ঙসি

মধুতিল্লা রেপ কেসকী মতাংদা মখাতাবা থবকথৌরমশিং চৎথরি হায়না জেএসিগী কোর্দিনেতরনা পাউদমলকলি।

লখিপুরওনলাইন নিউজ ডেস্কঃ- কাছার জিলাগী মনুং চন্না শিলচর এনআইতি কেম্পাস মনাক মধুতিল্লাদা মপুরোইবা লৈখিদ্রবী নুপী অমবু মীওই ৩ না নমদুনা ইকায় খুম্নবা মাংহনখি হায়বগী মতাংদা থৌদোক অদুদা চেন্নবা মীওইশিংবু মতীক চাবা অহকপা চৈরাক ফংহন্নবগী পান্দমদা শেমখিবা জাস্তিস দিমান্দ কমিতি ফোর মধুতিল্লা রেপ ভিক্তীম হায়না মীংথোনবা জোইন্ত এক্সন কমিতি অসিনা লেপ্তনা চংশিল্লিবা খোংজং অসিগী মখা তাবা থবকশিং চৎথরি। 
ঙরাংসু গুঙ্গুর থানাগী মীওইশিংনা ভিক্তিমগা লোয়ননা থৌদোকফমদা চৎতুনা গ্রাউন্দ রিপোর্তনচিংবসু লৌখ্রে হায়না জেএসিগী কোর্দিনেতর মুতুম গুনাধননা পাউদমলকলি। ভিক্তিম অদু কোবিদ চাংয়েংদা নিগেতিব লাকলে। মাঙোন্দা মখা তানা ৱাৎহৌবা চাংয়েং কয়া তৌখিবগা লোয়ননা মরী লৈনবা অফিসিয়েলশিংনা ৱাহং পাউহং কয়া তৌদুনা কেস অসি থীন্থবা তৌদনা অচুম্বা ৱায়েল চৎথনবা হোৎনরি হায়রি। পনবা য়াই, থৌদোক অসিগী মতাংদা অচুম্বা ৱায়েল চৎথদুনা মতীক চাবা চৈরাক পীহন্নবা হৌখিবা মে থাগী তাং ১৬ তা ৱার্লদ মীতৈ কনভেন্সন অমসুং বরাক তম্পাক্কী তোঙান তোঙানবা সিএসও শিংনা পুল্লগা জাস্তিস দিমান্দ কমিতি ফোর মধুতিল্লা রেপ ভিক্তীম হায়না মীংথোনবা জেএসি অসি শেমখিবনি। https://youtu.be/krgbEK_Q6rY

Post a Comment

0 Comments