ঙসি

তোকিও ওলিম্পিকতা শরুক য়ারিবা অৱাং নোংপোক্কী শান্নরোই শিংগী দমক লখিপুর ইবুধৌ থোংনাং লম্পাকতা য়াইফ থৌনিজখ্রে।

লখিপুরওনলাইন দিজিতেল দেস্কঃ থা অসিগী ২৩ দগী হৌদুনা জপাননা য়ুম্বু ওইদুনা পাঙথোক্কদৌরিবা তোকিও ওলিম্পিকতা ভারতকী মহুৎ শিন্দুনা শরুক য়ারিবা অৱাং নোংপোক লমদম অসিগী শান্নরোই শিংগী মফমদা য়াইফ থৌনিজবগী থৌরম অমা ঙরাং কাছার জিলাগী লখিপুর খুমনদা লৈবা ইবুধৌ থোংনাংগী লম্পাকতা পাঙথোকখ্রে। ইবুধৌ থোংনাং থৌগল্লুপ, খুমন য়াইফ লূপ অমসুং লখিপুর খুমন ক্লাবনা শিল্লাংদুনা পাঙথোকখিবা থৌরম অদুদা হন্দক মালেমগী ওইনা হেন্দান্নগদৌরিবা সান্ন কুমহৈ অসিদা শরুক য়ারিবা আসামদগী শান্নরোই ১, মনিপুরদগী শান্নরোই ৫, মিজোরামদগী ১ অমসুং সিক্কিমদগী সান্নরোই ১ গী দমক য়াইফ থৌনিজখি। থৌরমগা মরী লৈননা আরাম্বম গৌরগোপাল, লোংজম গোপেন্দ্র অমসুং খাইদেম কান্ত নচিংবা মীওইশিংনা ৱা ঙাংখি। 
পনবা য়াই হন্দক পাঙথোক্কদৌরিবা ৩২শুবা ওলিম্পিক গেমস্ তোকিও ২০২০ অসি কোবিদ লায়চৎনা মরম ওইরগা য়ৈথোরকপদগী জুলাইগী ২৩ দগী আগস্তকী ৮ ফাওবা চৎথগদবা শান্ন কুমহৈ অসিদা
নুপীগী কেজি ৬৯ গী বোক্নিংদা আসামদগী লবলিনা বরগোহাই
মনিপুরদগী শান্নরোই ৫
কেজি ৫১ গী নুপীগী বোক্সিং মশান্নদা এমসি মেরিকোম, 
হোকিদা ভারতকী হান্নগী নুপীগী তীম কেপ্তেন পুখ্রম্বম সুসিলা চনু, 
কেজি ৪৯ গী নুপীগী ৱেতলিফতিংদা সাইখোম মীরাবাই চনু
নুপীগী কেজি ৪৮ গী জুদোদা লিকমাবম সুসিলা দেবী অমসুং
নুপাগী হোকিদা সংলাকপম নীলাকান্ত শর্মা নি। 
অদুগা হোকীদা মিজোরামদগী লালরেমসিয়ামী অমসুং
সিক্কিমদগী আর্চরিদা তরুনদীপ রায় গা লোয়ননা অৱাং নোংপোক রাজ্যশিংদগী পুন্না শান্নরোই ৮ না শরুক য়ারি।
https://youtu.be/ua6FtCRf364

Post a Comment

0 Comments