অঙাং খ্বাইদগী মশিং য়াম্না পোকপা মমা মপাশিংদা শেলগী মনা পীবগী ৱাফম লাউথোকখ্রে।

লখিপুরওনলাইন দিজিতেল দেস্কঃ রাজ্য অসিদা অঙাং অনিদগী হেল্লবদি সরকারগী থবক চংবা অমসুং মীখল থেংনবা য়াদবগী অকক্নবা চৎনবী লৈরি। অদুগা লৈবাক অসিগী তোঙান তোঙানবা রাজ্যশিংদসু মীশিং হেনগৎলকপা লাকশিন্নবগী পান্দমদা মখল মখা কয়াগী পোলিসি লাউথোকলি। অদুবু মিজোরাম লৈঙাক্কী মন্ত্রী অমনা মহাক্কী কন্সতিতিয়েন্সিদা অঙাং খ্বাইদগী মশিং য়াম্না পোকপা , হৌজিক হৌজিক হিংদুনা লৈরিবা মমা মপাশিংদা শেলগী মনা পীবগী ৱাফম লাউথোকখ্রে। ৱাফম অসি হৌখিবা নোংমাইজিং নুমিত্তা ফাদর্স দে নুমিৎকা মরী লৈননা মিজোরামগী শান্নখোৎনবগী মন্ত্রী রোবার্ত রোইতেনা লাউথোকখিবনি। মহাক্না রাজ্য অদুগী মিশিং হন্থরকপা অমসুং পোপুলেসনগী দেনসিতিদা স্কোয়ার কিলোমিতরদা মীওই ৫২ খক্তা ওইরিবা অসিনা মরম ওইরগা থৌরাং অসি লৌখৎপনি হায়রি। অঙাং মসিংগী চাং লাউথোকখিদ্রবসু  খ্বাইদগী মশিং য়াম্না পোকপা হিংদুনা লৈরিবা মমা মপা শিংদা  লুপা লাখ ১ গী মনা পীগনি হায়বগী ৱাফম লাউথোকখিবনি।

Post a Comment

0 Comments