শিলচর মেহেরপুরদা ওক্টোবর তাং ৩০, ২০১৯ নুমিদাং থোকখিবা থৌদোক অদুদা অঙাং ১ য়াওনা নুপী ২ শিরে। শিবগী মশীং অতৈসু হেল্লবা য়াই হায়রি।
পাউগী লিখুন মতুং ইন্না, সোনাবারিঘাততা এক্সিদেন্ট থোকলবা মতুংদা ট্রাক অদু ফানবা তান্নরকখি। অসুম অসুম খোংজেল য়াংশিল্লকপগা লোয়ননা ট্রাক অদুনা অফং অফংবা থোমদুনা লাকখিবনা কায়নথংদা রাঙ্গিরখারী দগী লৈরক্লগা মেহেরপুরগী ট্রেঞ্চিং গ্রাউন্দা চংদুনা লোৎনবা হোৎনখি।
নুমিদাংগী পুং ৮ মখায়রোম তাবগী মতম অদুদা লম্বীদুদা কালিপূজা কমিতিগী দশমীগী প্রোসেসন লাকখিবা মীওই কাংবুগী মরক শমদুনা ট্রাক অদু থৌজিল্লকপনি হায়রি। থৌদোকফমদা পীক্লিবা অঙাং অমা য়াওনা নুপী অনি শিখি। অতৈ মীওই ২৫ রোম অশোক অপন নংখি।
অশোকপশিং অদুগী মরক্তা কয়ামরুম ফিভম লুনা লৈরি। অশোকপশিং অদু শিলচর মেদিকেল কোলেজ হোসপিতালদা পুখৎতুনা লাইকন্নখি। খোইশাওনরবা মীয়ামনা ট্রাক অদু মৈ থাদোকখি। ট্রাক্কী দ্রাইভর অদু ঘুংঘুর থানাদা চঙজফম লৌদুনা লৈখি। মীয়াম্না থানাগী মমাংদগী দ্রাইভর অদুবু মখোয়গী মখুত্তা শিন্ননবা কোয়লাও লাওখি।
Pao sing asi ga loinana atei e-pao gi damak
