ঙসি

নুমিৎ হুম্নি চুপ্না পাঙথোক্কদবা হেন্দলুম একজিবিসন অমসুং মেলা হৌদোকখ্রে।

থৌরমদা দিসি লয়া মাদ্দুরী না ৱা ঙাংবা
জিলা থাক্কী ওইবা হেন্দলুম একজিবিসন অমসুং মেলা অমা কাছারগী দেপুতি কমিসনার লয়া মাদ্দুরীনা হেন্দলুম এন্দ টেক্সটাইল লোইশঙদা রিবোন ককতুনা থৌরম হৌদোকখ্রে। নভেম্বর ৬ তগী ৮ ফাওবা নুমিৎ হুম্নি  চৎগদবা মেলা অসিদা কাছার জিলাগী হেন্দলুম এন্দ টেক্সটাইলগী এসিস্টেন্ট দাইরেক্তর এল. হিরালাল সিংহনা ময়ায় তাংবল লৌদুনা পাঙথোকপা হৌদোকপগী থৌরমদা সোসিয়েল ৱার্কর অমসুং আসাম মণিপুরী প্রোগ্রেসিব্ ফ্রোন্টকী জেনরেল সেক্রেটরী ড. এম. শান্তিকুমার সিংহ, এদভোকেট এনজি. রমাকান্ত সিংহ না ইকায় খুম্নবা মীথুং ওইনা শরুক য়াখি। দেপুতি দিরেক্তর এ. মনাফ না মীয়াম্বু তরাম্না ওকপগী ৱারোল পীখি।
অথোইবা মীথুংলেনগী ৱারোলদা কাছারগী দেপুতি কমিসনার লয়া মাদ্দুরীনা হেন্দলুমগী পোৎথোকশিংবু পুক্নিং থৌগৎতুনা অসিগুম্বা মেলা অমা শিল্লাংবগীদমক অপেনবা ফোঙদোকখি। শিল্লাংবদা মরুওইবা থৌদাং লৌরিবা রোংপুর পানগ্রাম হেন্দলুম ক্লাস্টারগী সেল্ফ হেল্প গ্রুপকী মেম্বরশিংবুসু মহাক্না থাগৎপা ফোঙদোকখি। মেলা অসিদা পুথোক্লিবা পোত্থোকশিংদা য়াওরিবা অৱাংবা থাক্কী পুক্নিং চীংশিন্নিঙাই ওইরবা ময়েকশিংবু মহাক্না অপেনবা ফোঙদোকপগা লোয়ননা তোঙান তোঙানবা স্কীমগী খুৎথাংদা লমসিদা মহাক্না পাংবা য়াবা মতেঙ পাংগনি হায়খি। ড. এম. শান্তিকুমার সিংহগী ৱারোলদা লশিংফিগী পোত্থোক পুথোক্লিবশিংনা অনৌ অনৌবা কম্পিউতরগী তেক্নোলোজি শিজিন্নদুনা হেন্না ফজবা মখলগী ময়েকতা লশিংফি পুথোক্নবা পুক্নিং থৌগৎখি। লোয়ননা ই-মার্কেতিংগী খুৎথাংদা হেন্না পাকচাওবা কৈথেলদা য়োনবা ঙম্নবা হোৎনসি হায়নসু মহাক্না মখা তাখি। প্রেসিদেন্টকী ৱারোলদা এল. হিরালাল সিংহনা বরাক তম্পাক্কী মীওই খুদিংমক্না পোৎথোক অসিবু শিজিন্নদুনা তুংকোয়না হিংহনবগী লম্বী য়াৎকদবনি হায়খি। থৌরমগী লোয়শিল্লকপদা স্টোল ৯ থমদুনা মণিপুরীশিংগী খুৎশাগী পোৎথোকতা য়ুম্ফম ওইবা মেলা অসিদা মীয়াম্না শরুক য়াবিনবা হায়বগা লোয়ননা সার্কল ইন্সপেক্টর এলেনা দেবীনা মীয়ামদা থাগৎ ৱাহৈ ফোঙদোকখি।

Pao sing asi ga loinana atei e-pao gi damak 
Lakhipuronline android app install toubiyu CLICK HERE

Download Lakhipuronline app HERE