বরাক তম্পাক্কী খোমজিনবা পাউ ০১-১২-২০১৯

Updated: Dec 01, 2019, 18:20 IST
বরাক তম্পাক্কী
খোমজিনবা পাউ
০১-১২-২০১৯

দিসেম্বর ১৫দগী হৌরগা গারীদা ফাস্ট টেগ হাপতবা য়াররোই।
⧭⧪➤  হাইৱেজতা চৎথোক চৎশিন তৌরিবা গারী খুদিংমক লাক্লিবা দিসেম্বরগী তাং ১৫দগী হৌরগা ফাস্ট টেগ হাপকদবনি হায়না সরকারগী মাইগৈদগী নোটিশ থোকখ্রে। মসি মমাং থাবদা দিসেম্বরগী তাং ১দগী হৌনা ফাস্ট টেগ নপ্পা হৌগদবনি হায়রম্বনি। পাউ অসিগী মতুং ইন্না লনাই নত্রগা কমর্সিয়েল মখোঙ মরী পানবদগী হৌরগা গারী খুদিংমক্তা ফাস্ট টেগ হাপ্নবা খঙহনখ্রে। থৌওং অসি নেসনেল হাইৱে ওথোরিটি অফ ইন্দিয়ানা মমাং থাবদগী চৎনবা হৌখ্রবনি। অদুবু দিসেম্বরগী তাং ১৫দগী হৌরগা কেসলেস ওইবতা নত্তনা ইলেক্ট্রোনিক টোল কলেক্সন শিজিন্নদুনা গারীগী মমাংগী মীংশেলদা নপতুনা য়াওগদবা ফাস্ট টেগকী স্টীকর অদুদগী চুমদ্রিং  রোদ টেক্স ককখিদৌরিবনি। থৌরাং অসিনা গারী ময়াম অমা টোল প্লাজা দা শাংনা শাংনা লাইন লেপ্পগী মথৌ তাররোই। অদোমগী গারীনা টোল প্লাজাগী মনাক্তা হেক নকশিল্লকপগা লোয়ননা ফাস্ট টেগ স্টিকরদা য়াওবা বার কোদ অদু রেদিও ফ্রিকুয়েন্সিগী মতেংনা স্কেন তৌরগা মথন্নতা ককফম থোকপা টেক্স ককখিগনি। ফাস্ট টেগ শেম্বগী দমক অদোমগী গারীগী মমাংগী ফোটো, আরসি বুক, দ্রাইভিং লাইসেন্স নচিংবা মথৌ তাগনি। অখন্নবা বেঙ্ক খরদা মসি শেমলি  অদুবু ফাস্ট টেগ শেম্বা নত্রগা রিচার্জ করম্না তৌগনি হায়বগী দমক ইন্দিয়ান হাইৱেজ মেনেজমেন্ট কম্পনি লিমিটেদকী ৱেবসাইট https://ihmcl.com/ অসিদা চঙলগা মরী লৈনবা খুদিংমক লোইনা ফংবা ঙমগনি।(www.lakhipuronline.in)
কাছার জিলাদসু এলপি স্কুল অজাশিংগী ধর্না পাঙথোকখ্রে।
⧭⧪ এলপি স্কুলগী মহৈরোইশিং অমসুং অজাশিংগী তোঙান তোঙানবা তৌরদুনা নভেম্বরগী তাং ৩০ লৈবাক্কী মফম মফমদা প্রাথমিক শিক্ষক সম্মিলনীগী সেন্ট্রেল কমিটিগী থৌশিল মখাদা কাছার জিলাগী মফম মফমদসু নুমিৎ অসিদা ধর্না তৌখি। জিলা অমসুং ব্লোক লোয়শঙশিংদসু অয়ুক্কী পুং ১০দগী হৌরগা পুং ৩ চুপ্না তোঙান তোঙানবা দাবী ৮ থবক ওইনা পাঙথোক্নবা খোল্লাউ লাউখি। দাবীশিং অদুদি- অনৌবা পেন্সনগী মওং অসি লৌথোক্লগা হান্নগী পেন্সনগী মওং অদু চৎনহনবা, মখল খুদিংমক্কী হৌজিক লৈরিবা কন্ট্রেকচুয়েল ওজাশিং অসি সর্ত অমত্তা য়াওদনা লৌশিনবা, এলপী ওজা মকোক অমসুং গ্রেজুয়েত অজাশিংদা সেভেন পে কমিসনগী মতুং ইন্না গ্রেদ পে পীবা, ছাত্র-ছাত্রীশিংগী ইউনিফোর্ম মতম চানা য়ৌহনল্লক্নবা হোৎনবা অসিনচিংবনি।(www.lakhipuronline.in)
