ঙসি

বরাক তম্পাক্কী খোমজিনবা পাউ ১১-০২-২০১৯

বরাক তম্পাক্কী
খোমজিনবা পাউ
১১-০২-২০১৯


অসাম মণিপুরী সিটিজেন্স ফোরম কৌবা লূপ অমা শেমখ্রে।
⧭⧪ অসাম মণিপুরী সিটিজেন্স ফোরম (এ এম সি এফ) হায়না মীংথোনবা অখঙ-অহৈশিংনা মপুঙ ওইবা লূপ অমা ফেব্রুৱারীগী তাং ১০ নোংমাইজিং নুমিত্তা শিলচরগী ইলোরা হোটেলদা শেমখ্রে। আই এস থিঙ্গোম না প্রেসিদেন্ট, ডা. মাইমোম শান্তিকুমার সিংহ অমসুং করুণা মূর্তি মিশ্রা অনিনা ভাইস-প্রেসিদেন্ট অদুগা এন ধীরেন সিংহবু সেক্রেটরী লোয়ননা দেবাসিস হাওবম অমসুং খংজ্রাকপম কৃষ্ণমোহন অনিবু জোইন্ট সেক্রেটরী খন্দুনা  থৌপুনবা মীহুত্ ১৮ লৈবা লূপ অসি শেমখি। মণিপুরী সোসাইটিগী আইদেন্টিটি ঙাক শেনবা অমসুং হিউমেন রিসোর্স দেভেলপমেন্টকী মাইগৈরোমদা থোইদোক্না নৌনা শেম্বা লূপ অসিনা মীত্য়েং চঙগনি হায়রি(www.lakhipuronline.in)

করিমগঞ্জতা কাংলুপ মশেল ইরাং থোকলুরে।
⧭⧪  নুপীমচা অমদা মখুত্ শাংলুই হায়বগী ৱাহৌদগী করিমগঞ্জকী ধৱালীদা কাঙলুপকী ইরাং থোকখ্রে। ফেব্রুৱারীগী তাং ৫দা থৌদোক অদুগী মতাংদা আরাবিক অজা অমগী মথক্তা ময়াম চঙদুনা ফুবদগী শোকতুনা লায়েংশঙদা লায়কন্নখি। থৌদোক অদুগা মরী লৈননা ফেব্রুৱারীগী তাং ৯ দা কাঙলুপ অনিগী মরক্তা খুত্ থোক্নখি অদুম ওইনমক পাঠারকান্দি পুলিসনা ইরাং অদু নমথখি হায়রি।(www.lakhipuronline.in)

হায়ার সেকেন্দরী পরিক্ষা লৈবাকপোকপা নুমিত্তগী হৌরগনি।
⧭⧪  রাজ্য অসিগী হায়ার সেকেন্দরী একজামিনেসন ২০১৯ লৈবাকপোকপা নুমিত্তগী হৌরগনি। বরাক তম্পাকতগী পুল্লপনা মহৈরোয় ১৯,৫৯২ পরিক্ষা ফমগনি। হন্দক্কী চহী অসিগী ওইনা চাংয়েং অসিদা কাছাড় জিলাদগী মহৈরোয় ৯৯১০, করিমগঞ জিলাদগী মহৈরোয় ৫৮৯৭ অমসুং  হাইলাকান্দিদগী শুপ্না মহৈরোয় ৩৭৬৫ না হায়ার সেকেন্দরী পরিক্ষা অসিদা শরুক য়াগনি। বরাক তম্পাকতা লৈরিবা পরিক্ষা সেন্টর ৫৯গী মনুংদা কাছাড়দা ২৮, করিমগঞ্জতা ২০ অমসুং হাইলাকান্দিদা পরিক্ষা সেন্টর ১১ লৈরি ।(www.lakhipuronline.in)

ভুবন চীংসু ইনফ্রাস্ট্রাকচর অপগ্রেদেসনগী মনুং চন্না শেমগত্কদৌরি।
⧭⧪ হন্দকতা আসামগী শেলথুম মন্ত্রী হিমন্ত বিস্ব শর্মানা লাউথোকখিবা ২০১৯-২০ গী বজেততা বরাক তম্পাক্কী ওইনা পুৱারীগা শাগোন্নবা মফম খরা শেমজিন শাজিন্নবা শেন্থং পীগদৌরি। মফমশিং অদুদি - কাছার জিলাগী ওইনা - ভুবন চীং, ফ্রীদম ফাইটর বীর সম্ভু ফোংলু গী সুইসাইদ স্পোট, খাসপুর রাজবারী, মহারাজবারী চীবিতাবিসিয়া পার্ট ফোর, পানগ্রামগী রাণী ধীঙ্গী। হাইলাকান্দি জিলাগী ওইনা - কাটলিছরাগী বাদশা বাড়ী, পীকনিক স্পোট, দিস্ট্রিক্ট পুলিস ফায়ারিং রেঞ্জ, সেরিসপুর চা বাগান।  রীণী টিল্লা, সারাসপুর, আলগাপুর, হাইলাকান্দি, ৱাটর রিজার্ভার, লখিনগর, এনাখাল চা বাগান লালা। অদুগা করিমগঞ্জ জিলাগী ওইনা - ছাটাচুরা রেঞ্জ, দেবোদ্বারা, সোনবীল লেক্, রাটাবারী, হিস্টোরিকেল ফোর্ট, বদরপুর ঘাট, ইসাবীল শিব মন্দির, কাছারী রাজা ফোর্ট, বদরপুর ঘাট কল্যানপুর অমসুং মালেঘার (সেপোয় মিউটিনি) লাটু (www.lakhipuronline.in)

রাজ্যগী মহৈমশিং মন্ত্রী সিদ্ধার্থ ভট্টাচার্য হাইলাকান্দিদা লাক্কদৌরি।
⧭⧪ সরকারগী ওইবা থৌরম অমদা শরুক য়ারনবা রাজ্যগী মহৈ মশিংগী মন্ত্রী সিদ্ধার্থ ভট্টাচার্য ফেব্রুৱারীগী তাং ১১ হাইলাকান্দিদা লাক্কদৌরি। নুমিত্সিগী নুংথিল পুং মঙাদা থুংলরবা মতুংদা জিলা অসিগী থোইদোকপা মীফম অমদা শরুক য়ারবগা লোয়ননা রাজ্য সরকারগী মরুওইবা স্কীম অমা ওইরিবা মুখ্যমন্ত্রী কৃষি সা সাজুলী যোজনাগী থৌরম হৌদোক্কনি। অসোমদা রাজ্যগী মন্ত্রী প্রমীলা রাণী ব্রহ্মসু ফেব্রুৱারী তাং ১২ লৈবাকপোকপা নুমিত্ নুমিত্ নিনিগী খোঙচততা করিমগঞ্জতা থুংলগদৌরি(www.lakhipuronline.in)

Pao sing asi ga loinana atei e-pao gi damak