Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান অনি লৌরকলে। # সিতিজেনসিপ এমেন্দমেন্ট বিল রাজ্য সভাদা খন্নরি। # দিসেম্বর ১১দগী মনিপুর ইন্নর লাইন পারমিট সিস্তেম চৎনবা রাজ্য অমা ওইরে। # ইসরোনা আর্থ ওবজার্বেসন রিসেট টু বি আর ৱান মায়পাক্না থাগৎখ্রে। #

July 02, 2018

বরাক তম্পাক্কী খোমজিনবা পাউ খরা ০২-০৭-২০১৮

বরাক তম্পাক্কী
খোমজিনবা পাউ খরা
০২-০৭-২০১৮



ফিফা ৱার্লদ কাপতা রাশিয়া অমসুং ক্রোয়েসিয়া ক্বাটর ফাইনেলদা খোঙ থাংজিনখ্রে। 
⧭⧪ রাশিয়ানা স্পেইনবু পেনাল্টি শুটআউততা পাঞ্জল ৪- ৩ দা মাইথিবা পীরম্লগা ফিফা ৱার্লদ কাপকী ক্বাটর ফাইনেলদা খোঙ থাংজিনখ্রে। ঙরাং অহানবা প্রি-ক্বাটর ফাইনেল মেচকী অপিবা মতমগী মনুংদা মাইগৈ অনিনা গোল অমমম চন্নদুনা দ্রো ওইরবা মতুংদা পেনাল্টি কাউনহনবদা পাঞ্জল ৪ – ৩ দা ৱার্লদ কাপতা অহানবা ওইনা ক্বাটর ফাইনেলদা খোঙ থাংজিনজরিবা রাশিয়ানা ২০১০ গী ৱার্লদ কাপ চেম্পিয়ন স্পেইনবু থোইখি। রাশিয়াগী দিফেন্দর সর্গৈ ইগ্নাসেভিচ্ না শোয়খিবদগী মশানা কাউশিনজখিবা বোল অমনা স্পেইননা ১ – ০ দা মাঙজিন থাখিবনি। থৌদোক অসি ৱার্লদ কাপকী পুৱারীদা ১০শুবা মশানা কাউশিনজবা বোলনি। পুং ১ খরা হেল্লপ শান্নখিবা মেচ অদু শান্নরোইশিং, অয়েংবশিং অমসুং মেচ অদুবু মীৎনা উবা পাউদম পীরিবা কমেন্টেটরশিংসু খৌনাও কংখিদবা নত্তে।
অসোমদা মতুংগী ক্রোয়েসিয়া অমসুং ডেনমার্কগী মেচসু অদুমঙাই অপিবা মতম অমসুং অহেনবা মতমফাওবদা গোল অমমম চন্নদুনা দ্রো ওইদুনা লৈবদগী পেনাল্টি শুটআউততা ডেনমার্কপু ৩ – ২ দা মাইথিবা পীরম্লগা ক্রোয়েসিয়া ক্বাটর ফাইনেল চঙখ্রে।
অঙকপনি শান্নবা হৌবগী অহানবা মিনিততা দেনমার্কনা ১ - ০ দা মাংজিল থাখি। অনিশুবা মিনিততা অমুক ক্রোয়েসিয়ানা অমুক গোল অমা চন্দুনা ১ – ১ মান্নখি। টাইব্রেকরদা মাইগৈ অনিমক্কী গোপকিপার অনিমক থোইদোক্না মখোয় মখোয়গী হৈশিংবা উৎথোকখি। ক্রোয়েসিয়াগী গোলকিপার সুবাচিচ টাইব্রেকারদা বোল অহুম ঙাকখি। ডেনমার্ককীসু মখোয়গী গোলকিপারনা বোল অনি ঙাকখিবনি।
লাক্লিবা ইরাই নুমিৎ জুলাইগী তাং ৬ নুমিদাং পুং ৭-৩০ দা শান্নগদবা অহানবা ক্বাটর ফাইনেলদা উরুগুৱে অমসুং ফ্রান্স অদুগা মথং নুমিৎ জুলাই তাং ৭ নুমিদাং পুং ১১-৩০ দা রাশিয়া অমসুং ক্রোয়েসিয়া থেংগাইনরগনি।
ঙসি ৱার্লদ কাপকী রাউন্দ অফ সিক্সটিন (প্রি-ক্বাটর ফাইনেল)গী মেচ নুমিদাং পুং ৭-৩০ দা ব্রাজিল অমসুং মেক্সিকো অদুগা নুমিদাং পুং ১১-৩০ দা বেলজিয়াম অমসুং জাপান শান্নরগনি। (www.lakhipuronline.in)

