ঙসি

আন্দামানদা লোয় থাখিবা নুমিৎপু নিংশিংদুনা অথৌবশিংগী মফমদা শ্রাদ্ধাঞ্জলি কৎখ্রে।

লখিপুরওনলাইন নিউজ দেস্কঃ
মনিপুরগী পুৱারীদা ১৮৯১ দা শোক্নখিবা এংলো মনিপুর ৱারদা মরৈবাক্কী দমক থৱাই খুবাকতা হাপতুনা লান্থেংনখিবা অথৌবা কয়া বৃটিসনা ফাসিঁ তৌদুনা হাৎখি অদুগা খরনা কালাপানীদা লোই থাখিবা লৈখিদ্রবা অথৌবশিংগী মফমদা ঙরাং নভেম্বরগী তাং ২৩ ত্রিপুরাদসু মীয়াম হুপ্না শ্রদ্ধাঞ্জলি কৎখি। মনিপুরগী নীংতম্বা ঙাকপগী অরোইবা লানফম খোংজোম লালদা মাইথিরবা অথৌবশিংবু ফাদুনা নমথাক্কী ৱায়েল চৎথরগা কালাপানি হায়বদি আন্দামান দা লোই থাখিবসি ১৮৯১ গী নভেম্বরগী তাং ২৩ দনি। 
আগরতলাদগী কিলোমিতর ১৫ রোম চৎলগা লৈবা নরায়ন খামর মেজোর চোংথামীয়া কমপ্লেক্সতা নুমিৎ অসিবু নীংশিংদুনা দি চোংথামিয়া ত্রাস্ট, ত্রিপুরা অমসুং দি ইউনাইতেদ চোংথাস, মনিপুর অনিনা খুৎশম্নদুনা থৌরম অমা পাঙথোকখি। থৌরম অদুদা ট্রাস্তকী চেয়ারমেন গুরুময়ুম নিতায় শর্মা না থৌরম মপু ওইরগা সোসিয়েল ৱার্কর গুরুময়ুম গৌরহরি শর্মানা চীফ গেস্ত ওইনা শরুক য়াখি। আগরতলা দগী মরূপ পাউ চে গী জোইন্ত ইদিতর আর কে তরুনজিৎ সিং অমসুং লময়ানবা সংস্থাগী জেনরেল সেক্রেটরী ক্ষেত্রিময়ুম মাধবী দেবী না গেস্ত অফ ওনর ওইখি।  
১৮৯১ দা কালাপানি দা লোয় থাখিবা অথৌবা ২২ গী মফমদা লৈ-শু কৎখিবগা লোয়ননা মিনিত ২ তুমিন্না লেপতুনা ইকায় খুম্নবা ফোঙদোকখি। গোভর্ণমেন্তকী রেকোর্দ মতুং ইন্না কালাপানিদা লোয় থাখিবা অথৌবা ২২ গী মনুংদা মেজোর চোংথা মীয়া সু য়াওরি। পনবা য়াবদি মেজোর চোংথা মীয়া খা ত্রিপুরা গী নরায়ন খমরদা অরোইবা য়াহিপ তানখি হায়রি।  (PAO ASI YOUTUBE TA YENGBIYU)

Post a Comment

0 Comments