রাজ্যসিগী মেত্রিক অমসুং হায়ার সেকেন্দরীগী ওইনদি হৌজিক ফাওবা ফোর্মুলা পুথোরকপা লৈত্রি।

লখিপুরওনলাইন দিজিতেল দেস্কঃ সিবিএসই গী ক্লাস তুৱেলবকী ফোরমুলা বেজ ইভালুয়েসনদা কনাগুম্বা মহৈরোয়শিংনা পেন্দবা লৈরবদি ফিজিকেল একজাম থানবগী ওনলাইনদা রেজিস্তার তৌবগী খুদোংচাবা পীরগনি। পনবা য়াই হন্দকতা সিবিএসইগী পরিক্ষাগী মার্ক পীনবগী শেমখিবা ইভালুয়েসনগী ফোর্মুলা অদু সুপ্রিম কোর্তনা অয়াবা পীখ্রবগী মতুংদা ৱাফম অসি ফোঙদোকখিবনি। নাকল অমরোমদা আসামগী মেত্রিক অমসুং হায়ার সেকেন্দরীগী মার্ক ইভালুয়েসনগা মরী লৈননা শেমখিবা অৱাংবা থাক্কী কমিতি অদুনা হৌজিক ফাওবাদা তাংদাংবা ফোর্মুলা পুথোরকপা লৈত্রি। পনবা য়াই আসামদা হায়স্কুল অমসুং হায়ার সেকেন্দরী মহৈরোইশিংগী মার্ক ইভালুয়েসনগী মতাংদা মীহুৎ ৯/৯ না শাবা অৱাংবা থাক্কী  কমিতি অনি শেমখ্রবনি। 

 দঃ অলোক বরগোহাই না হায়স্কুল অমসুং হায়মাদ্রাসা পরিক্ষা কমিতিগী চেয়ারমেননি অদুগা প্রোঃ দীপক কুমার শর্মা না হায়ার সেকেন্দরী পরিক্ষা কমিতিগী চেয়ারমেন ওইনা খনখিবনি। মীহুৎ মাপন মাপন না শাবা কমিতি অনি অসিনা চয়োল অসিগী মনুংদা মখোয়গী রিপোর্ত পুথোক্কনি। অদুগা জুলাইগী তাং ৩১ গী মনুংদা পরিক্ষা অনিমক্কী  রিজাল্ট হায়দোকলগনি।