সি.এ. বিলগী মতাংদা আসামগী ওইনা করম্না ঙাক্কনি হায়বা খন্নরি।
⧭⧪➤ সিটিজেন্সিপ এমেন্দমেন্ট বিলগী মতাংদা আসামগী মফম খরদা করম্না প্রোটেক্ট তৌগদবনো হায়বগী মতাংদা খন্নরি হায়না কেন্দ্রগী হোম মিনিস্টর অমিট শাহনা ফোঙদোকখ্রে। নোর্থ ইস্ট স্টুদেন্টস্ ওর্গেনাইজেসন (নেসো)গী মীহুৎ কাঙবু অদুগা নভেম্বরগী ৩০দা হোম মিনিস্টর অমিট শাহগা উন্নখিবা অদুদা অৱাং নোংপোক্কী আই এল পি চৎনরিবা রাজ্যশিং অমসুং সিক্স সেদ্যুল চৎনরিবা মফমশিংদদি সি.এ. বিল অসি চৎনরোই হায়না নেসোগী জেনরেল সেক্রেটরী সিনাম প্রকাশনা ফোঙদোকলি। অদুম ওইনমক আসাম অমসুং মনিপুরগী তম্পাক লমগী মফম খরগী মতাংদা করম্না প্রোটেক্ট তৌগদবনো হায়বগী মতাংদা খন্নরি হায়রি। উন্নবা অদুদা শরুক য়াখিবা রাজ্যশিংগী মীহুৎশিংগী চাদা ৯৯ বিল অসিগী মায়োক্তা লৈবনা বিল অসি খরা শেমদোক শেমজিন তৌরগা পুথোরক্কনি লোয়ননা আসাম চুক্তিগী ৬শুবা ক্লোজ অদুবু থবক ওইনা পাঙথোক্নবা শেম্বা এদভাইজরি কমিতিগী পাউতাকশিংসু য়াম্না মরুওইনা লৌগনি হায়বগী ৱাফম আসামগী শেলথুম মন্ত্রী হিমন্ত বিশ্ব শর্মনা ফোঙদোকখি। বিল অসি দিসেম্বরগী তাং ১০গী মমাংদা সংসদতা পুথোরক্লগনি।(www.lakhipuronline.in)
কবি নিলকুমার হাওরোংবগী শৈরেং লাইরিক "অশিবা মৈতান" ফোঙখ্রে।
⧭⧪  বনতারাপুর জুনিয়র কোলেজতা পাঙথোকখিবা থোরম অমদা কবি নিলকুমার হাওরোবগী অনিশুবা শৈরেংগী লাইরিক "অশিবা মৈতান" ফোঙখ্রে। মণিপুরী সাহিত্য একাদেমী নিউদিল্লীগী মেম্বর অমসুং থৌরমগী অথোইবা মীথুংলেন ওইখিবা থোকচোম বিশ্বনাথনা লাইরিক্কী মায়খুম হাংদোকখি। থৌরমদা ঐইচ বিমোল সিংহ, কুলমোহন সিংহ, কে মনিকুমার সিংহ নচিংবা মরুওইবা মীওই কয়ানা শরুক য়াখি।(www.lakhipuronline.in)
------------------------------------------------------------
Get latest News Updates Please Download our Android app > CLICK HERE
To Subscribe our YouTube Channel > CLICK HERE 
------------------------------------------------------------