শিলচরদা সিঙ্গেরবন্দ ক্লাস্তার দেভেলপমেন্ত প্রোজেক্তকী ওইবা একজিবিসনগা লোয়ননা মেলা হৌখ্রে।

লখিপুরওনলাইন দিজিতেল দেস্কঃ কাছার জিলাগী লখিপুর কন্সতিতুয়েন্সিগী মনুং চন্না লৈবা শিঙ্গেরবন্দ খুঙ্গংগী নুপীশিং মশানা মশাগী মখোঙদা লেপচবা ঙমলে হায়বা য়ারে। মখোয়না শাবা হেন্দলুমগী ফিরোল কাছার জিলাখক্তদা নত্তনা হৌজিকতি অতোপ্পা রাজ্যশিংদসু য়োনবা হৌরে। মফম অসিগী চাওরাক্না ফিসাবী ৪০০ রোমনা শাবা ফিরোল শিলচর, ধলাই, কালাইন অমসুং লখিপুরদা য়োলম্বা অদু হৌজিকতি অতোপ্পা রাজ্য়দসু থাবা ঙমলে। ঙরাং ফেব্রুৱারীগী তাং ৬ থাংজা নুমিৎতগী হৌদুনা কাছার হেন্দলুম এন্দ তেক্সতাইলগী থৌশিল মখাদা সিঙ্গেরবন্দ  ক্লাস্টার ডেভেলপমেন্ট প্রজেক্ট কী ওইবা নুমিৎ হুমনি চুপনা চৎথগদবা মখল মথেলগী হেন্দলুমগী ফিরোলশিং উৎপগী মেলা শিলচরদা হৌখ্রে।  
শিলচরগী দাকবাংলো রোদ তা লৈরিবা এসিস্তেন্ত দিরেক্তর হেন্দলুম এন্দ তেক্সতাইলস্ কাছারগী অফিস কেম্পাসতা ফেব্রুৱারীগী তাং ৬ তগী ৮ ফাওবা চৎথগদবা একজিবিসন কম্ মেলা অসি ঙরাং  ডিস্ট্রিক্ট ডেভলপমেন্ট কমিশনার জে আর লালসিম না রিবোন ককতুনা হৌদোকপিখি। চীফ গেস্ত ওইখিবা জে আর লালসিমনা হায় নুপী অমা ওইনা ঐ থোইদোক্না চাউথোকচবা ফাওজৈ। ঐগী জিলা অসিগী নুপীশিংনা অসিগুম্বা খোংজং অসি চংশিল্লম্বসি থোইদোক্না পেনজৈ। হান্ন মনিপুরদগী কাছার জিলাসিদা ফিরোল য়াম্না পুরক্লম্বদু হৌজিক মসিগী ওন্নতৈনবদা সিঙ্গেরবন্দগী নুপীশিংনা শাবা ফজরবা ফিরোল মনিপুরদা থাবা ঙমলে।
থৌরমদা হেন্দলুম এন্দ তেক্সতাইল কাছারগী এসিস্তেন্ত দিরেক্তর  লাইরেল্লাকপম হরি লাল সিং, ডেপুটি হ্যান্ডলুম অফিসার আব্দুল মনাফ, এডভোকেত ঙাঙোম রামাকান্ত, রিতায়ার্দ এসিস্তেন্ট কমিসনার অফ তেক্সতাইলস্ লাইরেল্লাকপম চম্পালাল নচিংবা মীওইশিংনা দাইসতা ফমখি।  
সিঙ্গেরবন্দ  ক্লাস্টার ডেভেলপমেন্ট প্রজেক্ট অসিগা মরী লৈননা হেন্দলুম এন্দ তেক্সতাইল কাছারগী এসিস্তেন্ত দিরেক্তর  লাইরেল্লাকপম হরি লালনা ফোঙদোরকপদা মমাংঙৈদা ফিশাবীশিংনা সাতল লুমদা ফি শানরম্বা অদু পোৎথোক ৱাৎপনা শেন্থোকসু ৱাৎনা লৈরম্মী। অদুবু হৌজিকতি ফ্লাই সাতল ফ্রেমসিনা লাকপদগী মসিদা শাবা ফিনা হান্নদগী শরুক অহুমরোম শেন্থোক লৈরে হায়বগী থাজবা ফোঙদোকখি। অসিত্তা নত্তনা হান্না লমসিদা থৱায় য়াওরমদবা অদু হৌজিকতি হেন্না ইন্তরেস্ত ওইনা থবক অসি তৌরে। শেৎপা চাবদা ঐখোয়সি শরুক য়াম্না চাওনা প্রোদিউসরসু অদুগা কনজিউমরসুনি অদুনা পোত্থোকশিং অসি মসানা পুথোকচরবদি ফিসাবীশিং অসিগী শেন্দান লম্বীদসু অহোংবা অমা সোয়দনা পুরকপা ঙমগনি হায়খি।

Post a Comment

0 Comments