এনআরসিগী ফাইনেল দ্রাফ্ট ফোঙলে, এআরএন নম্বর হাপ্তুনা য়েংবা য়ারগনি।

ঙসি (জুলাই ৩০) অয়ুক পুং ১০ দা আসামগী এন.আর.সি. গী ফাইনেল দ্রাফ্ট ফোঙলে। এনআরসি এপ্লাই তৌবা মতমদা পীরকখিবা মশিং ২১ না শাবা অদোমগী এপ্লিকেসন রিসিপ্ট নম্বর (এআরএন) হাপ্তুনা অদোমগী ইমুং মনুংগী মীওইশিংগী মমিং য়াওবা য়াওদবা লোয়ননা করম্বা মীওই চিত্থহৌবনচিংবা য়েংবা য়ারে।

http://www.draftnrc.com/FinalCDraft/Draft.htm

লিঙ্ক অসিদা চঙদুনা য়েংবা য়ারগনি।

অসিগীসু মথক্তা অতৈ চেক তৌনবা লৈরিবা ৱেবসাইট শিংদি

http://www.nrcassam.nic.in

http://www.assam.mygov.in

http://www.assam.gov.in

অসিতা নত্তনা অদোমগী এনআরসি সেবা কেন্দ্র (এনএসকে) দা চৎতুনা য়েংথোকপসু য়াগনি। এনআরসি কেন্দ্রশিংদা জুলাই ৩০ দগী সেপ্তেম্বর ২৮ ফাওবা অয়ুক পুং ১০ দগী নুংথিল পুং ৪ ফাওবগী মনুংদা য়েংবগী খুদোং চাবা থমলি। 

করিগুম্বা দ্রাফ্ট অসিদা মীং য়াওরক্তবা থোক্লবদি করি মরমগীদমক য়াওরক্তবনো খঙনবগী দমক অদোমগী মরীলৈনবা এনআরসি সেবা কেন্দ্রগী এলআরসিআর গা উন্নদুনা আগস্ট তাং ৭ তগী সেপ্তেম্বর ২৮ ফাওবগী মনুংদা চেরোল পীশিনবা তায়। মীং য়াওরক্তবা থোক্লবদি মদুগী মীপায়নীঙাই ওইবগী ৱাফম করিসু লৈতে মরমদি ফাইনেল এনআরসি পুথোকপগী মমাংদা ক্লেমস্ অমসুং অবজেক্সনগী তাঙ্কক অমসু মখাতাবদা লৈরি।

রাজ্য অসিগী ওইনা অপুনবা মীওই ৩,২৯,৯১,৩৮৪ না এনআরসিদা মীং চন্নবা চে পিশিল্লকখিবগী মনুংদা ঙসি ফোঙদোকখিবা ফাইনেল দ্রাফ্ট অসিদা মীওই ২, ৮৯,৮৩,৬৭৭ গী মমিং য়াওরে।

লেমহৌরিবা মীওই ৪০, ০৭,৭০৭ গী মনুংদগী অশেংবা ভারতকী নাগরিকশিংগী মীং ফাইনেল এনআরসিদা য়াওনবগী দমক খন্দোক খনজিন তৌরখিগনি। মসিগা মরী লৈননা চে চাং পিশিনবগী থবক আগস্টকী তাং ৭ তগী হৌরগা সেপ্তেম্বরগী তাং ২৮ ফাওবগী মনুংদা মরী লৈনবা এনআরসি সেবা কেন্দ্রদা চৎপা তাগনি।

রাজ্য অসিগী খত্থহৌরবা মীওই ৪০, ০৭,৭০৭কী মনুংদা দাউতফুল ভোতর (দি-ভোতর) গী মশিং লাখ ২ মখায়রোম য়াওরি। পনবা য়াই, খৃকুমজা ১৯৯৭ গী মতমদা সিতিজেনসীপকী প্রমাণ পুথোকপা ঙমখিদবা মীওই কাংবু অদু দি-ভোতর হায়না ইলেকক্তোরেল রোলদা মার্ক তৌদুনা থমখিবনি।
ঙসি অসি লৈবাক অসিগী অমসুং আসামগী পূৱারীদা লৈহৌরগদবা নুমিৎনি। দ্‌রাফ্ত অসিদা মমিং য়াওদবা মীওইশিংগী ৱাকৎনবগী  তাঞ্জা পীগনি হায়না রেজিস্ত্রার জেনেরেল শ্রী সাইলেসনা ফোঙদোকখ্রে। দ্রাফ্ততা মিং য়াওদ্রিবা অসিগী মরম খঙহন্নবা মশা মশাদা পাউ পীগনি হায়না এনআরসি কোর্দিনেতর প্রতিক হাজেলানা হায়রি। 
ঙসি ফোংলিবা এনআরসি দ্রাফ্ত অসিনা অরোইবা নত্তে। মীপুম খুদিংকতা ৱাকৎনবগী তানজা পীগনি অমসুং মখোয়গী ৱাকৎশিং নীংথিনা তাগনি হায়না গৃহ মনত্‌রী রাজনাথ সিংনা ফোংদোক্লদুনা মীয়াম্না হিরমসিদা মীওই খরনা মীপায়বা পোক্নিঙাই ওইবা তোকঙা শন্দোকলে হায়খি। 

Pao sing asi ga loinana atei e-pao gi damak 

Lakhipuronline android app install toubiyu CLICK HERE