মীফমদা নিঙোম্বম সাবিত্রি, সুনিতা কোন্থৌজম, আর কে মালেশ্বরী, ঐইচ সত্যজিৎ, আর কে রঞ্জিত, ঐইচ অনুপ্রভা, এন সমরজিৎ, টিঐচ তোন সিং, এন বীরমনি নচিংবা মীওইশিংনা ৱা ঙাংখি। থৌরমগী মনুং চন্না মায়ফানা চঙশিল্লিবা খোংজং অসিবু মপুং ফানা শৌগৎলদুনা মনিপুরী লোনবু আসামগী এসোসিয়েত অফিসিয়েল লোন ওইহনবিউ হায়বনচিংবা ৱাকৎ কয়া য়াওরবা পোস্তকার্দ কেম্পেইনসু পাঙথোকখি। লোয়শিল্লকপদা মীয়ামনা ইমা লোন্না য়াইফরে, মীতৈ লোননা য়াইফরে, মনিপুর ইমানা য়াইফরে হায়বা খোল্লাউ কয়া লাউদুনা থৌরম অসি লোয়শিনখি। মখা তারকপদা চীংদোংলৈকায়দা পোস্ত কার্দ কেম্পেইন গা লোয়ননা মীফম অমা পাঙথোকখি। মৈরা পায়বী, য়াকাইরোল লূপ এনজিও চীংদোংলৈকায় কপ্তানপুর পার্ত ৱান অমদি ৱূইমেন এক্সন কমিতি ফোর ভিলেজ প্রোতেক্সনগা পুন্না চীংদোংলৈকায় কারাম বেমাগী শঙ্গায়দা পাঙথোকখিবা কেম্পেইন অদুদা লাকলিবা সেপ্তেম্বরগী তাং ৭ দা লখিপুরগী ফুলেরতলদা অয়ুক্কী পুং ১০ দগী হৌদুনা পাঙথোক্কদবা ৱাকৎ মীফমদা মীয়ামনা শরুক য়াবিউ হায়না ৱুইমেন এক্সন কমিতি অসিগী প্রেসিদেন্ট কোন্থৌজম সুনিতানা হায়খি।
লেপ্তনা চঙশিল্লক্লিবা মায়ফাগী পোস্ত কার্দ কেম্পেইন অসিদা ঙরাং লখিপুর কন্সটিটুয়েন্সিনা কোনবা তোঙান তোঙানবা মফমশিংদগী কেম্পেইন অসি পাঙথোকখিবগী পাউ লাকলি। চাওরাক্না ঙরাং পোস্ত কার্দ লিশিং অমা মখায় হেন্না পোস্ত অফিসকী খুৎথাংদা থাবা ঙমখি। (পাউ অসি লখিপুরওনলাইন ইউতিউব চেনেলদা য়েংবিউ)
লেপ্তনা চঙশিল্লক্লিবা মায়ফাগী পোস্ত কার্দ কেম্পেইন অসিদা ঙরাং লখিপুর কন্সটিটুয়েন্সিনা কোনবা তোঙান তোঙানবা মফমশিংদগী কেম্পেইন অসি পাঙথোকখিবগী পাউ লাকলি। চাওরাক্না ঙরাং পোস্ত কার্দ লিশিং অমা মখায় হেন্না পোস্ত অফিসকী খুৎথাংদা থাবা ঙমখি। (পাউ অসি লখিপুরওনলাইন ইউতিউব চেনেলদা য়েংবিউ)
