Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # দিসা রেপ কেসতা চেন্নবা মীওই মরিগী অশিবা হকচাং নিংথিনা থম্নবা তেলেঙ্গনা হায়কোর্তনা রাজ্য সরকারদা খঙহনখ্রে। # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান লৌরকলে। # আসামগী ঐইচ.এস.এল.সি. রুতিন থোকখ্রে ফেব্রুৱারীগী ১০দগী ২৯ ফাওবা পরিক্ষা ওইরগনি। #

June 11, 2019

বরাক তম্পাক্কী শক্নাইরবা অইবা অনিদা মণিপুরী সাহিত্য পরিষদ ইম্ফালনা মনা পীদুনা ইকায় খুম্নরগনি।


মণিপুরী সাহিত্য পরিষদ ইম্ফালনা কুমজা ২০১৯ গী ওইনা মণিপুরী সাহিত্যগী তোঙান তোঙানবা লমদা মনা পীগদবা অইবা অইবীশিংগী মিং লাউথোকখ্রে। জুনগী তাং ১০ দা পরিষদকী মীফমদা লাউথোকখিবা অইবা শিংগী মনুংদা বরাক তম্পাক্কী শক্নাইরবা অইবা ডা. কুঞ্জলাল য়েন্দ্রেম্বম অমসুং অব্দুল হামিদ য়াওরকলে। অব্দুল হামিদকী "ৱাংমগী তোর্ব্বানদুদা" হায়রিবা শৈরেং লাইরিকতা কামিনী কুমার সনাগী মেডল অদুগা ডা. য়েনদ্‌রেম্বম কুঞ্জলালগী উপন্যাস "ইবেমহল" দা এলাংবম দীনমনি সাহিত্য মনা পীরগনি।  মনা অসি মণিপুরী সাহিত্য পরিষদ ইম্ফালগী ৮৪শুবা চহীগী মীফমগা মরী লৈননা জুনগী তাং ২৪ দা জৱাহরলাল নেহরু মণিপুরী দান্স একাদেমি ইম্ফালদা পাঙথোক্কদবা থৌরমগী নিনি চনবা নুমিত্তা লান্থোক্কনি হায়না জেনরেল সেক্রেটরী এলাংবম প্রিয়ব্রত সিংহনা থোকপা চেরোল অমদা হায়রি।
মণিপুরী সাহিত্য পরিষদ ইম্ফালনা মনা পীগদবা অইবা অইবশিং দি -

  • নাওরোইবম ইন্দ্রমনি - পোইরৈ নাৎকী ৱারেং (অরিবা নাৎকী মরমদা নৈনবা) - রানী খেরদানী (এলাংবী) দেবী মনা।
  • নিংঙোম্ব জাদুমনি - অপুনবনা পাঙ্গলনি (দ্রামা) - অশাংবম মীনকেতন অঙাং নৱা সাহিত্য মনা।
  • কৈথেল্লাকপম লন্দন - বোমদুনা পোকখায়খ্রবসু (ৱারীমচা) - য়ুম্নাম লালা সিংহ অমসুং বিধুমুখি দেবী নীংশিং মনা।
  • মাইবম নবকিশোর - থম্মোয়গী মরী (ৱারীমচা) - নোংথোম্বম কুঞ্জমোহন সাহিত্য মনা।
  • অব্দুল হামিদ - ৱাংমগী তোর্ব্বানদুদা (শৈরেং) - কামিনী কুমার সনাগী মেডল।
  • ডা এল গোজেন্দ্র - মণিপুরী থিয়েটর অমদি দ্রামাগী খোমজিনবা ৱারেং (নৈন ৱারেং) - যামিনীসুন্দর গুহ সনাগী মেডল।
  • ডা কুন্ঞলাল য়েন্দ্রেম্বম - ইবেমহল (উপন্যাস) - এলাংবম দীনমনি সাহিত্য মনা।
  • ইরাবোৎ নিংথৌজা - মীতৈ পেনা মৈহৌরোল পূৱারী (নাৎকী মরমদা নৈনবা) - সৌগাইজম জিতেন্দ্র (সিদাম) অমসুং রুহিনী নীংশিং মনা।
--------------------