তোনিংখোকনা কোভিদ ১৯ ঙাকথোকপদা মতেঙ পাংব্রা হায়বদু লেপ্তনা থীজিল্লি।

লখিপুরওনলাইন দিজিতেল দেস্কঃ তোনিংখোকনা কোরোনাভাইরাস ঙাকথোকপদা মতেং পীবগী ৱাফম অসি ঙসিদগী চহী ১৮ রোমগী মমাংদগী হৌদুনা মালেমগী মফম মফমদা ঙাংনদুনা লাক্লি। খৃকুমজা ২০০২ দগী ২০০৩ গী ময়ায় ফাওবদা মালেমদা সার্স কোরোনাভাইরাস নত্রগা সার্স কোভ ৱান না মরম ওইরগা শ্বোরগী লায়নানা মীওই লিশিং ৮ রোম শিহনখি। চহি অদুদা লায়চৎ অসিনা মরম ওইরগা চাইনাদা খ্বাইদগী হেন্না মীওই লিশিং ৭ রোম শিখি হায়না দব্লিউ ঐইচ ও গী ৱেবসাইততা পাউদমলি। লায়চৎ অসিবু ঙাকথোক্নবা হোৎনবদা তোনিংখোকনা থোইদোক্না মতেং পাঙখি। 

সাইন্তিফিক ওইবা মীংদা কোরদাতা হোতাইনিয়া কৌবা অদুগা ফীস মিন্ত, রেইনবো প্লান্ত, কমিলিয়ন প্লান্ত অমসুং চাইনিজ লিজার্দ তেইল হায়নসু খঙনবা মৈতৈশিংনা য়াম্না পাম্না মরোই মপাঙ ওইনা চানরিবা তোনিংখোক কী মনা অমসুং মরাদগী লৌবা মহীনা চাইনাদা লায়না অসি ফহনবদা চাওনা মতেং পাংখিবগী ৱারী জরনেল অফ ইথনোফারমাকোলোজিদা ফোঙখি। মতম অদুগী থীজিল্লোইশিংনা উচিদা চাংয়েং তৌবদগী ফংবা রিজাল্টতগী তোনিংখোকপু লায়চৎ অসিগী হিদাক শুংবদা শিজিন্নখি। হন্দকতসু সেন্ত্রেল ফুদ তেক্নোলোজিকেল রিসার্স ইন্সতিতিউত মাইসুরদা চীফ সাইন্তিস্ত ওইরিবা দাঃ ঙাসেপ্পম ইবোইয়াইমা না লুচিংবা তীম অমনা তোনিংখোকনা কোবিদ ১৯ দগী ঙাকথোকপা ঙম্মী হায়বগী ৱাফম সোসিয়েল মেদিয়াদা থেংনরে। তোনিংখোকনা ঐখোয় মীওইবগী হকচাংদা ইম্মিউন পাৱার হেনগৎহনবতা নত্তনা কোভিদ ১৯ ভাইরাস অসিনা রিপ্লিকেসন তৌবদা মতেং পীরিবা থ্রীসিএল প্রো এনজাইমবু তোনিংখোকনা ইনএক্তিভেত ওইহল্লি হায়বগী ৱাফম পল্লি। হীরমসিগী মতাংদা দাঃ ঙাসেপ্পম ইবোইয়াইমা না লুচিংবা তীম অসিনা চাংয়েং চৎথরি থা খরা অসিদা তাংদাংবা রিজাল্ত পুথোরক্লগনি হায়রি। নাকল অমরোমদা তোনিংখোক কাহেন্না চাশিনবনা ঈশিং মরীগী লায়না লৈবা মীওইশিংদদি অফবা ওইদে হায়বা ৱাফমসু লৈরি। 

পাউ অসি ইউতিউবতা য়েংবিউ