কাছার চন্দ্রপুরদা পুৱারীগা মরী লৈনবা খুভম থম্বীনব আসাম অমসুং মনিপুরগী মুখ্যমন্ত্রীদা তকশিনখ্রে।

লখিপুর, ১৭ সেপ্তেম্বর ২০২০ঃ  কাছার বাশঁকান্দিগী চন্দ্রপুরদা মনিপুরীশিংগী পুৱারীগা মরী লৈনবা মৈদিংঙু গম্ভীরসিংহ অমসুং নরসিংহগী খুভম অমমম থম্বীনবগী মতাংদা লখিপুরগী তোঙান তোঙানবা লুপশিংগী মাইগৈদগী আসামগী মুখ্যমন্ত্রী সর্বানন্দ সোনোৱাল অমসুং মনিপুরী মুখ্যমন্ত্রী শ্রী এন বীরেনগী মফমদা ৱাকৎ চেরোল অমমম থাদুনা হায়জখ্রে। মমাং থাবদসু হীরম অসিগী মতাংদা মনিপুরী  মুখ্যমন্ত্রী শ্রী এন বীরেননা হৌখিবা মার্চকী তাং ৪ দা লামারগ্রামদা পাঙথোকখিবা ৱার্লদ মীতৈ কনভেন্সনদা লাকখিবা মতমদসু ৱাকৎ চেরোল পীদুনা খঙহনখ্রবনি। লোয়ননা মনিপুরী মহৈ মশিংগী মন্ত্রী দাঃ থোকচোম রাধেশ্যামনা কাছার সিঙ্গেরবন্দা লাকখিবা মতমদসু হীরমসিগী মতাংদা ৱাকৎ চেরোল পীশিনখিবা লৈখ্রে। খুভম অসি শেমগৎনবগী মতাংদা আসাম সরকার অমসুং মনিপুরী সরকার অনিমক্তগী মতেঙ পিবিনবা ৱাকৎ চেরোল অসিদা পল্লি। 

Barak Tampak ki Khomjinba Pao 17 Sep 2020

মনিপুরী সোর্ত স্তোরি সোসাইতিগী প্রেসিদেন্ট ইঙুদম বিনোদ অমসুং জেনরেল সেক্রেতরী খাইদেম কান্ত, মনিপুরী সাহিত্য পরিষদকী জেনরেল সেক্রেটরী ঙাঙোম বসন্তকুমার, কাছার হিউমেন রাইটস ওর্গেনাইজেসনগী প্রেসিদেন্ট এদভোকেত ইরাবত, মালাদেস আসামগী প্রেসিদেন্ট জি নরহরি, মহারাজ গম্ভীরসিংহ নিংশিংলুপকী জেনরেল সেক্ত্রেতরী নাওরেম মনিচন্দ্র, নহারোল খোরিরোল সিল্লুপকী জেনরেল সেক্রেটরী কোন্থৌজম নন্দবাবু, মনিপুরী মুসলিম দেভেলপমেন্ট ওর্গেনাইজেসনগী এসিঃ সেক্রেটরী এস নিজাম উদ্দিন, ওল আসাম মনিপুরী উইমেন মৈরা পায়বী কোর্দিনেসন কমিতিগী ভাইস প্রেসিদেন্ট কে অরুনা দেবী, আমসু লখিপুর দিস্ত্রিক কমিতিগী প্রেসিদেন্ত কে বিক্রমজিৎ অমসুং পরিষদকী বাঁশকান্দি মছাগী প্রেসিদেন্ট খাইদেম গৌরহরি নচিংবা মীওইশিংনা ৱাকৎচেরোল অসিদা খুৎয়েক পীখি।

(অসিদা ক্লিক তৌবিদুনা পাউ অসি ইউতিউবতা য়েংবিউ)