আসামগী পুৱারিদা খ্বাইদগী চাওবা রিক্রুতমেন্ত দ্রাইভ ওইনা ওজা ২৯,৭০১ দা এপোইনমেন্ত লেতর খুৎশিন্নখ্রে।

লখিপুরওনলাইন দিজিতেল দেস্কঃ আসাম রাজ্যগী পুৱারিদা খ্বাইদগী চাওবা মখলগী রিক্রুতমেন্ত দ্রাইভ ওইনা ঙরাং মুখ্যমন্ত্রী সর্বানন্দ সোনোৱালনা  ওজা ২৯,৭০১ দা এপোইনমেন্ত লেতর খুৎশিন্নখ্রে। গুৱাহাতিগী সরুসজাই স্তেদিয়ামদা পাঙথোকখিবা থৌরমদা মুখ্যমন্ত্রীনা ৱা ঙাংলদুনা হায় নীংতম নুমিৎকী থৌরমদা রাজ্য সরকার অসিনা ওজা ৫০,০০০ হাপকনি হায়না লাউথোকখিবা অদু থবক ওইনা পাঙথোক্নবা হোৎনবদা মহৈমশিংগী মন্ত্রী হিমন্ত বিশ্ব শর্মানা লৌরিবা থৌদাংবু মহাক্না থাগৎপা ফোঙদোকখি।  ঙরাং পিখিবা এপোইন্তমেন্ত লেতরশিংগী মনুংদা ওজা ১৬,৪৮৪ না প্রোভিন্সিয়েলাইজ ওইদবা মহৈশঙগী ওজাশিংদনি। মখোয়গী মনুংদা সর্বিস মতম নোংম নিনি খক্তা ঙাইবা ফাওবা য়াওখি হায়রি। অদুদা অতোপ্পা টেট পাস তৌরবা ওজা ১৩,২১৭ তসু  ঙরাং এপোইন্তমেন্ত লেতর খুৎশিন্নখি। থৌরমগা মরী লৈননা ৱা ঙাংলদুনা মহৈমশিংগী মন্ত্রী দা হিমন্ত বিশ্ব শর্মনা লাক্লিবা থা মখায় অসিগী মনুংদা মখা তানা ওজা লিশিং ৫ থবক পীগনি হায়নসু মহাক্না ফোঙদোকখি। (Pao asi YouTube ta yengbagi damak asida click toubiyu )