ঙসি

শেঞ্জাও পায়বা বিল গেটস্ কী মচানুপী জেনিফর কেথরীন শেঞ্জাও পায়বা মুসলিম নহা অমগা লুহোংলগনি।


মালেমগী ইনাক কৈরাক খুল্লবা মীওইলক্তগী মমিং লৈরবা বিল গেটস্ কী মচানুপী অহল জেনিফর কেথারীন ইজিপ্তকী মুসলিম নহা অমদা লুহোংলগনি হায়বা পাউনা মালেমগী মেদিয়াশিংদা পুমনিল নিল্লে। মশাগী চহী ২৩ গী জেনিফর কেথারীন চহী ২৮ গী নায়েল নাসের গা লুহোংলগনি। নাসেরগী ইমুং মনুংসু শেন্জাও পায়, খেন্নবা হায়ববু জেনিফরগী ইমুংনা বিলিয়নিয়রনি অদুগা নাসেরগী ইমুংনা মিলিওনিয়রনি। নাসেরগী মপাবুংসি ইজিপ্তকীনি অদুবু কারবারগী দমক হৌজিকতি কুয়েততা লৈবনি। ইমুং মনুং হুপনা হোৎনদুনা আর্কেতেকচর অমসুং দিজাইনগী বিজিনেস তৌরি। বর কন্যা অনিমক্কী মান্নবা হায়বা তারবদি অনিমক শগোল থৌবা পাম্মী।


লুহোংবগী পাউ অসি বিল গেটস কী মচানুপী জেনিফারগী ইন্সতাগ্রামদা ফোঙদোরকপদগী খঙবনি। মহাক্কী ইন্সতাগ্রাম পোস্ট অদুদা মখোয় অনিনা নুংশি ৱাহৈ কয়া ইবতা নত্তনা মায়গা মায়গা ওনশিন্নদুনা থৱায় তানা নোকপগী ফোতোসুনি। ফোতো অমদা জেনিফারগী খুৎমচাদা এনগেজমেন্টকী রিং অমসু উবা ফংলি। জেনিফরদি নিউয়োর্কতা হকশেলগা মরীলৈনবা মহৈশঙ অমদা লৈরি, মথং চহীদা লুহোংগনি হায়রি। নোংচুপলোমগী নুপীনা মুসলিম নুপাদা লুহোংবসি মসিনা অহানবা নত্তে। ব্রিতেনগী প্রিন্সেস ডায়না অহানবদা পাকিস্তানগী হার্ট সার্জন অমদা অদুগা অনিশুবদনা ইজিপ্তকী শেঞ্জাও পায়বা দোদি ফায়েদনি। মসিনসু লোয়বা নত্তে জেনেট জেক্সন, রীহানা, মারিয়া ....। (www.lakhipuronline.in)