মনিপুরী ক্লাসিকেল দান্স অমদি নট সংকীর্তনকী শক্নাইরবী শৈসকপী খুন্দ্রাকপম সাবিত্রিনা লৈখিদবদা মখা তানা অৱাবা ফোঙদোরকলি।

লখিপুরওনলাইন নিউজ ডেস্কঃ- মনিপুরী কলচারবু মালেমদা শকতাকপদা অচৌবা থৌদাং লৌরম্বী মনিপুরী নট সংকীর্তন অমদি মনিপুরী ক্লাসিকেল দান্সকী শক্নাইরবী ওজা খুন্দ্রাকপম সাবিত্রিনা লৈখিদবদা ইউনাইতেদ মনিপুরী আর্টস্ এন্দ কলচারেল ওর্গেনাইজেসন উমাকো গুৱাহাতিনা থমোয়শোক্না অৱাবা ফোঙদোরক্লি। লৈখিদ্রবীগী থৱায় মীরেলনা তাইবঙ মপুগী নাক্তা ইংনা চীক্না লৈরুনবা থৌনিজরি হায়না লূপকী জেনরেল সেক্ত্রেতরী জিএস থোঙ্গ্রানা থাদোরকপা চেরোল অমদা ফোঙদোরকলি।

নট ঈসৈগী লমদা লমদমসিগী শক্নাইরবী শৈশকপী খুন্দ্রাকপম সাবিত্রিনা লৈখিদবদা মনিপুরী থীয়েতর সেন্তর আসামনা থমোয়শোক্না অৱাবা ফোঙদোরক্লি। সাহিত্যিক আই এস থিঙ্গোমনা মীফম মপু ওইদুনা ওনলাইনগী খুত্থাংদা ঙরাং পাঙথোকখিবা অৱাবা ফোঙদোকপগী মীফমদা মহাক্না হীংলিঙৈদা জগোই ইসৈগী লমদা পাঙথোক্লম্বা থৌগাইশিংবু কুপ্না নৈনখি । 

বরাক তম্পাক্কী শক্নাইরবী কলাকার অমসুং মতম অমদা জগোই ইসৈগী লমদা মশক নাইরবা অজারেন ওইরম্বী খুন্দ্রাকপম ওংবী সাবিত্রিনা লৈখিদবদা মনিপুরী সাহিত্য পরিষদ আসামগী এক্স জেনরেল সেক্রেতরী অমসুং লখিপুর অহল মরূপকী থৌবুরেন ইঙুদম বিনোদনা অৱাবা ফোঙদোরকপগা লোয়ননা লৈখিদ্রবগী থৱায় মীরেলনা লাইরমলেন্দা ইংনা নুঙাইনা লৈবা ওইরসনু হায়না তায়বঙ মপুদা নীজখি।

পনবা য়াই খুন্দ্রাকপম সাবিত্রী মে থাগী তাং ২১ ইরাই নুমিত্তা লৈখিদব। 👉 https://youtu.be/krgbEK_Q6rY