কাছার জিলা তৃণমুল কংগ্রেসকী মীহুৎ কাঙবু অমনা শিলচর মেহেরপুরদা কালিপুজা লাইথাদবগী নুমিদাংদা থোকখিবা গারীনা তকপগী থৌদোকতা লৈখিদ্রবী সোনালী অমসুং পম্পিগী দুর্গাপল্লিদা লৈবা য়ুমদা নভেম্বরগী তাং ৭, শগোলশেন নুমিত্তা চৎতুনা মখোয়গী ইমুং মনুংগী মীওইশিংগা উনখ্রে। মীহুৎকাংবু অদুনা নুপীমচা অনিদুগী অহল্লমনশিংগা উন্নদুনা হন্দকতা আসাম সরকারগী মাইগৈদগী চেক ওইনা পীখিবা লুপা লাখ ২ গী শেনফম অসিদগী হেনগত্তুনা লুপা লাখ ৫ পীফম থোকই হায়না দাবী থমখি।গারী অদুগী মপু অদুবু লৈঙাক্না অথুবা মতমদা থিদোক্কদবনি অমসুং গারীদুগী মনিংদা তান্নরকখিবা মীওইশিং অদু কনা কনানো হায়বা মীয়ামদা খঙহনগদবনি হায়নসু দাবী থমখি।
কাছার জিলা তৃণমুল কংগ্রেসগী জেনরেল সেক্রেটরী ডাঃ মাইমোম শান্তিকুমারনা লুচিংবা মীহুৎকাংবু অদুদা এসিঃজেঃসেঃ ললিতা সরকার, মেম্বর তাজউদ্দিন, আব্দুল বসিত অমসুং জমিল উদ্দিন নচিংবা মীওইশিং য়াওখি। অসোমদা মীহুৎ কাঙবু অদুনা থৌদোক অদু্গা মরী লৈননা শিলচর মেদিকেল কোলেজদা লাইকন্নদুনা লৈরিবা মৌসুমী দে গী হকচাংগী ফিভম য়েংশিনখি। জেসেঃ ডাঃ শান্তিকুমারনা কোলেজ অসিগী প্রিন্সিপাল ডাঃ বেজবরুৱাগা উন্নদুনা মহাক্কী ফিভম থীনা তেক্লবা খোঙগী শরুগী দমক তঙাইফদনা চঙদবা য়াদ্রবা ইমপ্লান্টকী দমক শিলচর মেদিকেল কোলেজনা পুথোকপিনবা হায়জবদা য়ানখ্রে হায়রি।
Pao sing asi ga loinana atei e-pao gi damak