য়ুম অমত্তগী মীওই ১১ অমুক্তদা শিরগা লৈরম্বা থেংনরে।
⧭⧪  খরনা মমিৎ কিশিল্লম্বা, খরনা মখুৎ মনিংলোমদা পুনশিল্লম্বা অসুম্না য়ুম অমত্তগী অশিবা হকচাং কয়ামরুম রুম অমত্তদা জালি অমদা য়ান্দুনা লৈরম্বা থেংনখ্রে অশিবা হকচাং ১১ গী মনুংদা তরেৎনা নুপী অদুগা মরিনা নুপানি হায়রি থৌদোক অসি ঙরাং অয়ুকতা দিল্লিগী বুরারিদা থোকখিবা থৌদোকনি, থৌদোক অদু উবদা পুলিসসু পুমঙক ঙকখি ললিত অমসুং ভূবনেশ্বর মচীন মনাও অনি মমা, মচাশিং অমসুং মপুরোইবা কায়নরবী মচননুপী অমগা বুরারিগী ২৪ সন্তনগরগী মথোল অনিগী য়ুমসিদা লৈমিন্নরকপনি অশেংবা ময়ুমনা রাজস্থানদগীনি মচিন মনাও অনি দুকান ফম্মি ঙরাং অয়ুকতা পোৎচৈ লৈবা লাকপশিংনা মতম থেংলফাওবদা দুকান লোন্দুনা লৈবদু য়েংশিল্লুবদা মখোয় পুন্না ১১ মক রুম অমত্তদা অমগা অমগা ইনক নক্ননা ঙকশমদা ফিনা য়ান্দুনা লৈরম্বা থেংনখিবনি হায়রি শিদুনা লৈরম্বা ফিভম অদুদা চীংনবা কয়ামরুম লৈতবা নত্তে, অদুম ওইনমক অশিবশিং অদু পোস্ট মোর্টেমগী মতুংদা থৌদোক অদুগী তাংদাংবা লংলা লংজিন খঙলগনি(www.lakhipuronline.in)

লালাদা কাং টোর্নামেন্ট হৌখ্রে।
⧭⧪  লালাগী বীরটিকেন্দ্রজিৎ স্পোর্টস্ এন্দ কলচারেল এসোসিয়েসন অমসুং হাইলাকান্দি জিলা কাং এসোসিয়েসননা শিল্লাংদুনা পাঙথোকপা কাঙ টোর্নামেন্ট হৌখ্রে। ঙরাং নোংমাইজিং নুমিৎতা টোর্নামেন্ট অসি হাইলাকান্দি জিলা পরিষদকী সিইও শান্তিকুমার সিংহনা শান্নবা হৌদোকপিখি। ঙরাং হৌদোকপা নুমিৎকী শান্নবদা চেংবিল নোংদোন লাইরেম্বী গা লাইশ্রমখুনগা শান্নখিবদা দ্রো ওইখি। জুলাই তাং ১২দগী সিলেট (বাংলাদেশ), মনিপুর, জিরিবাম অমসুং হোজাই য়াওনা তোঙান তোঙানবা মফমশিংদগী লাকপা কাংখুৎশিংসু শরুক য়ারগনি হায়রি। (www.lakhipuronline.in)


Pao sing asi ga loinana atei e-pao gi damak