বরাক তম্পাক্কী খোমজিনবা পাউ ০১-০৮-২০২০

বরাক তম্পাক্কী  খোমজিনবা পাউ ০১-০৮-২০২০

মনিপুরী য়ুথস্ ফ্রোন্ত অফ আসাম মায়ফাগী উধারবন্দ ব্রাঞ্চ শেমখ্রে লোয়ননা পোস্তর কেম্পেইনসু পাঙথোকখ্রে। মায়ফাগী সেন্ত্রেল কমিতিগী লমজিং মখাদা ঙরাং অয়ুক পুং ১১ তাবদা উধারবন্দ কমিউনিতি হোলদা লূপকী প্রেসিদেন্ত সেরাম হেরাজিৎ সিংহ, সিঐইচ নেপাল সিংহ প্রেসিদিয়াম মেম্বর ওইখি। মীফম অদুনা কে রঘুবির সিংহ বু প্রেসিদেন্ত, এ অনন্ত সিংহ বু ভাইস প্রেসিদেন্ত, ঐইছ নিহাল সিংহবু জেনরেল সেক্রেটরী অমসুং বি বিষ্ণু শর্মাবু ফাইনেন্স সেক্রেটরী খুন্দুনা মীওই ১৫ শাবা মায়ফাগী উধারবন্দ ব্রাঞ্চ কমিতি অমা শেমখি। মীফমগী ৱাহৌদোক পীরদুনা মায়ফাগী জেনরেল সেক্রেতরী অক্রম লখিকান্ত না ঐখোয় নহারোলশিংনা ঐখোয়গী তুংগী মীরোলগী দমক ইমালোনবু কন্নবগী খোংজং চংশিনমিন্নসি নত্রবদি ঐখোয় নোংমদি মীগী মমাদা ইমা কৌবগী মতম লাক্লগনি হায়খি। সিঐইচ নেপাল না ঐখোয় হৌজিক পুনবগী মতমনি। ঐখোয় পুন্না ইমালোন কন্ননবগী দমক হোৎনগদবনি। ঐখোয়গী মরক্তা য়েক্নবা কয়া লাক্লবসু ইমালোনগী দমক কনাবুসু ঐখোয়না থৌশাবিরোই হায়খি। নৌনা খনখিবা মাইফা উধারবন্দ ব্রাঞ্চকী প্রেসিদেন্ত কে রঘুবিরনা মায়ফা সেন্ত্রেল কমিতিনা ইমালোনগী দমক চংশিল্লকপা খোঙজংদা ঐখোয়সু থৱায় থাবা মখৈ শরুক য়াগনি হায়খি। লোয়রকপদা মনিপুরী লোন আসাম সরকারগী এসোসিয়েত অফিসিয়েল লোন ওইহনগদবনি হায়বগী পোস্তর কেম্পেইন অমসু পাঙথোকখি। থৌরমদা মায়ফাগী ফাইনেন্স সেক্রেতরী চিত্তরঞ্জন সিংহ, জোইন্ত সেক্রেতরী অনিত সিংহ, রোবিন শর্মা অমসুং শ্যামাকান্ত সিংহ নচিংবা মীওইশিংসু শরুক য়াখি। Pao asi YouTube ta yengbiyu

লখিপুর সাবদিবিজনগী মনুং চনবদা লৈবা মারখুলিনগী কিহোমগী পোৎথোক য়াম্ন পুথোকপা ঙম্লবসু হন্দক লৈবাক শিনবা থুংনা লোকদাউন ওইখিবনা কিহোম থারিবা মীওইশিং মখোয়গী হোৎনজমনগী মহৈ ফংদবনা মকোকতা মখুৎ হাপতুনা লাকখিবনি । অদুবু য়োনফমগী খুদোং চাদবা অসি কোক্ননবগী দমক লখিপুরগী এমএলএ রাজদীপ গোৱালানা গুৱাহাতিগী "নেরামেক" হায়বা সংস্থা অমগা খুৎশম্নহন্দুনা মারখুলিনগী কিহোম গুৱাহাতিগী কৈথেলদা থাদোকপা ঙমখ্রে। থা অমগী মমাংদসু নেরামেককী খুৎথাংদা কিহোম মেত্রিকতোন ১২ ফুলেরতলদগী গুৱাহাতিদা থাবা ঙমখি। কাছারগী দিসি কীর্তি জাল্লীনা ফ্লেগ অফ তৌদুনা হৌখিবা শগোলশেন নুমিৎতা য়ামখ্রবা কিহোম গুৱাহাতিগীদমক থাদোকখি। থৌরমদা এগ্রিগী থৌমীশিং অমসুং মারখুলিনগী কিহোম থাবা মীওইশিংসু শরুক য়াখি। পনবা য়াই মারখুলিনগী কিহোম মমাং থাবা চহীশিংদা দুবাই য়ৌনা থাবা ঙমখ্রে হায়রি। Pao asi YouTube ta yengbiyu


