ঙসি

এমদিসি দা আসামগী মনিপুরী মুসলিমশিংগীসু শরুক পীগদবনি হায়না দিমান্দ তৌখ্রে।


লখিপুর, কাছার, ওক্টোবর ১২, ২০২০ঃ  আসাম মনিপুরী মুসলিম য়ুথস্ ফ্রোন্ট অমদি ওল আসাম মনিপুরী মুসলিম স্টুদেন্টস্ ইউনিওন না পুন্না শিন্দুনা লখিপুর সাবদিবিজনগী মনুং চন্না লৈবা মনিপুর পার্ত ৱানগী কমিউনিতি হোলদা ঙরাং মীফম অমা পাঙথোকখ্রে। মীফমদা আসাম মনিপুরী মুসলিম য়ুথস্ ফ্রোন্টকী চীফ এদভাইজর অহমেদ চৌধুরী অমসুং লুপসিগী প্রেসিদেন্ট জমির অহমেদ লোয়ননা ওল আসাম মনিপুরী মুসলিম স্টুদেন্টস্ ইউনিওনগী চীফ এদভাইজর এদভোকেত আজাদ হুসেন অমসুং লুপসিগী এদভাইজর কাজি হুসেন অহমেদনা প্রেসিদিয়াম মেম্বর ওইখি। মীফম অসিদা নৌনা শেমদোক্কনি হায়না খন্নরিবা মনিপুরী দেভলপমেন্ট কাউন্সিল অসিগী অপুনবা মেম্বরগী মনুংদা শরুক মরী থোকপগী শরুক অমদি আসামদা খুন্দারিবা মনিপুরী মুসলিম শিংগী ওইনা পীগদবনি অমসুং ভাইস চেয়ারমেনগী ফম অসিসু মনিপুরী মুসলিমদা পীফম থোকই হায়না ৱারেপ্নখি। হীরমসিগী মতাংদা অথুবা মতমদা আসাম সরকারগী চীফ মিনিস্টর, ইজুকেসন মিনিস্টর অমসুং দব্লিউপিতি মিনিস্তর উনরগা মেমোরেন্দম অমসু পীশিল্লগনি হায়রি। লোয়ননা মীফমনা বরাক তম্পাক্কী এমএলএ, মিনিস্টর অমদি এমপি শিংদসু মখোয়গী দিমান্দ পীননবা তকশিনবা হৌরগনি হায়বা ৱাফম ফোঙদোকখি। মীফমদা আব্দুল হামিদ, নাজির আহমেদ, জিয়াউল রহমান মুফতি নচিংবা মীওইশিংনা শরুক য়াখি। 

মতুং তারকপদা পাঙথোকখিবা পাউগী মীফম অমদা আসাম মনিপুরী মুসলিম য়ুথস্ ফ্রোন্টকী জেনরেল সেক্রেটরী জিয়াউল রহমান মুফতি না ফোঙদোকখিবদা হৌজিক হৌজিক মনিপুরী দেভলপমেন্ট কাউন্সিল অমুক নৌনা শেমলগনি হায়না তৌরিবা অসিদা আসামদা খুন্দারিবা মনিপুরী মুসলিমশিংগী ৱান ফোর্থ মেম্বর পীগদবনি হায়রদুনা এমদিসি গী অপুনবা মেম্বর ৪৫ গী মনুংদা ভাইস চেয়ারমেনগা লোয়ননা মেম্বর ১০ পীগদবনি হায়খি। পাউগী মীফম অদুদা অহমেদ চৌধুরী, আজাদ হুসেন, জমির আহমেদ চৌধুরী, জিয়াউল হাজারি নচিংবা মীওইশিংসু শরুক য়াখি। (পাউ অসি ইউতিউব তা য়েংবিউ)