![](https://blogger.googleusercontent.com/img/b/R29vZ2xl/AVvXsEiDzuLIqPjx13h4WdiZabCj0wHk8Kd9rZmzBbqY7PRfBVDFBJ_Q21igXJBHnW63nGNV5dHBSnBeRZYfl_f214w3vf81RHJYeesNtmjpbJag2577bVKYJ3HgOgTedCGYw0vMSVxNh7O7C40/s640/866407-eye-transplant.jpg) |
(রিপ্রেজেন্টেটিব ফোতো) |
শিদ্রিঙৈদা মশাগী মীৎ অনিমক্কা লোয়ননা হকচাং দান তৌথোক্লম্বা মীওই অমগী মীৎ অতোপ্পা মীওই অনিদা হাপচিন্দুনা মেদিকেল সাইন্সকী লমদা বরাক তম্পাক্কী পূৱারীদা সনাগী কালিনা ইদুনা লৈহৌরগনি। ধোলাইগী শ্রী যমুনা প্রসাদ কোইরী হৌখিবা য়ুমশাকৈশা নুমিৎ জনুৱারীগী তাং ২৯ দা শিলচরগী লনাই হোসপিতাল অমদা লৈখিদবনি। মহাক্না হিংলিঙৈদা মাগী মীৎ অমসুং হকচাং শিলচর মেদিকেল কোলেজতা শিন্নথোকপগী অয়াবা মশামক্না চহী তরাগী মমাংদা পীরমখি। হৌখিবা থৌদোক কয়াদা মশানা অয়াবা পীদুনা হকচাং দান তৌরম্লবসু ইমুং মনুংনা য়াদবদগী অশিবা হকচাং পীখিদবগী থৌদোক কয়ামরুম লৈখি। অদুবু হন্দক্কী মতাং অসিদদি যমুনা প্রসাদকী ইমুং মনুংনা মখোয়গী মপাবুংনা পাম্লমবা অদুমক্কী মতুং ইন্না পাঙথোকপীনবা হায়জখি। শিলচর মেদিকেল কোলেজকী ওইনদি মীৎকী ট্রান্সপ্লান্ট তৌবা হন্দক্কী অসিনা অহানবা ওইরগনি। বিজ্ঞানগী লোনদা কেরাটোপ্লাস্টি নত্রগা কোর্নিয়েল ট্রান্সপ্লান্টেসন হায়রগসু খঙনবা থৌওং অসি হৌখিবা ইরাই নুমিত্তা শিলচর মেদিকেল কোলেজ হোসপিতালদা মায়পাকনা পাঙথোকখি। হোসপিতাল অসিগী মীৎকী ডাঃ আসিস দেব অমসুং আই বেঙ্ক এসোসিয়েসনগী পিআরও ডাঃ ঠাকুরগী লমজিং মখাদা শ্রী যমুনা প্রসাদকী মীৎ পোকপদগী মীৎ উরকত্রবা মীওই অনিদা মায়পাকনা হাপচিনবা ঙমখি।
(www.lakhipuronline.in)