কোভিদ ১৯ লায়চৎ অসি মখা তানা শন্দোরকপদা থীংননবা রাজ্য সরকারগী মাইগৈদগী ঙরাং নৌনা থোকপা চেরোলগী মতুং ইন্না সরকারগী ওইবা লোয়শঙশিং, লনাই লোয়শঙশিং, বেঙ্ক অমসুং মীয়াম তীনবা মফমশিংদা কোভিদ ১৯ গী চৎন কাংলোনশিং অতৈসু হেন্না চেকশিন্না ঙাকনবা খঙহনখ্রে। চেরোলসিগী মতুং ইননা - থবক মফম, মীয়ামগী ওইবা মফমশিং, চৎথোক চৎশিন, মপাল থোক্লকপদা মাস্ক তঙাইফদনা শিজিন্নগদবনি। খুদিংমক্না অমগা অমগা খরা থাপ্না লৈনবা সোসিয়েল দিস্তেন্সিংগী কাংলোনগী মতুং ইন্না য়ামদ্রবদা ফিত ৬ থাপতোকনা লৈগদবনি। মীয়াম তীনবদা অথীংবা লৈবতা নত্তনা লুহোং খোংদোংবগী থৌরমদা মীওই ৫০ দগী হেন্না তীল্লোইদবনি অদুগা অশি অনাগী থৌরমদা মীওই ২০ দগী হেন্না লৈরোইদবনি হায়রি। মীয়ামগী ওইবা মফমশিংদা লোক তীন শিৎপা, ক্বা হিদামনা চাবা অথীংবা লৈরি। লোয়শঙগী চঙফম অমসুং থোকফমদা হেন্দ ৱাস নত্রগা সেনিতাইজর থমগদবনি হায়রি। গৌহাতি সহরদা লায়চৎ অসিনা শোকহনবগী চাং হন্থরকলে হায়রদুনা রাজ্য অসিগী মফম মফমদা চাংয়েং তৌবগী চাং হেনগৎপনা মরম ওইরদুনা পোজিতিব ওইবগী মশিং হেনগৎপনি হায়না নেসনেল হেল্ঠ মীসনগী মীসন দাইরেক্তর দঃ এস লক্ষ্মমনন না ফোঙদোকখ্রে। Pao asi YouTube ta yengbiyu

আসামদা কোভিদ ১৯ গী লায়চৎ অসিনা ঙরাং য়ামখ্রবা মীওই ১৮৬২ গী মশাদা পোজিতিব ওইবা থেংনখ্রে। মসিগী মনুংদা কামরূপ মেত্রোদগী মীওই ২৮১, কামরূপ রুরেলদগী ২০২, কাছার জিলাদগী ১৪০, সোনিতপুর জিলাদগী ১২৯, দিব্রুগরদগী ১১৭ নগাওদগী ১১৪ অদুগা যোরহাততগী মীওই ১০৫ গী মশাদা লায়চৎ অসিনা নাবা থেংনখি। অদুগা । মসিগা লোয়ননা আসামদা অপুনবা পোজিতিব ওইখিবা কেস মশিং ৪০,২৬৯ শুখ্রে। অমরোমদা ঙরাং য়ামখ্রবা মীওই ১২৭৭ ফদুনা হোসপিতালদগী য়ুমদা হনখ্রে। আসামদা লায়চৎ অসিদগী ফদুনা য়ুমদা হনখিবা মীগী মশিংনা পুন্না ৩০,৩৫৭ শুরে। অদুগা লায়চৎ অসিনা মরম ওইরদুনা লাইয়েং চৎথদুনা লৈরিবা একতিব কেসকী মশিংনা ৯৮১১ নি। ঙরাং নৌনা মীওই ৪ অমগা লায়চৎ অসিনা শিখিবগা লোয়ননা রাজ্য অসিদা শিখিবা মীগী মশিংনা ৯৮ শুখ্রে। ঙরাং লৈখিদ্রবা মীওইশিং অদুদি হোজাই জিলাদগী মানিক সাহ চহী ৬৮, কামরূপ মেত্রোদগী মীনু বনিক চহী ৩০, যোরহাততগী গোপাল দাস চহী ৬৮ অদুগা দিব্রুগর জিলাদগী বিজয় সরকার চহী ৫৯ নি। ৱাফমশিং অসি রাজ্যগী হকশেল মন্ত্রী দা হিমন্ত বিশ্ব শর্মানা মহাক্কী টুইটরদা ঙরাং নুমিদাং ফোঙদোকখিবনি। Pao asi YouTube ta yengbiyu

