বরাক তম্পাক্কী খোমজিনবা পাউ খরা ০৩-০৭-২০১৮

বরাক তম্পাক্কী

খোমজিনবা পাউ খরা

০৩-০৭-২০১৮

  

প্রতিক হাজেলাগীদমক অকনবা ঙাকশেন থৌরাং লৌখৎকদৌরি।

⧭⧪➤ রাজ্য অসিদগী চাউরকপা ওইদ্রবসু আসাম রাজ্য অসিগী দমক তুম্বা হিপ্পা খঙদবমখৈ হোৎনরিবা রাজ্য অসিগী এনআরসিগী কোর্দিনেটর প্রতিক হাজেলাগী দমক হৌজিক ওইরিবা রাজ্যগী ফিভম অসিদা জেদ কেতাগোরীগী ঙাকশেন থৌরাং পিবা য়ানা লৈরে। ময়ুম উত্তর প্রদেশকী ওইজরবসু রাজ্য অসিগী য়াইফনবগী দমক মথৱাই খুবাক্তা হাপ্তুনা হোৎনরি। ঙরাং সুপ্রিম কোর্টকী য়াথং অমদা লাক্লিবা চয়োল অসিগী মনুংদা হাজেলা অমসুং মহাক্কী ইমুং মনুংবু খ্বাইদগী চেকশিন্না ঙাকশেন্নবা পুলিসকী মকোক থোংবশিংদা খঙহনখ্রে। (www.lakhipuronline.in)

এনআরসিগী ফাইনেল দ্রাফ্ট জুলাই ৩০ দা পুথোক্লগনি ।

⧭⧪➤ জুলাইগী তাং ৩০ দা এনআরসিগী ফাইনেল দ্রাফ্ট পুথোক্নবা সুপ্রিম কোর্তনা খঙহল্লকলে। হন্দক্কী দ্রাফ্ট অসিদা মমাংদা য়াওখিবনি হায়বা চীংনবা মীওই লাখ অমা মখাইরোমগী মীংসু ককথৎনবা কোর্তনা খঙহনখ্রে হায়রি। অসিতা নত্তনা দি-ভোতর অমসুং ফোরেনর্স ট্রাইবুনেলদা কেস চৎথরিবা মীওইশিংগী মীংসু হন্দক্কী দ্রাফ্ট অসিদগী মীং লৌথোক্নবা হায়খ্রে। (www.lakhipuronline.in)

পাউমী হাৎখিবগা মরী লৈননা সিবিআইনা আইপিএফতিগী নেতা ৩ বুক তৌখ্রে।

⧭⧪➤ ত্রিপুরাদা পাউমী অনি হাৎপিখিবগী থৌদোকতা রাজ্য অসিগী ইন্দিজিনাস পিপলস্ ফ্রোন্ট অফ ত্রিপুরাগী নেতা অহুমগা লোয়ননা মেম্বর কয়ামরুমগী মথক্তা সিবিআইনা বুক তৌখ্রে। হৌখিবা চহীগী সেপ্তেম্বর তাং ২১ দা নোংচুপ ত্রিপুরাগী লম্বী থিংবগী খোংজং অমগী পাউ লৌবা চৎখিবা লোকেল তেলিভিজন চেনেলগী পাউমী শান্তনু ভৌমিক হাৎখিবা অমসুং নভেম্বর ২০ দা জিলা অসিগী আর কে নগরদা ত্রিপুরা স্তেট রাইফল্স সেকেন্দ বাতালিয়ানগী হেদ ক্বাটরদা পাউ লৌবা চৎলুবা সুদীপ দত্ত হাৎতোকপিখিবগা মরী লৈননা সিবিআইনা আইপিএফতি গী লুচীংবা বলরাম দেববর্মা অমসুং ধীরেন্দ্র দেববর্মা য়াওনা মন্দয়ী দিবিজনেল কমিতিগী প্রেসিদেন্ট অমীত দেববর্মাগী মথক্তা কেস লৌখৎখ্রে হায়রি।  (www.lakhipuronline.in)

Pao sing asi ga loinana atei e-pao gi damak 

Lakhipuronline android app install toubiyu CLICK HERE