Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   নভেম্বরগী ২১দগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী ক্বাটর ফাইনেলদা খোঙথাংজিনখ্রে।

November 05, 2018

দিসেম্বরগী তাং ৫ অমসুং ৯ আসামগী পঞ্চায়েত মীখল পাঙথোক্লগনি। বরাক তম্পাক্কী জিলা অহুমদা দিসেম্বরগী ৯ মীখল ওইগনি।


লাক্লিবা দিসেম্বরগী তাং ৫ অমসুং ৯ দা তাঙ্কক অনি থোক্না পঞ্চায়েত মীখল পাঙথোক্লগনি। গুৱাহাতিদা নভেম্বরগী তাং ৫দা পাঙথোকখিবা পাউগী মীফম অমদা আসাম রাজ্যগী ইলেক্সন কমিসনার হরেন্দ্রনাথ বোরা না ৱাফম অসি লাউথোকখিবনি। অহানবা তাঙ্ককতা রাজ্যগী অপুনবা জিলা ১৬তা মীখল পাঙথোক্কনি। অহানবা তাঙ্কক্কী ওইনা মীখলগী মীরেপচে পীশিনবগী অরোইবা তারিখ নভেম্বরগী তাং ১৫দা লেপ্নখ্রে। নভেম্বরগী তাং ১৬তা মীরেপচে স্ক্রুটিনি তৌরবা মতুংদা মীরেপশিংগী মীং নুমিৎসিদা অদুম্মক লাউথোক্কনি। লাক্লিবা নভেম্বরগী তাং ১৯দা মীরেপচে হন্দোকপগী অরোইবা তারিখ ওইরগনি।

অসোমদা অনিশুবা তাঙ্কক্কী মীখলগী দমক নভেম্বরগী তাং ১৯ মীরেপচে পীশিনবগী অরোইবা তারিখনি। মীরেপচে স্ক্রুটিনিগী তারিখনা নভেম্বরগী তাং ২০দা লেপ্নখ্রে। নভেম্বরগী তাং ২১ দা মীরেপচে হন্দোকপগী অরোইবা তারিখনি। তঙাইফদনা মীখল হনবা তারগদি অহানবা তাঙ্কক্কী ওইনা দিসেম্বরগী তাং ৭ অমসুং অনিশুবা তাঙ্কক্কী মীখল হনবা থোক্লগনা দিসেম্বরগী তাং ১১ দা ওইনা লেপ্নখি।

লাক্লিবা দিসেম্বরগী তাং ১২গী অয়ুক্কী পুং ৮দগী তাঙ্কক অনি থোক্না ভোত মশিং থিবা হৌগনি।

বরাক তম্পাক্কী জিলা অহুম কাছার, করিমগঞ্জ অমসুং হাইলাকান্দি জিলাগা লোয়ননা অপুনবা জিলা ১০ লাক্লিবা দিসেম্বরকী তাং ৯দা মীখল পাঙথোক্কনি। হন্দক্কী পঞ্চায়েত মীখল অসিগী দমক ভোত থাদফম কেন্দ্র লিশিং মঙাগা চামঙাগা শুপ্না মঙা হাংদোক্কনি। অসোমদা হন্দক্কী পঞ্চায়েত মীখলদা লম্বা তৌনগদৌরিবা মীরেপশিংগী মশাগী মহৈগী থাক হান্ননা লেপথোকপা লৈখ্রে। জিলা পঞ্চায়েত মেম্বর মীরেপকী হায়ার সেকেন্দরী, আঞ্চলিক পঞ্চায়েত মেম্বর অমসুং গাঁও পঞ্চায়েত সভাপতিগীনা ক্লাস টেন অদুগা গাঁও পঞ্চায়েত মেম্বরগী ক্লাস সিক্স পাশ তৌবা তঙাইফদে।
অহানবা তাঙ্কক্কী মীখলদা জিলা পঞ্চায়েত মেম্বরগী সিট ২৫১, আঞ্চলিক পঞ্চায়েত মেম্বরগী সিট ১৩০৪, গাঁও পঞ্চায়েত সভাপতি ১৩০৪ অদুগা গাঁও পঞ্চায়েত মেম্বর ১৩০৪০ গী সিটকী দমক লম্বা তৌনগদৌরিবনি। অসুম্না অনিশুবা তাঙ্কক্কী মীখলদা জিলা পঞ্চায়েত মেম্বরগী সিট ১৬৯, আঞ্চলিক পঞ্চায়েত মেম্বরগী সিট ৮৯৫, গাঁও পঞ্চায়েত সভাপতি ৮৯৫ অদুগা গাঁও পঞ্চায়েত মেম্বর ৮৯৫০ গী সিটকী দমক হন্দক্কী মীখলদা লম্বা তৌনগদৌরি।

মীখলগী মতম লেপখিবগা লোয়ননা নভেম্বরগী তাং ৫দগী মীখলগী কোদ্ অফ কন্দাক্ট চৎনবা হৌখ্রে। হন্দক্কী পঞ্চায়েত মীখল অসিদা রাজ্য অসিগী ভোটর মীশিং কোটি ১ গা লাখ ৫৬ লিশিং ৪১ গা ৪৫৬ না মখোয় মখোয়গী অপাম্বা কেন্দিদেতশিংদা ভোট থাদনগনি।

অসোমদা লাক্লিবা পঞ্চায়েত মীখল অসি য়েংদুনা রাজ্য অসিগী ইউনিভার্সিটি অমসুং কোলেজকী পরিক্ষা পুম্নমক দিসেম্বরগী তাং ১৫গী মতুংদা ওইরগনি হায়রি।

Pao sing asi ga loinana atei e-pao gi damak
Lakhipuronline android app install toubiyu CLICK HERE

No comments:

Post a Comment

Comments ...