ঙসি

চান্দমলৈকায়দা ইমালোনগী অকনবা খোঙজং চঙশিনখ্রে।


লখিপুর কাছার, আগষ্ট ৩১, ২০২০ঃ  য়াইফ লীচীং ক্লাব অমদি ইন্তিগ্রেতেদ মাদার এসোসিয়েসন অনিনা খুৎশম্নদুনা ঙরাং কাছার লখিপুরগী মনুং চনবদা লৈবা চান্দম লৈকাই মহাদেব মাণ্ডপতা নিঙোম্বম সুব্রত সিংহনা মীফম মপু ওইদুনা মঙারক শুবা ওইনা ইমালোনগী মতাংদা খোঙজং চঙশিনখ্রে। ভারত সংবিধানগী ৮শুবা সেদ্যুলদা চল্লবা মনিপুরী লোনবু ইকাই খুম্নবিউ, মনিপুরীশিংগী ফংফম থোকপা হক্ পীবিউ, মনিপুরী লোন আসাম লৈঙাক্কী এসোসিয়েত অফিসিয়েল লোন ওইহনগদবনি, আসাম সরকারগী থবক লৌবগী চাংয়েং পরিক্ষাদা মনিপুরী লোননসু থাবা য়াহনবিউ, আসাম সরকারগী অফিস খুদিংদা মনিপুরীগী ওইবা থবক অমমম রিজার্ব থম্বিউ হায়বা ৱাফম মেদিয়াগী খুৎথাংদা আসাম লৈঙাক্কী মাইগৈদা খঙহনখি। আর কে রনজিৎ, এন প্রেসেনজিৎ, এন সমরজিৎ, ঐইস সত্যজিৎ, আর কে অমরজিৎ, আর কে পুস্পিতা, কে রেবিতা অমদি ক্লাবকী এদভাইজার নিঙোম্বম রনজিৎ নচিংবা মীওইশিংনা ৱা ঙাংখি। থৌরমদা মৈরা পাইবী চান্দম লৈকায়গী চাউখৎ থৌরমশিং অমসুং মায়ফা সেন্ত্রেল কমিতিগী থৌরম খুদিংদা অঙম্বা মতেং পাংবা হায়না ৱারেপ্নখি হায়বা ৱাফম ক্লাবকী পাব্লিসিতি সেক্রেটরী তিঐইচ বিদ্যানন্দ না ফোঙদোরকলি। (পাউ অসি লখিপুরওনলাইন ইউতিউব চেনেলদা য়েংবিউ)