌপুশিনদি মখাগী অসিনি:
* চেয়ারপার্সন: ওইনাম ওংবী ইবেমলৈ
* ভাইস চেয়ারপার্সন: ইরুংবম সুপ্রিয়া অমসুং উজয়িনি শর্মা
* কনভেনর: কোন্সাম ওংবী রম্ভা দেবী
* জয়েন্ট কনভেনর: খাইদেম ওংবী দেবরানী
* ট্রেজারার: য়েংখোম ওংবী প্রনিতা
মীয়ামদা শরুক য়ানবা পাউজেল
থৌরম অসিগীদমক অল আসাম মনিপুরী ৱুমেন মৈরা পাইবী কো-ওর্দিনেশন কমিতিগী সেন্ত্রেলে কমিতিগী ভাইস প্রসিদেন্ট খাইদেম ওংবী বিম্বাবতী অমদি রিসেপসন কমিতিগী চেয়ারপার্সন ওইনাম ওংবী ইবেমলৈনা লৈবাক মীয়ামদা থৌরম অসিদা শরুক য়াবীনবা অমসুং মতেং পাংবীনবা হায়জরকলি। নুপী লানগী থৌনা অমসুং কত্থোকপবু ইকায় খুম্নবা উৎনবা পাঙথোক্কদবা থৌরম অসিদা মীয়ামনা শরুক য়াবা হায়বসি য়াম্না মরুওই হায়বা ৱাফম থমলি।
✍️ Published by Lakhipuronline
