মেত্রিক অমসুং হায়ার সেকেন্দরী পরিক্ষাগী মতাংদা আসাম লৈঙাকনা তাংদাংবা ফীরেপ অমা লৌব ঙমদনা লৈরি।

লখিপুরওনলাইন নিউজ দেস্কঃ- মেত্রিক অমসুং হায়ার সেকেন্দরী পরিক্ষাগী মতাংদা আসাম লৈঙাকনা তাংদাংবা ফীরেপ অমা লৌব ঙমদনা লৈরি। সিবিএসই অমসুং সিআইএসসিই অমসুং অতৈ রাজ্যশিংগী বোর্দশিংনা ক্লাস তেন অমসুং টুয়েলভকী পরিক্ষাশিং হন্দক্কী চহীগী ওইনা থাররোইবা হায়বা ৱারেপ লৌখ্রবা মতুংদগী রাজ্য অসিগী মহৈরোয়, ওজাসিং অমসুং মমা মপাওইবশিংগী পুক্নিং ৱাখলদা পরিক্ষা অসি করম্বা মতমদা ওইগদবনো অদুগা সাবজেক লিকথহল্লগা অমুক পরিক্ষা লৌগনি হায়বসিদা করি করি সাবজেক্তা ওইগদবনো হায়বগী লাংতক্নবা অমা অদুম্মক লোয়নদুনা লৈরি।
রাজ্যগী মফম মফমদগী পরিক্ষা অসি কেনসেল তৌনবসু লেপতনা হায়জরকলি। মহৈরোইশিংগী ইন্টরনেল এসেসমেন্তকী মার্ক লৈখিদবা অমসুং ক্লাস এলেভেনসু কোবিদনা মরম ওইরগা থাখিদবনা মরম ওইরগা আসামগী ওইনদি অরুবা ফিভমদা লৈরি। নাকল অমরোমদা  সিবিএসইনা পরিক্ষা থাহনখিদ্রবা মখোয়গী মহৈরোইশিংগী মার্ক পিবগী মেদালিতি অদু য়েংলবা মতুংদা তাংদাংবা ফিরেপ অমা লৌবা ঙমগনি হায়বগী ৱাফম আসামগী মুখ্যমন্ত্রী দা হিমন্ত বিশ্ব শর্মানা ফোঙদোকখি।

Post a Comment

0 Comments