কাদা দিস্ট্রিক কমিতিনা কালিনগর ৱার্দ নম্বর ৱান দগী ওতো অমদা পুরকপা য়ুঙৌ লিতর ১০০ রোম ঙরাং অয়ুক পুং ৮ রোম তাবদা ফাগৎখ্রে হায়রি। ফারবা য়ুশিং অদু কাদাগী কস্তদিদা থমলি। মসিগী মতাংদা কাদা জিরিবামগী প্রেসিদেন্ত টিঐইচ রতন সিংহনা ফোঙদোকখিবদা লুরবা মতম অসিদা খুন খুন শিংদা য়ু থকফম ওইবতা নত্তনা ইনাতকী মীংদা য়ু শুংদুনা বিজিনেস ওইনা ওন্থোকলিবা অসিদা কাদা জিরিবামনা সিএসও শিংগা তানদুনা থিংনবা অমদি মরী লৈনবা ওথোরিতি শিংদা চে চাং পিশিন্দুনা অকনবা এক্সন লৌখৎনবা হোৎনগনি হায়খি। লুঙগ্রেংজাং খুনগী ভিলেজ চেয়ারমেন পি মাথিউনিং পানমৈনা হায়খিবদা ঙসি অসুমনা কাদা জিরিবামনা নিশাগী মায়োকতা চংশিল্লিবা অসিদা থাগৎপা ফোঙদোকচরি হায়খি। লোয়ননা ইনাতকী ওইনা য়ু শুংবদো করিসু কাইদে অদুবু বিজিনেস ওইনা গারীদা য়ু পুথোকতুনা তৌবদি য়ানিংদে হায়খি। মসিদা কাদানা ফাদুনা এক্সন লৌবদা অকায়বা লৈতে অমসুং নিশাগী ইপাকতা শিগদবগী শরুক ফারগা মাংহনবা কায়দে হায়না ফোঙদোকখি। Pao asi YouTube ta yengbiyu

মনিপুরগী হকশেল লোয়শঙদগী ঙরাং জুলাই তাং ৩১ নুমিদাংৱাইরম থোকখিবা চেরোল মতুং ইন্না নিপা ৯৭ অদুগা নুপী ১৯ য়াওনা মীওই ১১৬ পোজিতিব ওইবা থেংনখি। মসিগা লোয়ননা মনিপুরগী অপুনবা কোভিদ ১৯ গী কেস ২৬২১ শুখ্রে। অমরোমদা লায়েংদুনা লৈরম্বা মীওই ১৭ ফদুনা হোসপিতালদগী ময়ুমদা হনখ্রে। ফদুনা য়ুমদা হনখিবা মীগী মশিং পুন্না ১৬৮৯ শুরে। অদুগা লাইয়েং চৎথদুনা লৈরিবা একতিব কেসকী মশিংনা ৯৩১ নি। মনিপুরগী ওইনা ঙরাং লায়চৎ অসিদগী ফরকপগী চাং চাদা ৬৪.৪৪ ওইখি। মনিপুরদা কোভিদ ১৯ পোজিতিব ওইদুনা অতোপ্পা লায়না লাইওং কয়াগা শাগোন্নদুনা লাকখিবা মীওইশিং শিবগী মশিং নোংম নোংমগী হেনগৎলকলি। ঙরাংসু জেনিমস্ তা মীওই ১ লৈখিদবগা লোয়ননা রাজ্য অসিদা লায়চৎ অসিগা মরী লৈননা শিবা মীগী মশিং ৫ শুখ্রে। Pao asi YouTube ta yengbiyu

ভারতকী হকশেল অমসুং য়াইফ-য়ুম্বাল লোয়শঙগী পাউ মতুং ইন্না ঙরাং ফাওবদা ভারতনা লায়চৎ অসিদগী ফরকপগী চাং চাদা ৬৪.৫৪ ওইখ্রে। লায়চৎ অসিনা লায়কন্নরম্বদগী ফরকতুনা ময়ুমদা হনখিবা মীগী মশিং লাখ ১০ মখায় হেনখ্রে। ঙরাং খক্তদা লৈবাক অসিদা নৌনা পোজিতিব ওইখিবা মীগী মশিং লিশিং ৫৫ ওইখি। হৌখিবা পুং ২৪ অসিদা লায়চৎ অসিনা লৈবাক অসিদা শিখিবা মীগী মশিং ৭৭৯ ওইখি। মসিগা লোয়ননা লৈবাক অসিদা ঙরাং ফাওবদা লায়চৎ অসিনা লৈখিদবা মীগী মশিং ৩৫,৭৪৭ নি। অদুগা লৈবাক অসিগী তোঙান তোঙানবা লায়েংশঙশিংদা লায়েংদুনা এক্তিব কেসকী মশিংনা লাখ ৫ হেন্না লৈরি। Pao asi YouTube ta yengbiyu