ঙসি

এসিয়ান গেমসকী ১০ নি চনবা নুমিৎ আগস্টকী তাং ২৮দা ভারতকী ফিভম

মিতর ৮০০ গী লমজেন্দা সনাগী তকমান ফংলবা ভারতকী মনজিৎ সিং
ইন্দোনেসিয়ানা য়ুম্বু ওইদুনা জাকার্তা অমসুং পালেম্বংদা চৎথরিবা ১৮শুবা এসিয়ান গেমস্ কী ঙসি ১০নি চনবা নুমিত্তা ভারতনা সনাগী তকমান ১, লুপাগী ৫ অমসুং সেঞ্জেংগী তকমান ২ গা লোয়ননা পুন্না তকমান ৪৯ (সনাগী ৯, লুপাগী ১৮, সেঞ্জেংগী ২২) ফংদুনা মেদেল তেলিদা ৮শুবা পোজিসনদা লৈরি।
নুপাগী মিটর ৮০০ গী লমজেনদা ভারতকী মনজিৎ সিং না সনাগী তকমান লৌখি। মশান্ন অসিমক অসিদা ভারতকী অতোপ্পা শান্নরোই জিনসন জোনসন না লুপাগী তকমান ফংখি।
আর্চরিগী নুপা অমসুং নুপীগী তীম কম্পাউন্দ অনিমক্তা ভারতনা লুপাগী তকমান অমমম লৌখি।
বেদমিন্টনদা পিভি সিন্ধুনা ৱার্লদ নম্বর ৱান টাই জু য়ীংগী মখুত্তা মাইথিহৌবগা লোয়ননা লুপাগী তকমান ফংখি। কুরাস তা নুপীগী কেজি ৫২গী কেতাগোরীদা ভারতকী পীঙ্কি বালহারা না  লুপাগী তকমান লৌখি। সেমিফাইনেলদা সাউথ কোরিয়াগী মখুত্তা মাইথিহৌরবা ভারতকী নুপাগী তেবল টেনিসকী তীম সেঞ্জেংগী তকমান ফংখি। কুরাস মশান্নদা ভারতকী মালাপ্রভা যাদব সেঞ্জেংগী তকমান লৌখি।  মিটর ২০০ গী লমজেনদা দুতি চান্দ ফাইনেলদা খোঙ থাংজিনখ্রে। অসোমদা হিমা দাস চেনবা হৌগৎলকপদা শোইবদগী দিসক্বালিফাই ওইখি।


Pao sing asi ga loinana atei e-pao gi damak

Lakhipuronline android app install toubiyu CLICK HERE