Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান অনি লৌরকলে। # সিতিজেনসিপ এমেন্দমেন্ট বিল ২০১৯ ঙরাং লোকসভাদা পাস তৌখ্রে। # মনিপুরদা ইন্নর লাইন পার্মিট সিস্টেম চৎনরগনি হায়না কেন্দ্রগী হোম মিনিস্টর অমিত সাহনা লাউথোকখ্রে। # আসামগী ঐইচ.এস.এল.সি. রুতিন থোকখ্রে ফেব্রুৱারীগী ১০দগী ২৯ ফাওবা পরিক্ষা ওইরগনি। #

July 08, 2018

বরাক তম্পাক্কী খোমজিনবা পাউ খরা ০৮-০৭-২০১৮

বরাক তম্পাক্কী
খোমজিনবা পাউ খরা
০৮-০৭-২০১৮


বরাকভেলি জোনগী উমংলাই কনবা লূপ শেমলে।
⧭⧪ মনিপুরি সাহিত্য পরিষদ ভবন শিলচরদা ফমখিবা মীফম অমদা হৌখিবা জুলাইগী তাং ৬ ইরাই নুমিত্তা বরাক তম্পাক্কী ওইবা উমংলাই কনবা অপুনবা লূপ অমা শেমখ্রে। আসাম মনিপুরী সাহিত্য পরিষদ, এএমএসপি অমসুং উমংলাই কনবা লূপ মনিপুরগী লমজিং মখাদা শেমখিবা বরাক ভেলি জোনগী লুপ অসিনা বরাক তম্পাকতা লাই হরাওবগী চৎন পথাপপু ঙাকশেনবা অমসুং চপ মান্নবা কাঙলোন অমগী মখাদা লাই হরাওবগী থৌরম পাঙথোকপদা লূপ অসিনা য়েংশিনগদৌরি। এএমএসপিগী ভাইস প্রেসিদেন্ট প্রোফেসার কে এন চাঁন্দনা ময়াই তাংবল লৌদুনা ফমখিবা মীফমদা উমংলাই কনবা লূপ (উকল) মনিপুরগী প্রেসিদেন্ট চনম নবচন্দ্র এলাইস পারিহন, য়ুম্নাম নদিয়াচাঁন্দ, সাইখোম কমলাকান্ত, কোন্থৌজম মঙ্গীজাও, লাইশ্রম বিমল, হাওরোংবম বিমল নচিংবা মীওইশিংনা প্রেসিদিয়াম মেম্বর ওইনা শরুক য়াখি। মীফমনা প্রোঃ কেএন চাঁন্দ বু উকল বরাক ভেলি জোনগী প্রেসিদেন্ট, য়ুম্নাম নদিয়াচাঁন্দ অমসুং খাইদেম অমল বু ভাইস প্রেসিদেন্ট ওইনা খনখি। ড. হাওরোংবম রাজমনি, প্রোঃ খুমুজম ধীরেন, ঐইচ. সিরধী, আইকে গোপালসনা অমসুং ফানজৌবম লোকনাথ পু মথং শিৎনা জেনরেল সেক্রেটরী, এসিস্টেন্ট সেক্রেটরী, ট্রেজরর অমসুং পাব্লিসিটি সেক্রেটরী ওইনা খনখি। লোয়ননা বরাক তম্পাক্কী তোঙান তোঙানবা মফমদগী মেম্বর ১১ খনখি। (www.lakhipuronline.in)

 বাইক এক্সিদেন্টতা ক্ষেত্রিময়ুম প্রদিপ লৈখিদ্রে।
⧭⧪ হৌখিবা ইরাই নুমিৎ জুলাইগী তাং ৬ কী নুমিদাং পুং ৯ রোম তাবদা সোনাই আলিয়া মাদ্রাসাগী মনাক্তা থোকখিবা বাইক এক্সিদেন্ট অমদা ক্ষেত্রিময়ুম প্রদিপ লৈখিদ্রে। সোনাই হোসপিতাল রোদতা দুকান তৌদুনা শেন্দানজরিবা প্রদিপকী ময়ুম সোনাই মাজিরগ্রামদগীনি। নুমিৎ অদুগী থৌদোক অদু মহাক্না শিলচরদগী সোনাই লাকপগী লম্বীদা থোকখিবনি হায়রি। থৌদোকফমদগী মহাকপু ময়াম চংদুনা সোনাই হোসপিতালদা পুখৎখি অদুবু কনবা ঙমখিদে। পাউ ফংবদগী নুমিদাং অদুমক্তদা সোনাইগী এমএলএ আমিনুল হোক লস্কর হোসপিতালদা লাকতুনা থৌদোক অদুগী মতাংদা অৱাবা ফোঙদোক্লমখি। মহাকখক্তনা শেন্দাল্লগা য়ুমলিংজরিবা ক্ষেত্রিময়ুম প্রদিপকী য়ুমদা পীক্লিবা মচানিপা অনি, মাগী নুপী অমসুং মমা লৈহৌরি। (www.lakhipuronline.in)


আসাম সরকারনা এদভোকেত ঐইচ বাবু সিংহ বু নোতারি খল্লকখ্রে।
⧭⧪ এদভোকেত ঐইচ. বাবু সিংহ বু কাছার জিলাগী নোতারি ওইনা হাপখ্রে। শিলচর বার এসোসিয়েসনগী নোতারি খল্লবা অতৈ এদভোকেত শিং অদুদি রঞ্জু দেব, মৈত্রিয়ী সোম, অজয় রায় চৌধুরী, মোঃ জিয়া উদ্দিন লস্কর অমসুং প্রসেনজিৎ ভট্টাচার্যনি। হৌখিবা জুনগী তাং ২২ দা আসাম সরকারগী আইন লোইশঙদগী পীরকপা চেরোলগী মতুং ইন্না মখোয় তরুক চহী মঙাগী ওইনা নোতারিগী থবক পুরগনি। (www.lakhipuronline.in)

পিএন্দআরদি পরিক্ষাগী ৱাথোকতা বাঁসকান্দিগী ইনভেজিলেতর অমা ফাখ্রে।
⧭⧪ পঞ্চায়েত এন্দ রুরেল দেভেলপমেন্ট (পিএন্দআরদি)গী চাংয়েং পরিক্ষাদা ৱাহং-চে আউট ওইখিবা অমসুং অতৈ আইন কায়না ৱাহং চে মপান্দা থোকহনখিবগা মরী লৈননা সিআইদি না কাছার জিলাদগী সামসুল হোক লস্কর কৌবা মীওই অমা ফারে। সাময়িক প্রসঙ্গ পাউচেদগী ফংবা পাউগী লিখুন মতুং ইন্না সামসুল হায়রিবা মীওই অসি বাঁসকান্দিগী স্কুল অমদা ইনভেজিলেতর ওইখিবনি হায়রি। থিজিন হুমজিল্লবগী মতুংদা থৌদোক অদুদা সামসুল চেন্নবা মরমনা মহাকপু ফাখিবনি হায়রি। (www.lakhipuronline.in)



Pao sing asi ga loinana atei e-pao gi damak