Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   সাহিত্য একাদেমী অমসুং অপোকপা মরূপনা শিল্লাংদুনা "লিটরেচর অফ নাওরিয়া ফুলো" হায়বা সেমিনার অমা পোইলাপুল কমিউনিতি হোলদা পাঙথোকখ্রে। # #

October 31, 2019

শিলচরদা থোকখিবা লম্বীগী থৌদোক্কী মতুংদা কাছার জিলা শিনবা থুংনা সিআরপিসিগী ধারা ১৪৪ চৎনহনখ্রে।

শিলচর মেহেরপুরদা থোকখিবা লম্বীগী থৌদোক্কী মতুংদা মখা তানা থোকহন্নিংদবা থৌদোক থোক্তনবা কাছার জিলা শিনবা থুংনা সিআরপিসিগী ধারা ১৪৪ চৎনহনখ্রে। ওক্টোবরগী তাং ৩০ য়ুমশাকৈশা নুমিৎকী অহিংদা থোকখিবা লাইবক থিবা গারীগী থৌদোক অদুনা নুপী ২ য়াওনা মীওই কয়ামরুম অসোক অপন নংহনখিবা অদুনা মরম ওইরদুনা মথং শগোলশেন নুমিৎতা শিলচরগী মফম মফমদা লম্বী থীংবা অমসুং খোয়শাওনরবা মীয়াম্না গারী থুগাইবনচিংবা হৌরকপদগী মতম খরগী ওইনা শহরগী মফম মফমদা নেনা তাদবা ফিভমদা লৈখি। ওক্টোবরকী তাং ৩১ শগোলশেন নুমিৎকী অয়ুক্কী পুং ১১ দগী হৌদুনা শিলচর রাঙ্গিরখারী পোইন্টতা লম্বী থীংবগী খোংজং হৌখিবগা লোয়ননা বন্দ শৌগৎপা অমসুং গারী থৌরিবশিংগী মরক্তা মুক্নবা থোকখি।
নুংথিলগী পুং ২ রোম তাবদা দিস্ট্রিক্ট এদমিনিস্ট্রেসনগী মাইগৈদগী ৱারী শান্নদুনা লম্বী থীংবগী খোংজং হন্দোকখ্রবসু হোসপিতাল রোদকী মফম খরদা মীওই খরনা গারী অমসুং দুকানশিংদা অকায় অতোয় থোকহন্নবা হোৎনরকখি। বন্দ শৌগৎপশিংগী মরক্তগী কাহেনবা মীওই খরনা সরকারগী বাস, মিউনিসিপালিতিগী অমোৎ অকায় পুবা গারী, কার অমসুং অতো অমা অমাং অতা থোকহনখি। মতুংদা থৌদোকফমদা শিলচর সদরগী পুলিস অমসুং সিআরপিএফ কী কাংবু লাক্তুনা খুদক্তা ইরাং লাকশিনখিবগা লোয়ননা মীওই ৩ ফাজিনখি।
সন্ধ্যাদা নো-এন্ট্রিগী মতুংদা শিলচর সহর মনুংদা গারী অচৌবা চংবা থীংনবা পুলিসকী মাইগৈদগী চপ চাবা থবক লৌখৎপা অমসুং লম্বীগী লাইবক থীবা থৌদোক অদুদা লৈখিদ্রবা মীওই ২ গী ইমুং মনুংদা সরকারগী থবক পীবগী দাবী তৌরদুনা রাঙ্গিরখারী পোইন্টতা লম্বী থিংবগী খোংজং অদু চৎথখিবনি।

মেহেরপুরদা থোকখিবা লম্বীগী থৌদোক্কী মতুংদা অতৈ মখা তানা থোকহন্নিংদবা থৌদোক থোক্তনবা মখা তানা লাউথোকত্রিবফাওবা ওক্টোবরগী তাং ৩১ দা সিআরপিসিগী ধারা ১৪৪ কাছার জিলা শিনবা থুংনা চৎনহল্লে হায়না কাছার জিলাগী দিস্ট্রিক্ট মেজিস্ট্রেতনা লাউথোকখ্রে। মসিগী মতুং ইন্না মীয়াম তিনবা মফমদা, লম্বীনচিংবদা মীওই ৫ নত্রগা মসিদগী হেন্না তীনবা, মীয়াম তীনবা মফমদা অশোক অপন থোকহনবা য়াবা খুৎলাই পুদুনা চৎপা য়ারোই লোয়ননা দিস্ট্রিক্ট এদমিনিস্ট্রেসনগী অয়াবা য়াওদনা লাউদস্পীকর/মাইক শিজিন্নবা, প্রোসেসন চৎপদা অথীংবা থমখ্রে।
পনবা য়াই, ওক্টোবরগী তাং ৩০ য়ুমশাকৈশা নুমিৎ নুমিদাং পুং তরেৎ মখায়রোম তাবগী অদুৱাইদা মিজোরামদগী পোৎচৈ পুদুনা লাকখিবা চাকা তরামরি পানবা ট্রাক অমনা শিলচর সহরগী মনাক আউলিয়া টিল্লা বাজারগী নাগাটিল্লা লম্বীদা গারী অদুনা মীওই ২ থেঙ্গাইরম্লবা মতুংদা খোংজেল য়াংনা থৌরকখি। পুলিস অমসুং মীয়াম চংদুনা গারী অদুবু ফানবা তান্নরকখিবনি হায়রি। খোংজেল য়াংনা থৌরকখিবা ট্রাক অদু মেহেরপুর য়ৌরকপদা কালীপুজাগী লাই পুদুনা প্রোসেসন চৎলিবা মীয়ামগী মরক্তা থৌজিল্লখিবনি। থৌদোকফমদা প্রোসেসন চৎপদা য়াওবা নুপী ২, সোনালী দাস (চহী ২০) অমসুং পম্পা দাস (চহী ১৮) শিখি। অতোপ্পা মীওই ২১ রোম অশোক অপন নংখি। অসোকপশিং অদু শিলচর মেদিকেল কোলেজ হোসপিতালদা লাইকন্নখি। তাঞ্জা অদুদা খোয়শাওনরবা মীয়াম্না ট্রাক অদু মৈ থাদোকখি। গারীগী দ্রাইভর অমসুং হেন্দলমেন পুলিসনা ফাজিনখি।

Pao sing asi ga loinana atei e-pao gi damak