লখিপুরওনলাইন নিউজ দেস্ক, নভেম্বর ২৯, ২০২৫: কাছাড় জিলাগী লখিপুর খুমনদগী পোৎশংবম মনি কুমার সিংহনা নেসনেল থাক্কী বোদিবিলদিং কম্পিটিসনদা গোল্ড মেদল ৭ (তরেৎ) লৌরদুনা লখিপুর খক্তা নত্তনা আসাম পুম্বগী মিংচৎ পুরকখ্রে। মহাক্কী অসিগুম্বা মায়পাকপা অসিবু মীয়াম্না সকখঙলদুনা ঙসি থাংজা নুনিত্তা মহাক্কী পোকফম লখিপুর খুমনদা য়াম্লবা মীয়াম্না হরাও তয়াম্না মহাকপু ওকখ্রে।
লখিপুর খুমনগী মীংচৎ পুরকখিবা
INBA (International Natural Bodybuilding Association) অমসুং PNBA (Professional Natural Bodybuilding Association) না শিনলাংদুনা চহি অসিগী নভেম্বর ২১ অমসুং ২২, ২০২৫ দা বেঙ্গালুরুগী টাউনহোলদা পাংথোকখিবা "INBA National Bodybuilding & Fitness Championship 2025" দা পোৎশংবম মনি কুমার শরুক য়াদূনা অপেন ক্লাসিক (Classic),অপেন বোদিবিলদিং (Bodybuilding) অমসুং ওভরেল চেম্পিয়ন ওফ চেম্পিয়ন ওইরকখি। অসুম্না, নভেম্বর ২৬ তগী ২৯, ২০২৫ ফাওবা গোৱাগী কেভেলোসিমদা পাংথোকখিবা "আই সি এন ইন্দিয়া গোৱা সুপরশো" (ICN India Goa Supershow) দসু মহাক্না মশক থোকপা পারফোর্মেন্স উৎখি। মহাকনা ওপেন বোদিবিলদিং (Open Bodybuilding), ওপেন বোদিবিলদিং ৩০+ (Open Bodybuilding Age 30+), ওপেন বোদিবিলদিং ওভরেল (Open Bodybuilding Overall) অমসুং "প্রো সো" দসু গোল্দ লৌদূনা তোঙান তোঙানবা থৌরম অনীমক অসিদা মহাক্না অপুনবা গোল্ড মেদল ৭ (তরেৎ) লৌরদুনা লমদম অসিগীদমক চাউথোকচনীংঙাই ওইরবা রেকোর্ড অমা থমখ্রে।
লৌখ্রবা মেদলশিং অমসুং কেটাগোরী
কম্পিটিসন অনিগী তোঙান তোঙানবা কেটাগোরী ৭ দা সনাগী তকমান (Gold Medal) ফংদুনা মাইপাকখিবা কেটাগোরীশিং অদুদি:
১. ক্লাসিক (Classic) - গোল্ড
২. বোদিবিলদিং (Bodybuilding) - গোল্ড
৩. ওভরেল চেম্পিয়ন ওফ চেম্পিয়ন (Overall Champion of Champion) - গোল্ড
৪. ওপেন বোদিবিলদিং (Open Bodybuilding) - গোল্ড
৫. ওপেন বোদিবিলদিং ৩০+ (Open Bodybuilding Age 30+) - গোল্ড
৬. ওপেন বোদিবিলদিং ওভরেল (Open Bodybuilding Overall) - গোল্ড
৭. আই সি এন প্রো (ICN Pro) - গোল্ড
হৌরকফম অমসুং ইমুং মনুং
ফুলেরতল কাছাড়দা লৈবা Muscle Gym দগী বোদিবিলদিংগী মতম কয়াগী মমাংদগী ত্রেনিং তৌরকপা পোৎশংবম মনি কুমার সিংহ লখিপুর খুমন, ৱার্ড নম্বর ৯, কাছাড়, আসামগী লৈখিদ্রবা পোৎশংবম মনিক চাঁন্দ সিংহ অমসুং পোৎশংবম ওংবী কুঞ্জমনি দেবীগী মচানুপানি। মহাক্কী অসিগুম্বা থাক ৱাংনা মাইপাক্লকপা অসিদা লখিপুরগী মীয়াম্না হরাও তয়াম্বা ফোংদোক্নরি।
✍️ Published by Lakhipuronline
