লখিপুর কাছার, সেপ্তেম্বর ০২, ২০২০ঃ মনিপুরী য়ুথ ফ্রোন্ট অফ আসাম মায়ফানা মনিপুরী লোনবু আসামগী এসোসিয়েত অফিসিয়েল লেঙ্গুয়েজ ওইহনগদবনি হায়বগী চঙশিল্লকপা খোঙজংশিংগা লোয়ননা পোস্ত কার্দ কেম্পেইনসু ঙরাং মায়ফা লখিপুর ব্রাঞ্চনা শিন্দুনা লখিপুরগী খুনৌ, খুমন, বিন্নাকান্দিনচিংবা মফমশিংদা পাঙথোকখ্রে। কেম্পেইনগী লোয়শিল্লকপদা পোস্ত কার্দ ২০০ রোম পোস্ত অফিসতা চৎতুনা থাদখি। কেম্পেইন অসিগা মরী লৈননা মায়ফা লখিপুর ব্রাঞ্চকী ভাইস প্রেসিদেন্ট সোরাম থোইবনা পোস্ত কার্দ কেম্পেইন অসিগী দমক য়ুম য়ুমদা চৎলুবদা থৱাই য়াওনা সৌগৎপিরকখিবশিংগী মফমদা থাগৎপা ফোঙদোক্লদুনা মায়ফানা মনিপুরী লোনবু আসামগী এসোসিয়েত অফিসিয়েল লেঙ্গুয়েজ ওইদ্রিফাওবা লেপ্পা লৈতনা খোঙজং অসি চংশিনখিগনি হায়খি। কেম্পেইন অদুদা মায়ফা লখিপুর ব্রাঞ্চকী প্রেসিদেন্ট পাউনম গীতচন্দ্র , জেনরেল সেক্ত্রেটরী রঞ্জীত সিংহ নচিংবা অতৈ মেম্বরশিংসু সরুক য়াখি। পোস্তর কেম্পেইন অসি সোনাই, উধারবন্দ শিলচর বরখোলা নচিংবা মফমশিংদসু লেপ্পা লৈতনা চঙশিল্লি হায়রি।
(পাউ অসি লখিপুরওনলাইন ইউতিউব চেনেলদা য়েংবিউ)
