ঙসি

মধুতিল্লাগী থৌদোকতা মরাল লৈরবশিংবু অকনবা চৈরাক পীনবা ওল আসাম মনিপুরী খ্রিস্তিয়ান এসোসিয়েসননা ৱাকৎ চেরোল পীশিনখ্রে।

লখিপুরওনলাইন নিউজ ডেস্কঃ- লমদম অসিদা তমথিরবা কোবিদ লায়চৎনা তংদু লৈতাদনা লৈরিবা মতমসিদা কাছার জিলাগী মনুং চন্না লৈবা শিলচর এনআইতি মনাক মধুতিল্লাদা মপুরোইবা লৈখিদ্রবী নুপী অমবু মীওই ৩ না নমদুনা ইকায় খুম্নবা মাংহনখিবগী থৌদোক অদুগী মতাংদা মরাল লৈরবশিংবু আইনগী মতুং ইন্না অকনবা চৈরাক পীবিউ হায়না ওল আসাম মনিপুরী খ্রিস্তিয়ান এসোসিয়েসন আমকা গী মাইগৈদগী কাছারগী দেপুতি কমিসনারগী মফমদা মেমোরেন্দাম অমা পীশিনখ্রে। হৌখিবা মেগী তাং ৯ দা থোকখিবা থৌদোক অদুদা চেন্নবা মীওই ৩ অদু পুলিসকী মখুৎ চল্লবসু মখোয়গী মরাল অদুগী ফংফম থোকপা চৈরাক ফংবগী মহুত্তা মচীন তোংবা মীওই খরগী থৌইনসিন্না তুমিন্না লোয়শিনখিগদৌরিব্রা হায়বগী মীয়াম্না চীংনবা পোক্নরে হায়রি। থৌদোক অদুনা মরম ওইরগা নুপী অদুগী পুক্নিং ৱাখলদা অহোংবা লাক্তুনা মশা মথন্তা হিংনিংবা পোক্লকত্রে হায়বগী ৱাফম চেরোল অসিদা ফোঙদোরকলি। মরম অসিনা অথুবা মতমদা থৌদোক অসিদা চেন্নরিবশিংবু অকনবা চৈরাক পীবিউ। চৈনা ফংলিবী নুপী অসিবু জিলা লৈঙাক্কী সোসিয়েল ৱেলফেয়ার সেক্সনগী মাইগৈদগী য়েংশিনবিউ। ভারত সরকারগী মিনিস্ত্রি অফ ৱুইমেন এন্দ চাইল্দ ৱেলফেয়ারগী মখাদা অৱাবা নংলিবী নুপী অসিগী দমক শেলগী তেংবাং পীবিউ। হায়বনচিংবা ৱাকৎশিং ওল আসাম মনিপুরী খ্রিস্তিয়ান এসোসিয়েসনগী জেনরেল সেক্রেতরী দাঃ ঐইচ নীরেন্দ্র সিংহগী ৱাকৎ চেরোল অসিদা পল্লি। ৱাকৎ চেরোল অসিগী কোপি অমমম আসামগী সিএম অমসুং কাছার শিলচরগী এসপি গী মফমদসু পীশিনখ্রে হায়রি। 👉 https://youtu.be/krgbEK_Q6rY

Post a Comment

0 Comments