আসামগী হিমা দাস, কেরলাগী মহম্মদ আনাস অমসুং উরিষ্যাগী দুতিচাঁন্দ না এসিয়ান গেমসকী ৮নি চনবা নুমিত্তা এথলেটিক্সতা লূপাগী তকমান অমমম লৌখ্রে।

আসামগী হিমা দাস, কেরলাগী মহম্মদ আনাস অমসুং উরিষ্যাগী দুতিচাঁন্দ না ঙসি আগস্টকী তাং ২৬ নোংমাইজিং নুমিত্তা ইন্দোনেসিয়ানা য়ুম্বু ওইদুনা চৎথরিবা এসিয়ান গেমসকী ৮নি চনবা নুমিত্তা এথলেটিক্সতা লূপাগী তকমান অমমম লৌখ্রে। ভারতকী মেদেল টালিদা ঙসি ফাওবদা সনাগী ৭, লূপাগী ১০ অমসুং সেঞ্জেংগী ১৯ গা লোয়ননা পুন্না তকমান ৩৬ লৌখ্রে। হিমা দাসনা নুপীগী মিটর ৪০০ গী লমজেন্দা লূপাগী তকমান,  মহম্মদ আনাস না নুপাগী মিটর ৪০০ গী লমজেন্দা অমসুং দুতিচাঁন্দ না নুপীগী মিটর ১০০ গী লমজেন্দা লুপাগী তকমান অমমম লৌখি।

ধিং এক্সপ্রেস হায়নসু খঙনরিবী আসামগী হিমা দাস মিটর ৪০০ গী লমজেন অদু সেকেন্দ ৫০.৭৯ দা থুংদুনা অনিশুবা পোজিসন তাখিবগা লোয়ননা লুপাগী তকমান লৌখি। অহানবা পোজিসন তাখিবী বাহরেনগী সলৱা ইদ নাসিরনা লমজেন অদু সেকেন্দ ৫০.০৯ দা থুংদুনা সনাগী তকমান লৌখি।

অসোমদা, ভারতকী গোবিন্দন লক্ষ্মনন না নুপাগী মিটর ১০,০০০ গী কেতাগোরিদা লমজেন চেল্লিঙৈদা ট্রেক্কী অঙৌবা লৈই অদু নেৎলুবনা শেঞ্জেংগী তকমান অমা ফংন ফংনা নান্থোকখি। 

Pao sing asi ga loinana atei e-pao gi damak

Lakhipuronline android app install toubiyu CLICK HERE