ঙসি

টিদিসি ওদ সেমিস্তারগী থাদদুনা লৈরম্বা থীওরি পরিক্ষাশিং কেন্সেল ওইরে।

লখিপুরওনলাইন নিউজ দেস্কঃ- আসাম ইউনিভার্সিতিনা জুনগী তাং ৪ দা থোকখিবা চেরোল অমগী মতুং ইন্না টিদিসি ওদ সেমিস্তারগী থাদদুনা লৈরম্বা থিওরি পরিক্ষাশিং অদু কেন্সেল ওইরে হায়না লাউথোকখ্রে। হায়রিবা পরিক্ষা অসি কোবিদ লায়চৎনা মরম ওইরগা এপ্রিলগী তাং ২৭ তগী য়ৈথোকতুনা লাকখিবনি। কেন্সেল ওইরবা সাবজেক্তশিং অসিগী মার্ক পীবগী মতাংদা কমিতি অমা সেমদুনা হীরমসিগী মতাংদা অথুবা মতমদা পোরম য়াৎথোক্লগনি হায়রি। নাকল অমরোমদা লেমহৌরিবা ওদ সেমিস্তারগী প্রেক্তিকেল পরিক্ষাশিংনা হুম এসাইনমেন্তকী খুৎথাংদা পাঙথোক্লগনি। এসইসি অমসুং এইসিসি পেপরশিং এসাইনমেন্তকী খুৎথাংদা মার্ক পীরগনি। মরী লৈনবা কোলেজশিংনা লাক্লিবা জুনগী তাং ৩০ গী মনুংদা এসাইনমেন্ত পীসিন্নবা হায়রি। অদুগা কোবিদ লায়চৎ অসিগী ফিভম খরা সাফরক্লবা মতমদা নন্-সিবিসিএস কোর্সকী পরিক্ষা পাঙথোক্নবা কমিতি অমা সেমলে অমসুং মসিগী মোদালিতিগী মতাংদসু লাউথোরক্লগনি হায়রি। অদুগা টিদিসি ইভেন সেমিস্তারগী ওনলাইন ক্লাস জুলাইগী তাং ১ দগী হৌগনি হায়না চেরোল অসিনা মখা তারি।

Post a Comment

0 Comments