খ্বাইরাকপা ঈরেল উমংলাই ঙাকশেল্লুপকী চহীগী মীফম পাঙথোকখ্রে, খুভমগী অরি অনৌগী মরক্তা চৎথোক-চৎশিনগী পার্মানেন্ত স্ট্রাকচর অমা শানবসু খন্নখ্রে।

খ্বাইরাকপা ঈরেল উমংলাই খুভম (অনৌবা খুভম) - ফোতো লখিপুরওনলাইন

লখিপুরওনলাইন দিজিতেল দেস্কঃ খ্বাইরাকপা ঈরেল উমংলাই ঙাকশেল্লুপকী চহীগী মীফম লূপ অসিগী প্রেসিদেন্ট ঙাঙোম নীরঞ্জননা থৌরম মপু ওইদুনা লখিপুরগী তলেনখুনদা নোংমাইজিং নুমিৎ, ফেব্রুৱারীগী তাং ৭ তা পাঙথোকখ্রে। লূপ অসিগী হান্নগী প্রেসিদেন্ট ৱাংখেম শরৎচন্দ্র, য়ুম্নাম নদিয়াচান্দ, ঙাঙোম বসন্তকুমার, অশাংবম গৌরগোপাল, হান্নগী সেক্রেটরী হুইরেম কালাচান্দ, য়ুম্নাম শরৎ, লৈশুংবম রবিন্দ্র অমদি সিনিয়র মেম্বর ওইনাম মনোরঞ্জন অমসুং মনিপুরী দেভেলপমেন্ট কাউন্সিলগী মেম্বর কৈশাম চম্পালাল না অখন্নবা মীথুং ওইনা দাইজতা ফমখি। 
খ্বাইরাকপা ঈরেল উমংলাই খুভম (অরিবা খুভম) ফোতোঃ লখিপুরওনলাইন

লূপকী জেনরেল সেক্রেতরী তৌরাংবম নগেন্দ্রনা তিল্লিবা মীয়াম্বু তরাম্না ওকপগা লোয়ননা চহীগী পাউদম পাথোকখি। মতুংদা লূপকী ট্রেজরর মাইবম মনিধননা দিসেম্বর ১৭, ২০২০ দগী জনুৱারী ৪, ২০২১ ফাউবগী ওইনা লূপ অসিগী চাগা চাদিংগী সক্তম লান্থোকখি। মতুংদা তিল্লিবশিংনা মাগী মাগী ৱাখল্লোন ফোঙদোক্নদুনা লাক্কদবা চহীশিংদা থৌরম হেন্না মায়পাক্না পাঙথোকপগী ৱাফম থম্নখি। প্রেসিদেন্ট নিরঞ্জননা লূপ অসি রেজিস্তর তৌরে হায়না মীয়ামদা তমখি। 

কুপ্না খন্নরবা মতুংদা লেপ্নখিবা ৱারেপশিংগী মনুংদা পনবা য়াবদি - ১। লূপকী লৈজরিবা শেনগৈদগী লুপা লাখ অমা মখায় অতেনবা মতমগী ওইনা বেঙ্কতা ফিক্স দিপোজিত থম্বা, ২। খুভমদা কমিউনিতি হোল অমা শানবগী দমক সেন্থং পিবিনবা মরী লৈনবশিংদা হায়জবা, ৩। খুভম অরি-অনৌগী মরক্তা চৎথোক-চৎশিন তৌবা য়ানবা পার্মানেন্ত স্ট্রাকচার অমা শানবগীদমক মরী লৈনবা ইঞ্জিনিয়ার অমদা তানদুনা য়েংহনবা অসিন চিংবনি। হৌজিক লূপকী শেনগৈ ওইনা বেঙ্কতা লুপা ২,৫৭,৯৫৩/- অমসুং খুত্তা লুপা ২১,২২৫/- লৈরি হায়না উৎখিবগা লোয়ননা থাগৎ ৱাহৈ পীদুনা মীফম মপুনা মীফম লোয়রে হায়না লাউথোকখি। (Pao asi YouTube ta yengbagi damak asida click toubiyu )

Post a Comment

0 Comments