ঙসি

মায়ফাগী ইমালোন কনবগী খোঙজংদা লৌথায় অমদি কপিতিলা পুল্লগা কেম্পেইন পাঙথোকখ্রে।

 


লখিপুর, কাছার, সেপ্তেম্বর ১৪, ২০২০ঃ  মনিপুরী য়ুথস্ ফ্রোন্ত অফ আসাম মায়ফানা লেপ্তনা চৎথরকপা খোঙজংগী মখা তারকপা ওইনা ঙরাং ৭৪শুবা এৱেরনেস কেম্পেইন উধারবন্দ কন্সতিতুয়েন্সিগী মনুং চনবদা লৈবা লৌথায় অমদি কপিতিলা খুন অনিনা পুল্লগা পাঙথোকখ্রে। খুন্দ্রাকপম রাজভল্লপনা প্রেসাইদ তৌখিবা মীফম অসিদা, ফান্দেম্বম ইন্দ্রমনি, আসাম মনিপুরী মৈরা পায়বী অপুনবা লূপ, আমপালগী প্রেসিদেন্ট অহোংসাংবম লিলি, ইমা সনাথোই, মায়ফাগী প্রেসিদেন্ট সেরাম হেরাজিৎ নচিংবা মীওইশিংনা দাইজতা ফমখি। 

Barak Tampak ki Khomjinba Pao 14 Sep 2020

কেম্পেইন অসিদা তরাম্না ওকপগী ৱারোল পীরদুনা খুন্দ্রাকপম পোতোন না ইমালোনগী দমক মায়ফানা চঙশিল্লিবা ইমালোন কনবগী খোঙজং অসিবু শৌগৎপা ওইনা কেম্পেইন অসি পাঙথোকচবনি হায়খি। মায়ফাগী প্রেসিদেন্ট সেরাম হেরাজিৎনা আসাম সরকারগী থবক লৌরকপা খুদিংদা ঐখোয়গী ইমালোননা থবক থাবা য়ারকতবা, বেঙ্গলি আসামিজ বোরো লোননা সরকারগী থবক থাগদবনি হায়বসি ঐখোয়না য়াবা শুকঙম ঙমলোয় হায়রদুনা আসামদা লাইরিক তম্বগী খুদোং চাবা পিবিরিবা ঐখোয়গী ইমালোন অসি আসাম লৈঙাকনা এসোসিয়েত অফিসিয়েল লেঙ্গুয়েজ ওইনা লৌশিনগদবনি হায়খি। 

ফান্দেম্বম মোনোহর না আসামদা লৈরিবা লুপ খুদিংমকনা শৌগৎপিরবদি ঐখোয়গী ইমালোন আসামদা মরা তানা হিংখিগনি নৎত্রবদি নোংমদি শোইদনা ঐখোয় মুৎখ্রগনি হায়খি।

প্রেসিদেন্ট রাজভল্লপগী ৱারোলদা মায়ফানা চঙশিল্লকপা খোঙজং খুদিংমক ঐখোয়না শৌগৎকনি হায়বগী থাজবা পীখি। থৌরম অসিগী মখা তারকপদা ঙরাং পোস্ত কার্দকী কেম্পেইন অমসু পাঙথোকখি।  

(অসিদা ক্লিক তৌবিদুনা পাউ অসি ইউতিউবতা য়েংবিউ)

Post a Comment

0 Comments