ভারত সরকারনা লোঞ্চ তৌখ্রবা কোরোনাভাইরাস ট্রেক তৌনবা মোবাইল এপ্ "আরোগ্যা সেতু"
কোরোনাভাইরাস ঙাকথোকপদা থোইদোক্না মতেঙ ওইরগদবা আরোগ্যা সেতু কৌবা মোবাইল এপ্ অমা ভারত সরকারনা লোঞ্চ তৌখ্রে। এপ্ অসিগী খ্বাইদগী মরুওইবদি এপ অসিবু শিজিন্নরিবা মীওইশিংনা মখোয়না চৎথোক-চৎশিন তৌবদা কোরোনাভাইরাসনা শোকহল্লবা মফমশিংদা নক্না চঙশিল্লব্রা হায়বদু ইশানা খঙদোকপা ঙম্বা অসিনি। এপ্ অসি আইওএস অমসুং এন্দ্রোইদ মোবাইল অনিমক্তা শিজিন্নবা য়াই।
আরোগ্যা এপ্ অসিনা করি করি তৌবা য়াবগে
আরোগ্যা সেতু হায়রিবা এপ্ অসি কোরোনাভাইরাস ট্রেকিং তৌবা য়াবা এপ্ নি, মসিনা ইউজরশিংগী দাতা শিজিন্নরগা কনাগুম্বা কোভিদ-১৯ পোজিতিব ওইরবা মীওইগী মনাক নকশিল্লব্রা হায়বদু ব্লুতুথ্ অমসুং লোকেসন দা বেজ তৌরগা খঙজনবনি।অমরোমদা হায়রগদি এপ্ অসিনা তৌরিবসি ঐখোয়না গুগল্ মেপ শিজিন্নরগা অচীনবা মফম অমদা ট্রাফিক্ জামগী মতাংদা খঙদোকপা অদুগুম্বনি হায়বা য়াই।
অসিগীসু মথক্তা এপ্ অসিগী অতোপ্পা ফিচর শিংদা ইশানা ইশাবু লায়না অসি ওইরব্রা হায়বদুগী মতাংদা চাওরাক্না সেল্ফ এসেসমেন্ট অমা তৌবসু য়াই অমসুং মসিদা লৈবাক অসিগী হেলপ্ লাইন নম্বর খুদিংমক লোয়না ইদুনা য়াওরি। অসিতা নত্তনা হৌজিক্কী মতমদা লায়না অসিগী মতাংদা অরানবা পাউ কয়া সোসিয়েল মেদিয়াদা শন্দোরকপা অদু য়েংবগী মহুত্তা এপ অসিদা হকশেল লোয়শঙনা মতম মতমগী ওইনা থাদোকরকপা টুইতর ফিদ্ শিং পাবা য়াগনি।
আরোগ্যা সেতু এপ করম্না দাউনলোদ তৌগনি
এপ অসি এন্দ্রোইদ অমসুং আইওএস শিজিন্নবা মীওইশিংগী দমক ফংঙি অমসুং এপ্ স্টোরশিংদগী দাউনলোদ তৌবা য়াই।এন্দ্রোইদকী দাউনলোদ ➤ লিঙ্ক
আইওএস কী দাউনলোদ ➤ লিঙ্ক
আরোগ্যা সেতু দাউনলোদ তৌরবা মতুংদা করি তৌগনি
১/ অহানবদা আরোগ্যা সেতু এপ্ ওপেন তৌবিগনি।২/ লেঙ্গুয়েজ সেলেক্ট তৌগনি। হৌজিকমক্কী ওইনদি লোন ১১ দা এপ অসি শিজিন্নবগী খুদোংচাবা পীরি।
৩/ অহানবদা উৎথোরকপা স্লাইদ ইনফোরমেসন মথং মথং য়েংলবা মতুংদা রেজিস্ট্রেসনগী পেজ থোরক্কনি।
৪/ ব্লুতুথ্ অমসুং লোকেসন্ দাতা শিজিন্নরগা পাঙথোক্কদবা ওইবনা পার্মিসন পিবা চংগনি।
৫/ মথংগী স্ক্রীনদা অদোমগী মোবাইল নম্বর হাপলগা সাবমিত তৌগনি। ঙাইহাক ঙাইরগা ওতিপি লাক্কনি মতোমতনা দিতেক্ট তৌখিবসু য়াই।
৬/ অদোমগী মিং, চহী, নিপা/নুপী, থবক, অমসুং অদোমগী ট্রেভেল হিস্ত্রি লৈব্রা হংলক্কনি। লৈরগা লৈ, লৈত্রগা লৈতে ক্লিক তৌরগা সাবমিত তৌগনি।
৭/ মেনশিনফম থোকপা খুদিংমক মেনশিল্লবা মতুংদা করিগুম্বা খুদোংথিনিঙাই ওইদ্রগদি "ইউ আর সেফ" হায়না উৎথোরক্কনি।
আরোগ্যা সেতুগী ইশানা ইশাবু চাংয়েং তৌবা
সেল্ফ তেস্ট কী ফিচর অসিদা চংলবা মতুংদা ৱাহং খরগী পাউখুম ইশানা চুম্না পীবা তায়। পাখৎনিঙাই ওইদে, অদোমসু চাং য়েংবা য়াই।
আরোগ্যা সেতু হায়রিবা এপ অসিদা কোভিদ-১৯ গী মতেঙ লৌফমশিংগী নম্বরশিং ইদুনা য়াওরি। ভারত্তা লৈরিবা হেল্প সেন্তরশিং অদোমগী লৈফমগী মতুং ইন্না হেল্প লাইন নম্বরশিং অদু উৎথোকলক্কনি।
---------------------------------
Stay connected with Lakhipuronline!
► Subscribe our YouTube Channel
► Like our Facebook Page
► Visit us at : http://www.lakhipuronline.in/
► Get Lakhipuronline Android app from the Google Play Store.
