ভারতকী ফেন্সিং তীমনা ঙসি অয়ুক শান্নখিবা রাউন্দ অফ সিক্সতিনদা ইন্দোনেসিয়াবু দা মাইথিবা পীখ্রে।

ইন্দোনেসিয়ানা য়ুম্বু ওইদুনা চৎথরিবা জকার্তা এসিয়ান গেমস্ কী ফেন্সিংগী ভারতকী থৌদাম কবিতা দেবী য়াওবা নুপীগী ঈপী তীমনা ইন্দোনেসিয়াবু পাঞ্জল ৪৫ – ২৪ দা মাইথিবা পীখ্রে। ঙসি (আগষ্টকী তাং ২৪) ভারতকী মতমদা অয়ুক পুং ৭ মখায়দা শান্নখিবা রাউন্দ অফ সিক্সতিনগী মেচ অমদা ভারতনা ইন্দোনেসিয়াবু পাঞ্জল ৪৫ – ২৪ দা মাইথিবা পীখিবনি।

জাকর্তা কনভেন্সন সেন্টরদা শান্নখিবা মেচ অদুদা ভারতকী তীমদা শরুক য়াখিবা শান্নরোইশিংদি ঈনা অরোরা, জস সিরাট সিং, জ্যোতিকা দত্ত অমসুং থৌদাম কবিতা দেবী নি। ইন্দোনেসিয়াগী মাইগৈদা শরুক য়ারিবা শান্নরোইশিংদি মেগাৱাতি, অনিস রিয়াতি, সুত্রুসিনি অমসুং আইসা এলিজাবেথ নি। পনবা য়াই, শান্নবা অসিদা শরুক য়ারিবা থৌদাম কবিতা দেবী কাছার জিলাগী লখিপুর সাবদিভিজনগী মনুং চনবদা লৈবা তলেনখুনদগীনি।

Pao sing asi ga loinana atei e-pao gi damak

Lakhipuronline android app install toubiyu CLICK HERE